الموضوع: رابطة مالكي الكريستالة..لانسر 1996 - 2000

السلام عليكم يا كريستالويه
انا عندي مشكله مضيقاني حبتين طبعا احنا دخلنا علي صيف ما يعلم بيه الا ربنا فطبعا بشغل المكيف المشكله بقي انه علي ما بروح البيت بيكون بدأ يبرد كويس فشوفت الفريون من العدسه لقيت مفيش رغوي ولا ضباب ناس قالتلي المشكله في التلاجه انها مليانه تراب انا مش عارف هيا بتتنظف ازاي ياريت تفيدوني في كده
معلش هطول عليكوا صوت المرواح بقي بتاعت المكيف والتبريد بيكون عالي جدا يعني ببقي سامع صوتهم كويس وانا جوا بحس اني راكب لادا هل فيه طريقه انهم يتنظفوا بردوا ولا ايه اسف للإطاله مره تانيه

الاخوة خبراء الكرستالة..
السخان بتاع العربية مكنش شغال.. رحت عند احد الاخوة اللي شغالين في التوكيل وفاتحين برة والحمدلله نضفهولي واشتغل تمام.. بس الملاحظة بقه واللي حبيت اخد رأيكم فيها وهي ان العربية قبل ما اصلح السخان كانت بتعملها حوالي 400-420 كيلومتر في التفويلة.. دلوقتي بقت تعمل 350 كيلومتر بس!!!
فهل السخان هوه السبب؟ ولا هيه دي طبيعة استهلاك العربية ولا ايه بالظبط؟

ارجوا الافادة.. شكرا مقدما

سلام عليكم

انا عضو جديد معاكو ياشباب الكريستالهعندى كريستاله 99 مانيوال و كنت عايز اسال على ميكانيكى و عفشجى فى الهرم يكون استاذ علشان انا تعبت من الميكانيكيه اللى بيفتو و يدفعوك دم قلبك على فاضى ولا اروح التوكيل ولا ايه و لو التوكيل يبقى اقرب فرع للهرم ايه؟؟؟

انا عندى صوت تزييء فى الدبرياج هو صوت خفيف بس مضايقنى جدا و كنت روحت لميكانيكى فى الهرم :( ربنا يسامحه بقه قالى ده ديسك و خلانى غيرت الديسك و الاسطوانه و البليه و كاعييت بتاع 500 جنيه و فى الاخر الصوت رجع بعد كام يوم تانى يا ريت لو حد يعرف ده ايه يقولى و متشكر يا شباب.

المشاركة الأصلية كتبت بواسطة badrawy

السلام عليكم

يا شباب انا عاوز اسأل عن شوية حاجات عن الكريستاله

بما انها محطوطه فى مقارنه مع اللانوس فا انا بفاضل بينهم المهم يعنى

دلوقتي من عيوب الكريستاله او هوه سلاح ذو حدين انها واطيه شوية وده طبعا مع المطبات مش حلو بس حلو فى الثبات

المهم دلوقتي هل الوطيان ده له حل؟ وهل لو الواحد ركبلها جنوط اكبر ده بيرفع العربيه عن الارض ؟ لاني مش مقتنع بحكاية تعلية السوست او انى احط حاجه عليها علشان تعلي العربيه حاسس انه ممكن يبوظ العفشه
المهم يعنى ايه احسن الحلول لوطي العربيه

وفى حاجه مهمه انا شفت فى اختبارت التصادم بتاعهتا انها اخدت نجمة ونص بس !!!!!!!!!!!!!!!!!!!!!!!!!!!
والموضوع ده مقلقني اوي لانه العمر مش بعزئه زي ما بيقولو فا ايه رأيكم فى العربيه هل متينه ولا ايه

ولو فى اي عيوب تانيه يا ريت تقوليلي علشان ابقى على نور من قبلها

والف شكر يا شباب الكريستاله

موضوع ان العربيه واطيه ده يتحل بجنوط 14 وهتلاقي الدنيا بقت زي الفل
والثبات مش هيتأثر

المشاركة الأصلية كتبت بواسطة bido_maxboy

السلام عليكم يا كريستالويه
انا عندي مشكله مضيقاني حبتين طبعا احنا دخلنا علي صيف ما يعلم بيه الا ربنا فطبعا بشغل المكيف المشكله بقي انه علي ما بروح البيت بيكون بدأ يبرد كويس :_alshmokh11: فشوفت الفريون من العدسه لقيت مفيش رغوي ولا ضباب ناس قالتلي المشكله في التلاجه انها مليانه تراب انا مش عارف هيا بتتنظف ازاي ياريت تفيدوني في كده
معلش هطول عليكوا صوت المرواح بقي بتاعت المكيف والتبريد بيكون عالي جدا يعني ببقي سامع صوتهم كويس وانا جوا بحس اني راكب لادا هل فيه طريقه انهم يتنظفوا بردوا ولا ايه اسف للإطاله مره تانيه

كده حضرتك لازم تكشف علي الفريون الأول
وبعدين نشوف موضوع التلاجه هي عموما بتتنضف هواء بس علشان لو عايز تغسلها يبقي التابلوه هيتحل كله
بس مدام العربيه بتبتدي تبرد يبقي ده عيب فريون وبالنسبه للمروحه ممكن تكون عايزه تتنضف بس عموما هي صوتها عالي علي مستوي 4 فقط لكن من 1 الي 3 الصوت عادي

المشاركة الأصلية كتبت بواسطة hawkeye

الاخوة خبراء الكرستالة..
السخان بتاع العربية مكنش شغال.. رحت عند احد الاخوة اللي شغالين في التوكيل وفاتحين برة والحمدلله نضفهولي واشتغل تمام.. بس الملاحظة بقه واللي حبيت اخد رأيكم فيها وهي ان العربية قبل ما اصلح السخان كانت بتعملها حوالي 400-420 كيلومتر في التفويلة.. دلوقتي بقت تعمل 350 كيلومتر بس!!!
فهل السخان هوه السبب؟ ولا هيه دي طبيعة استهلاك العربية ولا ايه بالظبط؟

ارجوا الافادة.. شكرا مقدما

هو المفروض استخدام البنزين هيزيد وهقولك ليه السبب
علشان العربيه الصبح بقي صوت موتورها عالي يعني استهلاك بنزين اكتر من الأول
شوف انت بقي ال 300 لتر دول كان فيهم كام مره العربيه بتسخن بأستهلاك اعلي واحسبها كده مع نفسك تاني
بس خلي بالك حاول تمون مره تانيه وتحسبها تاني علشان كل مره هيختلف علي حسب انك سخنت العربيه كام مره وكنت سايق العربيه بتكييف ولا بدون وجوه البلد ولا طرق سريعه

المشاركة الأصلية كتبت بواسطة kokmedo

أهلا بيكم جميعا
كنت عايز أعرف حد يعرف مركز خدمة ممكن أرحلوة يكشف علي العربية ككل ويصلح اي مشاكل بها المهم يكون مركز خدمة محترم وميكنش غالي اوي
منتظر ردودكم

في مركز في صقر قريش علي الأوتوستيراد تحت مطلع دائري المنيب

المشاركة الأصلية كتبت بواسطة mostafa_zizo

سلام عليكم

انا عضو جديد معاكو ياشباب الكريستالهعندى كريستاله 99 مانيوال و كنت عايز اسال على ميكانيكى و عفشجى فى الهرم يكون استاذ علشان انا تعبت من الميكانيكيه اللى بيفتو و يدفعوك دم قلبك على فاضى ولا اروح التوكيل ولا ايه و لو التوكيل يبقى اقرب فرع للهرم ايه؟؟؟

انا عندى صوت تزييء فى الدبرياج هو صوت خفيف بس مضايقنى جدا و كنت روحت لميكانيكى فى الهرم :( ربنا يسامحه بقه قالى ده ديسك و خلانى غيرت الديسك و الاسطوانه و البليه و كاعييت بتاع 500 جنيه و فى الاخر الصوت رجع بعد كام يوم تانى يا ريت لو حد يعرف ده ايه يقولى و متشكر يا شباب.

رش علي السوسته بتاعته wd-40
وشوف الصوت هيروح ولا لأ
والسوسته دي هتلاقيها في البدال نفسه من فوق

لو سمحتم يا جماعة انا بفاضل بين اللانسر الكريستاله 99 - 2000 و اللانوس 2004-2005
وقلقان شويه من ناحية استهلاك البنزين عشان انا بسافر كتير جدا
فا ياريت الاخوه الكريستالويه يقولولنا معدل استهلاك الكريستاله 99 - 2000 مانيوال كام جوه المدينه و على الطرق السريعه و بالتكييف و بدون تكييف و شكرا لكم جميعا