رابطة مالكي الكريستالة..لانسر 1996 - 2000

**samehshokry** · 24-11-2012 08:14 PM

ايه يا جماعه الاسعار الغريبه دي اللي انا قاعد اقراها دي
ده انا شاري عربيتي كريستاله 99 عاده فاضيه كانت مرفوعه و حالتهال ممتازه و كانت عامله 74 الف وكنت شاريها ب 49 الف .
. انتوا حسستوني اني اتنصب علي و شاريها بسعر هلامي

**M.Elgergawy** · 24-11-2012 10:55 PM

المشاركة الأصلية كتبت بواسطة samehshokry

ايه يا جماعه الاسعار الغريبه دي اللي انا قاعد اقراها دي
ده انا شاري عربيتي كريستاله 99 عاده فاضيه كانت مرفوعه و حالتهال ممتازه و كانت عامله 74 الف وكنت شاريها ب 49 الف .
. انتوا حسستوني اني اتنصب علي و شاريها بسعر هلامي

بص يا سامح باشا
الكريستالة انا لما حد بيقولى تسوى كام
لازم اشوف العربية وحالتها وموديلها يعني مش ينفع نقول سعر من غير ما ابص على العربية
نمرة واحد دواخل العربية حوض وشاسيه وقوايم وشنطة + موديل العربية يعني 96 غير 97 غير 98 غير 99 غير 2000
+ كماليات العربية ( يعني gl - glx - جامبو ) + الاكسسوارات الاخرى
كل دا بيفرق في سعر العربية
بس طبعا في ليمتد في الاخر يعني هنقول من اول 45 الف لغاية 55 الف دا الرينج الطبيعي لكل عربية بحالتها ( الاستوك من غير اي تيونينج )
وطبعا في ناس تلاقيها تقولك ب 40 و 41 و42 و 43 اعتقد ان اللى معاه كريستالة نضيفة ومفهاش مصاريف مش هتقل عن اللى قولته

**M.Elgergawy** · 24-11-2012 11:05 PM

المشاركة الأصلية كتبت بواسطة dr_m_lost

هيا العربيه ارنبه كامله اتوماتيك 98 بفتحه سقف والماكينه متغيره بماكينه 2004 1600 cc كل حاجه فيها شغاله وبحالتها حتي الماتور العداد عامل 350000 بس شغال كويس ومفيش اي مشاكل

العربية دي لو دواخلها زيرو ومفهاش اي مصاريف نهائي وجامبو ومتغيرلها موتور 1600
مش هتقل عن 52 الف جنيه

**M.Elgergawy** · 24-11-2012 11:06 PM

المشاركة الأصلية كتبت بواسطة momo44

طب والمغربية

المشاركة الأصلية كتبت بواسطة momo44

من واحد حبيبى

حبيبي يا حوده

**M.Elgergawy** · 24-11-2012 11:07 PM

المشاركة الأصلية كتبت بواسطة AbO MosTaFa

انا خلاص عقدت العزم علي اللون الزيتي ان شاء الله

وان شاء الله هابدأ باول حاجة زيتي لقتها السقف الكهربا من عند زوزا

بس المشكلة ازاي هاجيب السقف من الحرفيين للزقازيق :((

اولا مبروك على تغيير الاسم

ثانبا انت ممكن تعملها في الحرفيين وتريح نفسك

**AbO MosTaFa** · 25-11-2012 12:24 AM

المشاركة الأصلية كتبت بواسطة M.Elgergawy

بص يا سامح باشا
الكريستالة انا لما حد بيقولى تسوى كام
لازم اشوف العربية وحالتها وموديلها يعني مش ينفع نقول سعر من غير ما ابص على العربية
نمرة واحد دواخل العربية حوض وشاسيه وقوايم وشنطة + موديل العربية يعني 96 غير 97 غير 98 غير 99 غير 2000
+ كماليات العربية ( يعني gl - glx - جامبو ) + الاكسسوارات الاخرى
كل دا بيفرق في سعر العربية
بس طبعا في ليمتد في الاخر يعني هنقول من اول 45 الف لغاية 55 الف دا الرينج الطبيعي لكل عربية بحالتها ( الاستوك من غير اي تيونينج )
وطبعا في ناس تلاقيها تقولك ب 40 و 41 و42 و 43 اعتقد ان اللى معاه كريستالة نضيفة ومفهاش مصاريف مش هتقل عن اللى قولته

والله محمد باشا بيقو ل كلام زي الفل

واضيف لك عن تجربة شخصية

انا شاري عربيتي 97 اتوماتيك جي ال ب 42 الف وكانت سليمة من الخارج ياعني مش فيها اي خبطات

كل الي فيها
1/ خبطة في الشنب مردودة ع البارد
2/ الدريكسيون كان تقيل وغيرت عمود الدريكسيون
3/تلاجة التكييف كانت مستعدلة
4/ الموتور كان في حاجة لطقم شنبر والكومبريسور ضعيف

ياعني حاجات الي ممكن يتصرف عيها في حدود 4000 جنية

ياعني كانت توصل ل 46 الف جنية وهو ده سعرها الي ممكن تشتري به عربية مش محتاجة مصروف
بس انا ليا رأي في موضوع الكرستالة ده
ان الموتور بتعها مش مناسب للعربية دي علي الاطلاق
فلو حضرتك مهتم اوي بحالة الموتور علي حساب السعر بتاع العربية تبقي غلطان لانك لو عايز تركب كرستالة وتستمتع بيها لازم الموتور بتاعها الي بتنزل بيه بره مصر يركب عليها

**AbO MosTaFa** · 25-11-2012 12:43 AM

المشاركة الأصلية كتبت بواسطة M.Elgergawy

اولا مبروك على تغيير الاسم

ثانبا انت ممكن تعملها في الحرفيين وتريح نفسك

والله يامحمد باشا ظروف شغلي مش مساعدة اصلا ان انا اخلص شغل العربية هنا في الزقازيق

ده انا حتي عمري مارحت لزوزا مخصوص دايما بكون نازل في مشوار وأعدي عليه حتي بتكون معايا المدام

______________________________

انا بصراحة برضه عايز اخد رأيك في موضوع تجديد العربية بتاعتي

انا مش ساعة ما بدأت خطوات جدية في موضوع اني اقلب العربية لميراج و كل الي حواليا عمالين يقولوا لي حرام عليك انت كده بترمي الفلوس في الارض الصراحة مافيش حد موافقني خالص في الموضوع ده وكلهم بيقولوا لي شد العربية علي وضعها كده وبلاش تعدل فيها وهات اكصدام وجوز فوانيس وسمكر الابواب ورش العربية بس
مع اني متحمس بشدة ليه وبقول في نفسي انا هانزل اجيب السقف من عند زوزا عشان احط نفسي ادام الامر الواقع ويبقي لازم ابدأ شغل في العربية بس كلام صحابي وحتي مراتي مقلقني ياعني مراتي بتقولي اني بعد ما اعمل في العربية الخاجات دي هابيعها واشتري حاجة تانية واخسر الفلوس

شوف ياباشا انا شاري العربية ب 42 الف زي ما قولت لك فوق :) وعملت بيها حادثة جابت كبوت واكصدام وفوانيس مش اتغيروا لغاية دلوقت

ومن شهرين تقريبا توكتوك دخل في العربية من ورا جاب شنطة :((

وانا غيرت الموتور ب 5000 جنية وعملت التكييف تقريبا ب 1200 وغيرت العفشة ب 1500

واشتريت 4 فرد كاوتش ب 1200 ياعني كلة 9000 + 42000 يبقي = 51 الف

وانا لسه عايز اصرف تقريبا 9000 ل 10000 ياعني هايبقي تمن العربية 61 الف

كده الموضوع فتح اوي

بجد انا محتار اوي لاني عايز اظبط العربية وفي نفس الوقت خايف مش اسمع كلام الي حواليا واندم في الاخر عايز رأيك بأمانة انت لو مكاني هاتعمل ايه

**loloking** · 25-11-2012 06:57 AM

يا جماعة الى عنده كتيب الصيانة ( الى بيبقى مع الكتالوج فى اى عربية متسوبيشى ) نظيف و فاضى مش بيستعمله ولا مكتوب فيه و حابب يبيعهولى ب 200 جنيه يكلمنى 01001446165

**M.Elgergawy** · 25-11-2012 09:59 AM

المشاركة الأصلية كتبت بواسطة abo mostafa

والله يامحمد باشا ظروف شغلي مش مساعدة اصلا ان انا اخلص شغل العربية هنا في الزقازيق

ده انا حتي عمري مارحت لزوزا مخصوص دايما بكون نازل في مشوار وأعدي عليه حتي بتكون معايا المدام

______________________________

انا بصراحة برضه عايز اخد رأيك في موضوع تجديد العربية بتاعتي

انا مش ساعة ما بدأت خطوات جدية في موضوع اني اقلب العربية لميراج و كل الي حواليا عمالين يقولوا لي حرام عليك انت كده بترمي الفلوس في الارض الصراحة مافيش حد موافقني خالص في الموضوع ده وكلهم بيقولوا لي شد العربية علي وضعها كده وبلاش تعدل فيها وهات اكصدام وجوز فوانيس وسمكر الابواب ورش العربية بس
مع اني متحمس بشدة ليه وبقول في نفسي انا هانزل اجيب السقف من عند زوزا عشان احط نفسي ادام الامر الواقع ويبقي لازم ابدأ شغل في العربية بس كلام صحابي وحتي مراتي مقلقني ياعني مراتي بتقولي اني بعد ما اعمل في العربية الخاجات دي هابيعها واشتري حاجة تانية واخسر الفلوس

شوف ياباشا انا شاري العربية ب 42 الف زي ما قولت لك فوق :) وعملت بيها حادثة جابت كبوت واكصدام وفوانيس مش اتغيروا لغاية دلوقت

ومن شهرين تقريبا توكتوك دخل في العربية من ورا جاب شنطة :((

وانا غيرت الموتور ب 5000 جنية وعملت التكييف تقريبا ب 1200 وغيرت العفشة ب 1500

واشتريت 4 فرد كاوتش ب 1200 ياعني كلة 9000 + 42000 يبقي = 51 الف

وانا لسه عايز اصرف تقريبا 9000 ل 10000 ياعني هايبقي تمن العربية 61 الف

كده الموضوع فتح اوي

بجد انا محتار اوي لاني عايز اظبط العربية وفي نفس الوقت خايف مش اسمع كلام الي حواليا واندم في الاخر عايز رأيك بأمانة انت لو مكاني هاتعمل ايه

لو منك كفاية مصاريف كدا حلو اوي واظبط بس شكل العربية من برا وخلاص لانك فعلا المصاريف دي كلها مش هتيجي لما تبيع

**samehshokry** · 25-11-2012 11:36 AM

المشاركة الأصلية كتبت بواسطة m.elgergawy

بص يا سامح باشا
الكريستالة انا لما حد بيقولى تسوى كام
لازم اشوف العربية وحالتها وموديلها يعني مش ينفع نقول سعر من غير ما ابص على العربية
نمرة واحد دواخل العربية حوض وشاسيه وقوايم وشنطة + موديل العربية يعني 96 غير 97 غير 98 غير 99 غير 2000
+ كماليات العربية ( يعني gl - glx - جامبو ) + الاكسسوارات الاخرى
كل دا بيفرق في سعر العربية
بس طبعا في ليمتد في الاخر يعني هنقول من اول 45 الف لغاية 55 الف دا الرينج الطبيعي لكل عربية بحالتها ( الاستوك من غير اي تيونينج )
وطبعا في ناس تلاقيها تقولك ب 40 و 41 و42 و 43 اعتقد ان اللى معاه كريستالة نضيفة ومفهاش مصاريف مش هتقل عن اللى قولته

جرجاوي بك ، طبعا عندك حق
لو بناءا علي كلامك يبقي سعرها كويس . يعني لو هجاوب علي اسألتك مثلا
هي موديل 99 ، حوض العربيه و الشاسيه تمام و فابريكه . بس فيها خبطه من تحت كانت جايه في السكاترا بس دي بيتهيألي مش حاجه تعيب العربيه . ده الاسكاترا كلها تتغير .
قوايم و شنطه ولا الهوا ( فابريكه بمعني الكلمه )
العربيه glْx ... ((((( سؤال صغير هنا ، يفرق ايه ال gl عن ال glx عن الجامبو ؟ ايه فرق الكماليات ))))
اول ما اخدت العربيه ماصرفتش عليها حاجه غير العادي ، تغيير زيت و تنضيف الرداتير و جبتلها اربع فرد بريدجستون جداد ( طبعا دي حاجه لأماني لأني بسافر بيها كتير )

باختصار انا ماضحكش علي ممكن نقول كده ؟ صح ؟

الموضوع: رابطة مالكي الكريستالة..لانسر 1996 - 2000

LinkBack

أدوات الموضوع

عرض

-

-

-

-

-

-

-

المواضيع المتشابهه

رابطة مالكي البطة - لانسر 1992 : 1995

رابطة مالكي الشارك- لانسر 2008 : 2012

رابطة مالكي المكواة...لانسر 2001-2002-2003

كتالوج لانسر 1996-2000

للبيع لانسر موديل 1996 شكل الكريستالة اوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة