بص ياباشا هوه الجوان ده لما بينفس بيسبب كذا حاجة اول حاجة زيادة استهلاك البنزين مهما ظبط العربية تانى حاجة موضوع ان العربية تطلع دخنة سوداء فى التسخين الصبح وبيبقى البنزين فى ريحة عادم نى.....انا اول ماجبت العربية كانت تمام فى كل حاجة استهلاك وسحب بس السخان ماكانش شغال وبتقرفنى فى التسخين وتبطل كذا مرة على ماتدور وكل ما ازود وهيا بارده تبطل روحت لواحد فك الكربراتير ونضفه وشغل السخان وكل المشاكل دى راحت وبقت تمام بس فوجت بدخنه سمراء خفيف جدا اول ما ادور ودقيقة كده وتروح المهم قولت عادى وانا ماصدقت العربية اتظبطت لقيت استهلاك البنزين ذاد شوية مشيت بيها كده فترة لحد ما الدخنة ابتدت تذيد روحت لواحد تانى بدا معايا من الاول اول يوم غير بوجوهات وفلتر هواء وفلتر بنزين وظبط تيكهات بناء على طلبى انى اغيرهم وظبط نسبة الخليط وجربت اسبوع مفيش فايده روحتوله تانى اسبوع مارضيش يفك الكربراتير لانه شايفه نضيف ومستحرم يفكه وهوه عارف انى كنت لسه فكه بره ومنضف
المهم تالت مرة فكه وادانى الجوان ده وقالى روح اعمله عند واحد بتاع جونات وقالى اعمله نوع الورق اللى يتعمل منه الجوان حاجة حرارى وقالى اعمل اتنين او تلاته علشان نستنضف واحد ونركبه انا عملت ثلاثه وركبته اكتر واحد مظبوط زى الاصلى وركبت الدخنة راحت خالص استهلاك البنزين قل كتير كانت بتعمل 200 كيلو فى الصفيحة على السريع بقت بتعمل 270 فى الصفيحة الحمد لله بس غالبا الجوان ده مالوش علاقة بالسحب والله اعلم
اسف ان كنت طولت بس حبيت انقل التجربة لانى دوخت على ما عملتها وكلفتنى كتير
شكرا على ردك فعلا انا فكرت اروح افصلة عند حد بتاع جوانات بس هقولك بقى على اللى حصل معايا...
انا رحت اظبط الكربراتير فى مركز وقالولى السخان بايظ (كنت عارف انة بايظ ومش فارق معايا لان العربية بدور عادى) المهم قلت ماشى علشان لو العربية ماتظبطتيش مايكونش حجتهم ان السخان لازم بتصلح....
بعد ماصلحتة العربية بقت سحبها زفت وكمان مابدورش بسهولة زى الاول ورجعتلهم تانى وتالت وزهقت بصراحة فقلت اظبط انا الكرباتير بنفسى (بحب ادخل فى كل حاجة حتى سير الكاتينة بغيرة بنفسى)
اكتشفت ان السخان مش شغال وكل اللى عملوة انهم ركبوا طبة وخلاص ففكيتة وفكيت الجزء النحاسى(حساس السخان) وكان قافش يعنى مهما سخن مش هيشتغل وجربتة بمية سخنة واشتغل تمام وركبت الكربراتير واشتغل كويس بس كل ما العربية تسخن العربية بتموت بمعنى الكلمة...
اكتشفت اية بقى ان العربية بتهببب جامد وان فية مية كتير طالعة من الشكمان وطبعا زى مانت عارف ان السخان بيسخن من خلال مية تبريد الموتور وان السخان لية مدخل ومخرج للمية دى والغريب بقى ان فية زى مجرى كدة مابين السخان وجسم الكربراتير واخدة من دورة المية فى السخان تقريبا علشان تسخن مدخل الهواء اللى داخل الكربراتير وطبعا بين السخان والكربراتير جوان لكن لو الجوان دة مفوت الهوا اللى داخل الكربراتير هيسحب معاة مية...وطبعا دة بيحصل لما العربية تسخن وضغط المية بيزيد فبيخترق الفجوة الموجودة فى الجوان
لما وصلت للنيجة دى خلعت خرطوم الداخل والخارج ووصلتهم ببعض بوصلة فالعربية بقت زى الفل وان شاء الله لما افضى هبقى اعمل الجوان دة واركبة ...
لو سمحت يا شباب .. معايا كريستاله 2000 ... الحمدلله عربية حلوة وموتورها جامد .. بس المشكلة عندى لما بشغل التكييف .. مكنتش بتسقع وكانت تقيلة جدا وممكن تبطل منى .. قالولى اشحن فريون .. شحنت فريون بقى التكييف ساقع (معقول) بس العربية لسه تقيلة .. لكن اول ما بطفى التكييف العربية بتتظبط .. هل فيه مشكلة ولا ده الطبيعى .. ملحوظة . تقل العربية بيخلنى افضل انى اطفى التكييف.
لو سمحت يا شباب .. معايا كريستاله 2000 ... الحمدلله عربية حلوة وموتورها جامد .. بس المشكلة عندى لما بشغل التكييف .. مكنتش بتسقع وكانت تقيلة جدا وممكن تبطل منى .. قالولى اشحن فريون .. شحنت فريون بقى التكييف ساقع (معقول) بس العربية لسه تقيلة .. لكن اول ما بطفى التكييف العربية بتتظبط .. هل فيه مشكلة ولا ده الطبيعى .. ملحوظة . تقل العربية بيخلنى افضل انى اطفى التكييف.
افصل التكييف على الاول والتانى
ولكن مع التالت والرابع او مع السرعه مش هتحس بالتقل
كلنا كدا على شان المتور 1300cc
لو سمحت يا شباب .. معايا كريستاله 2000 ... الحمدلله عربية حلوة وموتورها جامد .. بس المشكلة عندى لما بشغل التكييف .. مكنتش بتسقع وكانت تقيلة جدا وممكن تبطل منى .. قالولى اشحن فريون .. شحنت فريون بقى التكييف ساقع (معقول) بس العربية لسه تقيلة .. لكن اول ما بطفى التكييف العربية بتتظبط .. هل فيه مشكلة ولا ده الطبيعى .. ملحوظة . تقل العربية بيخلنى افضل انى اطفى التكييف.
كده يبقي بلف الرفع بتاع التكيف مش شغال روح لاي حد بتاع تكيف يبصلك عيله او يغيره تمنه حوالي 30 جنيه كان عندي نفس المشكله
بسم الله الرحمن الرحيم
محتاج فانوس لانسر كرستالة امامى يكون مكسور
علشان انا بصراحة بفكر اعدل فوانيس الاكسيل الى فاونيس الكرستالة و محتاج اى فانوس اجرب علية
علشان لو الموضوع نفع اشترى 2
و لو منفعش يبقى انا مخصرتش حاجة
المفضلات