الموضوع: رابطة مالكي الكريستالة..لانسر 1996 - 2000

المشاركة الأصلية كتبت بواسطة M.Elgergawy

الحمد لله ومتهملش تاني لما تلاقي زيت عشان عواقبه كبيرة

اطمن انا ايدى فيها على طول ولسة مغير جوانات ماستر الدبرياج بنفسى (زهقت من فتى الصنيعية) وقبلها بردة تيل الفرامل وان شاء الله قريبا سير الكاتينة

وبالمناسبة انا لقيت انا لقيت مكتوب على كيس الجوان انة genuine parts مش عارف بقى كدة اورجنال ولا لأ بس انضف بكتيييير من ابو 35 جنية وشكلة مصرى بس مكتوب علية تيوانى

المشاركة الأصلية كتبت بواسطة m.elgergawy

معلش يا حبي انا سافرت مأمورية الاقصر والجو حر جداااااااااااا
وهرجع ان شاء الله الجمعة
وايه اللى ب 120 دا تقصد جراب النضارة ؟؟

ايه يا عم اللي وداك الاقصر في الوقت ده ... كنت قدمت استقالتك اسهل

تيجي بالسلامة يا عمده

اللي بـ 120 ده حامل الاكواب يا برينجي :b4_444:

المشاركة الأصلية كتبت بواسطة hplv

السلام عليكم
عندى شوية اسئلة كدا
1-لما بكون ماشى على 120 وادوس فرامل الدركسيون بيرعش جامد اوى وبسمع صوت تزييق حديد (ده تيل ولا طنابير ولا ايه)ودى حاجات بتتصلخ ولا بتتغير وفى حدود كام
2- اعرف ازاى انا عايز اغير البوجيهات (بتتغير بالاسلاك ولا هيا بس)
3- لما بكون ماشى برده بسرعة على الزراعة واهدى علشان المطبات الوهمية الى فى الطريق وجبت اوى مثلا العربية بتنتش منى وبتقطع وار بى ام بينط من 1 ل2 ل3 وهكذا لح ما اجيب الغيار التانى
4- انا غيرت العجل الحمد الله عايز ازبط زويا وارصص (اعمل كده الاول ولا اربط العفشة الاول واعرف ازاى انا العفشة عايزه تربيط <<<<<ده سوال رخم انا عارف )
اسف على الاطالة.
بس فى معلومة بسية انا الديسك والاسطوانة عايزين يتغيرو هل ده ليه علاقة بحاجة من المشاكل الى فوق انا ماشى بيهم الفين ونص كيلو من بعد ماعرفت وناوى اجيب اخرهم لان الميكانيكى مصصن اناى اجيب الطقم الى فى التوكيل سالت عليه لقيته فى حدود 900 جنيه (حرام والله كده )

1- تزيق الحديد ده التيل عندك جايب اخرة و لازم تغيرة و اكيد هاتلاقي الطنابير بردو فيها عالي وواطي و ده يعملك الرعشة في الطارة .. غير تيل الاول و جرب

2- البوجيهات تخلي الميكانيكي يبصلك عليها لو مهببة او حاجة يسنفرهالك او تغيرها لو عدت 20 الف كيلو

3- اعتقد دي مشكلة كربراتير . لو مفيش رعشة علي الاول

4- تربيط االعفشة مالوش علاقة بتظبيط الزوايا .. ممكن تروح تظبط زوايا و تقول لنفس الراجل يربطلك العفشة .. تربيط العفشة ده اعملة كل شهر او اتنين .. مفيش اعراض له .. العفشجي بيقرط علي مسامير و صواميل العفشة في منها بيبقي فاكك نص او ربع لفة مش حاجة يعني

5- لو العربية بتقعد ترعش معاك في الطلعة يبقي ديسك و اسطوانة و ده سبب رقم ( 3 ) و طقم الفاليو بـ 375 جنيه الناس بتشكر فيه

المشاركة الأصلية كتبت بواسطة islamdsr

واضح انكم اصدقاء في بعض ومش بتردوا على اسئلة باقي الناس

احنا فعلا اصدقاء في بعض يا باشا .. بس احنا بقينا اصدقاء من هنا .. من مساعدتنا لبعضنا
و اعتقد ان اي حد جديد بردو هايبقي صديقنا لاننا موجودين هنا عشان نساعد بعض و نفيد بعض في المقام الاول
اهلا بيك يا باشا وسطنا و ماتزعلش لو محدش رد علي سؤالك .. احنا مش بنحب نفتي في حاجة
اللي بيعرف الاجابة بيدخل يقولها و اللي مش بيعرف مش بيرد و مش بيفتي

و طالما انت زعلت يبقي لازم نصالحك يا باشا

انا هافتي عشان انت ماتزعلش :)

المشاركة الأصلية كتبت بواسطة islamdsr

انا بسال عن لمبه الشبوره للاكصدام موديل 97 الاقيها فين انا مش لاقيها خالص

بص الموضوع سهل خالص .. صور لمبة الشبورة القديمة او الفيشة بتاعتها او هات صورة ليها من علي النت
و حطها هنا و انا هانزل ادورلك عليها و اجيبهالك و تقابلني اديهالك

ها يا ريس ... صافي يا لبن ؟؟؟

المشاركة الأصلية كتبت بواسطة bonanza

احنا فعلا اصدقاء في بعض يا باشا .. بس احنا بقينا اصدقاء من هنا .. من مساعدتنا لبعضنا
و اعتقد ان اي حد جديد بردو هايبقي صديقنا لاننا موجودين هنا عشان نساعد بعض و نفيد بعض في المقام الاول
اهلا بيك يا باشا وسطنا و ماتزعلش لو محدش رد علي سؤالك .. احنا مش بنحب نفتي في حاجة
اللي بيعرف الاجابة بيدخل يقولها و اللي مش بيعرف مش بيرد و مش بيفتي

و طالما انت زعلت يبقي لازم نصالحك يا باشا

انا هافتي عشان انت ماتزعلش :)



بص الموضوع سهل خالص .. صور لمبة الشبورة القديمة او الفيشة بتاعتها او هات صورة ليها من علي النت
و حطها هنا و انا هانزل ادورلك عليها و اجيبهالك و تقابلني اديهالك

ها يا ريس ... صافي يا لبن ؟؟؟

الله عليك يا كبير


راعى قلوب المصريين