رابطة مالكي الكريستالة..لانسر 1996 - 2000

**momo44** · 10-10-2012 05:43 PM

المشاركة الأصلية كتبت بواسطة minded

تصحيح يا جرجاوي باشا

المقاس الصحيح 185/60/14 وده بيدي فرق عن الاصلي بسيط جدا ولا يذكر ولا يؤثر علي العفشة وده لما احب اجنط 14

دى مقاسات النت والمفروض انها تبقى صحيحة
لكن مقاسات الكتالوج مختلفة

**SASA3** · 10-10-2012 06:55 PM

حد يا رجالة مركب kyp

?? ايه نظامه

**Yasser.Essam** · 10-10-2012 09:12 PM

المشاركة الأصلية كتبت بواسطة m.elgergawy

يا رجالة انا عارف انا بقول ايه وانا قولت طبقا للكتالوج مش من دماغي وانا فاهم ان المقاسات البديلة للمقاس الاصلي بتاعنا هي
175/70/13
185/60/14
195/50/15
بس دا مش طبقا للكتالوج دا طبقا لبرامج ومواقع النت انما اللى قولته طبقا للكتالوج اللى الشركة طبعاه والشركة اللى عاملة العربية مش المواقع ولا البرامج

الكلام ده ليس عليه غبار

وانا مش هاخد بكلام النت قد ماهاخد بكلام الكتالوج اللى منزلاه العربيه

وانا شوفت مقاس هيجننى بصراحه ^_^

205/40/17

راكب فى كريستاله علي جنط bbs

بس الله اكبر عليه :)

**husseinsalah** · 10-10-2012 10:42 PM

المشاركة الأصلية كتبت بواسطة osman1

سؤال بسيط
هل قواعد الموتور الصغيرة اللى فوق القنطرة ممكن تتملى او بمعنى اصح تتكبس فالو ينفع ياريت
* العنوان ؟؟؟؟؟
*السعر؟؟؟؟؟؟؟؟

لو قصدك القعدتين العلوية للموتور يمبن وشمال ايوا ممكن تنكبس هتلاقيها تيوانى

العنوان: فى اتوفيقية (مش فاكر المحل لكن هو قصاد ابراهيم البنا اول او تانى محل على الشمال وانت ضهرك لمحل ابراهيم البنا
السعر : 50 جنية للقاعدة الواحدة وكبستها عند خراط (عندة مكبس) ب 10 جنية وركبتها وانا بغير سير الكتينة لانها كانت القاعدة اللى على ايدك الشمال وانت فاتح الكبوت

**minded** · 11-10-2012 11:44 AM

المشاركة الأصلية كتبت بواسطة M.Elgergawy

انا داخل على تغيير زيت فتيس المانيوال ان شاء الله حد غير قريب زيت الفتيس
والمفروض طبقا للكتالوج يكون اللزوجه
w75-w85 او w75-w80 apl gl-4 sae
ده مش لاقي كل الموجود w90 فقط
اعمل ايه

انا غيرته يا حج جرجاوي من كام شهر كده وعبيت زيت شل وكان مكتوب عليه 80 /90 wوشغال تمام وكنت هطيت صورة الزجاجة قبل كده هدورلك عليها

**minded** · 11-10-2012 11:55 AM

المشاركة الأصلية كتبت بواسطة sasa3

حد يا رجالة مركب kyp

?? ايه نظامه

kyp زبالة حاول تسال علي انواع تانية لانه ناشف جدا ومش بياخد ويدي وانا مركبه وقرفان منه ونفسي الاقي نوع تاني مضمون عشان ابقي اغيره

**minded** · 11-10-2012 12:13 PM

المشاركة الأصلية كتبت بواسطة m.elgergawy

يا رجالة انا عارف انا بقول ايه وانا قولت طبقا للكتالوج مش من دماغي وانا فاهم ان المقاسات البديلة للمقاس الاصلي بتاعنا هي
175/70/13
185/60/14
195/50/15
بس دا مش طبقا للكتالوج دا طبقا لبرامج ومواقع النت انما اللى قولته طبقا للكتالوج اللى الشركة طبعاه والشركة اللى عاملة العربية مش المواقع ولا البرامج

بس الكاتلوج ده متاكد انه بتاع الكريستالة 1300 مانيول ؟؟؟؟؟؟؟؟؟ لان الكاتلوج الي شوفته مفيهوش تجنيط اصلا وهحاول اصورها بالموبايل

**minded** · 11-10-2012 12:16 PM

المشاركة الأصلية كتبت بواسطة momo44

دى مقاسات النت والمفروض انها تبقى صحيحة
لكن مقاسات الكتالوج مختلفة

الكاتلوج لا يوجد بيه تجنيط لمقاس 14 اصلا يا محمود باشا

**MITSUKERO** · 11-10-2012 01:51 PM

المشاركة الأصلية كتبت بواسطة sasa3

حد يا رجالة مركب kyp

?? ايه نظامه

زبالة ناشفين جدا جدا جدا جدا جدا تحس انك بتترج من اقل حاجة

**drwaelmohammad** · 11-10-2012 05:24 PM

السلام عليكم ورحمة الله وبركاته
جزاكم الله خيرا على مجهودكم الطيب
معلش انا لسه شاري لانسر 99 مانيوال من 5 شهور وهي اول عربية ليا
وعندى شوية استفسارات ياريت تستحملوني
1-التكييف كان مبيبردش رحت لبتاع تكييف كشف عليه وقالي السربنتينة مخرمة
قلته يعني هنغيرها قالي لأ الجديدة غالية احنا هنلحمها
وفعلا فكهالي وبعتني على واحد لحمها وبتاع التكييف ركبها وجربها وشحن التكييف
وخد الفلوس وروحت بيها كويسة وتاني يوم كانت المفاجأة ان مفيش تبريد
رحتله تاني اقله قالي ده اكيد السربنتينة اتخرمت هات واحدة وانا اركبهالك طبعا سيبته ومشيت
سؤالي دلوقتي هي السربنتينة بكام؟وفي منها مستور ؟ولو فيه بكام الجديد وبكم المستورد؟
2- المكنة مرشحة زيت والميكانيكي قالي دي عاوزة تغيير طقم شنابر وده يعتبر نص عمرة وهيكلف حوالي 1200 جنيه ولا حاجة ؟ايه رايكم في الكلام ده؟
وهو بيغير البوجيهات لقي البوجيه الرابع متني قالي هات 4 بوجيهات فرنساوي وهات الرابع سن قصير
هل ممكن البوجيه ده هو اللي عامل الترشيح وايه اللي يقطمه هل عيب تركيب الصنايعي؟
3-وانا برصص وبظبط زوايا قالي على فردة بايظة؟هي بتتغير على بعضها ولا بغير فيها حاجة؟ والاسعار ؟
4-قربة مية المساحات مخرومة ؟القربة بكم؟
5-اغير فلتر الزيت والبنزين والبوجيهات كل كم؟وكمان انا مغيرتلهاش سيولر خالص؟
6-ملاحظ ان نور الفوانيس عالي رحت اظبطهم عند كهربائي قالي المسامير بايظة هات فوانيس جديدة؟ايه رايكم ؟والانواع؟ وبكام؟وبلاستيك ولا ازاز؟
وهل الافضل اني اركب فوجات وخلاص ؟والانواع ؟وبكام؟
عايز اركب زجاج كهرباء للاربع ابواب انا عندي سنتر وانذار يكلفوا كام الابع ابواب؟ وفي تحذيرات معينة؟
السنتر كان علق ومبيفتحش من الباب ولا من الريموت رحت لكهربائي غيرلي دفضعة الباب الامامي اليمين واشتغل لكن المشكله انه بيشتغل من الريموت بس يعني معرفش افتح واسوجر باقي الابواب من باب السواق زي الاول ياترى ايه المشكلة؟
7-لو عاوز اسمكر العربية واديها وش نضافة تكلف كام تقريبا؟
معلش طولت عليكم اصلي جديد لسه ربنا ينفع بيكم

الموضوع: رابطة مالكي الكريستالة..لانسر 1996 - 2000

LinkBack

أدوات الموضوع

عرض

-

-

-

-

-

-

-

المواضيع المتشابهه

رابطة مالكي البطة - لانسر 1992 : 1995

رابطة مالكي الشارك- لانسر 2008 : 2012

رابطة مالكي المكواة...لانسر 2001-2002-2003

كتالوج لانسر 1996-2000

للبيع لانسر موديل 1996 شكل الكريستالة اوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة