رابطة مالكي الكريستالة..لانسر 1996 - 2000

**Pharaoh** · 12-05-2009 12:03 PM

حد يعرف قواعد الموتور التايلندى شغاله كويس و لا لا؟
لانى عندى القاعدتين اللى من تحت عايزين يتغيروا
ولفيت التوفيقيه كلها و ملقتش كل كله تايلندى
حتى عند احمد البلطى كمان تايلندى
النوع اللى منتشر كان القاعدتين ب 100ج
و كان فى انواع تانية القاعدتين ب 170 و بردة تايلندى و لما مسكتهم محستش باى فرق
و اظن الاصلى فى التوكيل ال 2 ب 450 ج
يعنى تقريبا اكتر من 4 اضعاف السعر

ممكن الافادة بالاراء؟

الف شكر

**shady333** · 12-05-2009 03:40 PM

متشكر جدا على الرد و التعب و ربنا يعوضكم الف خير

**shevechinco** · 13-05-2009 02:21 PM

المشاركة الأصلية كتبت بواسطة mady2007

بص ياباشا فى واحد كويس أوى يبنضف الكربراتير ويظبطه وقريب فى الأسعار بس هوة فى الهرم أسمه رضا وعنوانه الهرم-ش المطبعه -أمام السور ودة رقم تليفونه 0106721202 بس ياريت تروحله بدرى علشان تحجز دورك فى الاول
بالنسبه للميكانيكى انا كنت قولت عليه قبل كدة هوة الأسطى رمضان وهوة شغال فى مركز خدمه الرواس اللى قبل مسرح البالون وهوة شاطر قوى والكريستاله دى لعبته ويقدر يجيبلك أى قطع غيار انت عايزها وممكن يجيبهالك أصلى وبسعر كويس وهوة فاتح فى 4كرم عبد الهادى-المنيل ودة رقم تليفونه 0121622345 ولما تروحله قوله أنا جاى من طرف مهندس محمد جلال وهيعمل معاك الواجب
وبالنسبه للزيت هوة فعلا 5 كيلو بس من الأفضل أن يتم تغييرة فى التوكيل علشان زيت الأوتوماتيك بالذات بيبقى ليه مواصفات خاصه ولازم طبعا تغير معاه الفلتر وان شاء الله يبقى الفتيس تمام
بالنسبه للبوجيهات وفلتر الهواء ممكن تجيبهم من عند المنير فى شارع فيصل وممكن من عند الخواجه فى شارع البحر الأعظم
ولو فى اى أستفسار تانى أنا فى الخدمه

بعد اذنك انا من المنيل ممكن توضح لي مكانة فين بالضبط و شكرا

**mady2007** · 13-05-2009 06:36 PM

حضرتك أول ماتدخل شارع المنيل موجود عل الشمال كبابجى عنتر وقصادة على الناحيه التانيه محل موبيلات هوة دة الشارع اسمه كرم عبد الهادى ادخله وأسأل على الأسطى رمضان

**mando_07** · 13-05-2009 07:08 PM

طب ممكن أسئلك يا هيما عن الكولت ال-٩٧ هي تعملها كام بالتقريب كدا يعني و هيا هيا الكريستالة ولا فيها أي اختلافات والعزل فيها إيه أخباره
وشكراً مقدماً يا باشا

**HeMa_LanCeR** · 14-05-2009 07:57 PM

المشاركة الأصلية كتبت بواسطة mshlovemsh

حد يعرف قواعد الموتور التايلندى شغاله كويس و لا لا؟
لانى عندى القاعدتين اللى من تحت عايزين يتغيروا
ولفيت التوفيقيه كلها و ملقتش كل كله تايلندى
حتى عند احمد البلطى كمان تايلندى
النوع اللى منتشر كان القاعدتين ب 100ج
و كان فى انواع تانية القاعدتين ب 170 و بردة تايلندى و لما مسكتهم محستش باى فرق
و اظن الاصلى فى التوكيل ال 2 ب 450 ج
يعنى تقريبا اكتر من 4 اضعاف السعر

ممكن الافادة بالاراء؟

الف شكر

يبقي مافيش حل قدام حضرتك غير انك تجيبهم بس حاول تنقي الأنضف ويستحسن من عند البلطي

المشاركة الأصلية كتبت بواسطة mando_07

طب ممكن أسئلك يا هيما عن الكولت ال-٩٧ هي تعملها كام بالتقريب كدا يعني و هيا هيا الكريستالة ولا فيها أي اختلافات والعزل فيها إيه أخباره
وشكراً مقدماً يا باشا

هي بتعملها في رنج من ال 40 الي ال 50 حسب الحاله
انا عموما لسه شاري واحده لصديق بس موديل 98 وكانت عايزه موتور واخدتها ب 35 وفابريكا بره وجوه بس اصلا صاحبتها كانت مش عيزاها علشان جابت استرا فا علشان كده اخدناها بسعر حلو
وبالنسبه للعزل هو هو مافيش اي فرق
بس كان فيها عزل في الكبوت نفسه وده بس الاختلاف

**kokmedo** · 16-05-2009 10:46 PM

ربنا يوفقك يا هيما في الامتحانات
ويوفق كل الناس اللي داخلة علي أمتحان

**elsory** · 17-05-2009 03:56 PM

ممكن اعرف فين مكان العفشه الرياضيه لانسر 98
وشكرا ودة الايميل بتاعى
hany_nasser@hotmail.com

**AmrMostafa** · 18-05-2009 10:38 AM

أنا كنت أقصد أويل سيل الإسبراتير وده عند محل محمد جابر فى شارع دمشق فى مصر الجديدة ممكن حضرتك تسأل عنه لما توصل ميدان روكسى ألف مين يدلك

**Pharaoh** · 18-05-2009 02:38 PM

اللانسريه

عايز طلب صغير منكم

ممكن حد يفتح كبوت الكريستاله و يدور الموتور و يبص على طنبورة الكرنك
اللى هى بيلف عليها سير الكاتينه وهتلاقيها من تحت

شوفوا كدة فيها رفة صغيرة وعشان تعرف يعنى اية رفه بصوا على بقيه الطنابير اللى بيلف عليها سير الدينامو وبقيه السيور

متهيالى هتلاقوا كل الطنابير بتلف مستويه جدا ماعدا الطنبورة دى

حد كدة يجرب ويقولى لو سمحتوا اكون شاكر ليكم