امبارح يا جماعة رحت ركبت المرايات الكهربا و الضم الي جبتهم
ركبتهم في الحرفيين عند كهربائي شاطر جنب محل ابو الهنا اسمه محمد
الراجل حافظ العربية و حافظ تركيب المرايات و فاهم كويس هو بيعمل ايه و بيقفل العربية كويس اوي ربنا يباركله
التركيب اخد منه حوالي ساعتين شغل متواصل بدون انقطاع و اخد مصنعية 110 جنيه
و جبت 25 متر سلك ( 5 لون * 5 متر) بـ 40 جنيه
و احب هنا اقول كلمتين مهمين اوي في حق اخواتي و اصحابي الاعزاء مصطفي prisoner و محمد الجرجاوي
مصطفي ربنا يكرمة و يباركله عصرلي الراجل اللي اشتريت منه المرايات و جبتهم منه بسعر لقطة لقطة لقطة ماشاء الله
و كمان مصطفي كان معاه زرار زيادة اداهوني و حلف انه مش هاياخد ثمنه مني .. طبعا الكلام و الشكر لا يوفي حقك يا صديقي
اما محمد الجرجاوي بقي صديقي في السحل .. الراجل وقف معايا امبارح في الحرفيين لحد لما خلصنا و بصراحة تعب معايا اليوم ده لانه كان لسة راجع من الشغل مالحقش حتي يرتاح 5 دقايق
كمان اداني الطبة المثلثه اللي بتتحط في الباب من جوة في ظهر المرايا كان معاه واحدة زيادة شمال
و لما روحنا الحرفيين كان عاوز يشتري فلاشر الاشارات و اشتراه الحمد لله و لقيتة جايبلي الطبة اليمين فوق البيعه من الراجل بس طبعا الفضل لجرجاوي انه اخدها من الراجل عشاني .. كتر خيرك يا صاحبي علي الواجب ده و علي تعبك معايا
الناس دي من اجدع الرجالة اللي انا عرفتهم في حياتي و فعلا معرفة الرجال كنوز
الف مبروك ودة شىء متوقع من مصطفى وجرجاوى واخص بالذكر مصطفى لما ادانى بطاريتة تمشينى لحد ما اجيب واحدة تانية لما كان مسافر .... وهو اصلا كان اول مرة يقابلنى .... واكيد جرجاوى ما يتخيرش عنة لانه افادنى انا وغير هنا كتير ..... بس للاسف ماتشرفتش وقابلتة .. ربنا يجازيهم هم وكل واحد بيساعد على اد مايقدر كل خير
انا ركنت العربية اسبوع وبعدين لما استخدمتها لقيت العربية بتتبرجل وبتكركر (انا بحط 80 من زمان ومظبطها) قلت طب اية اللى هيخليها تلغبط الكهرباء من نفسها كدة فكيت فلتر الهوا يمكن اتحشر فية حاجة لقيتة سليم زودت مسار الهواء و رجلشت الاستبراتير عشان اظبط الكهرباء برضة ما فيش فايدة ... وقدرا كدة لقيت السبب >>>>>>>
الدايرة الخضراء دى عبارة عن قطع فى خرطم رداخ الاسبراتير (اية الرداخ دة) دة المسئول عن تقدم نسبى للشرارة فى السرعات العالية والخرطوم دة جاى من مجمع السحب (اسفل الكربراتير) علشان يعمل شفط لذراع متصل بعمود الكربراتير فيحرك شاكوش توزيع الشرارة لتقديم الشرارة وفى انواع منة (العربيات القديمة)عبارة عن تقلين حول العمود بيفتحوا بالقوة الطاردة المركزية لتأدية نفس الغرض
الدايرة الخضراء دى عبارة عن قطع فى خرطم رداخ الاسبراتير (اية الرداخ دة) دة المسئول عن تقدم نسبى للشرارة فى السرعات العالية والخرطوم دة جاى من مجمع السحب (اسفل الكربراتير) علشان يعمل شفط لذراع متصل بعمود الكربراتير فيحرك شاكوش توزيع الشرارة لتقديم الشرارة وفى انواع منة (العربيات القديمة)عبارة عن تقلين حول العمود بيفتحوا بالقوة الطاردة المركزية لتأدية نفس الغرض
ولازم كلنا نبارك لاخونا محمد عبدالله لان ربنا رزقه بـ أحمد ماشاء الله ولا حول ولاقوة الا بالله ربنا يباركله فيه
وبردوا نبارك لاخونا سيف ربنا رزقه بـ جنى ماشاء الله ولا حول ولا قوة الا بالله ربنا يباركله فيها
الف مبروك للاستاذ / محمد عبدالله على المولود الجديد (( احمد ))
ربنا يجعله خلف صالح ويرزقك بره يا صحبى
شوف ياباشا احنا لما بنقرص على الموتور فا سرعة سحب البنزين بتزيد بسرعة اكبر من ان الشرارة تلحق تحرقها (لا داعى لذكر لية الشرارة ما بتلحقش تلحق توقيت اشتعال البنزين)وعلشان كدة البتاعة دى فيدتها انها تقدم الشرارة شوية بطريقة ميكانيكية تتناسب طرديا مع سرعة المحرك ( انسى تتناسب طرديا دى) وتلحق تحرق البنزين ولو مش موجودة البنزين هيتحرق لوحدة من قوة الضغط خصوصا لو كان البنزين 80 لانه اوكتان اقل ياعنى بيولع لوحدة عند ضغط معين لكن لو الاكتان كان اعلى زى 92 مثلا يقدر يستحمل ضغط من غير ما يتحرق لوحدة......واى خدمة فى توضيح اضافى
يا اسامة مش عارف ارد عليك اقولك ايه وانت عارف ان كلنا هنا اخوات قبل ما نكون اصحاب والواحد بيكون مبسوط وهو بيساعد الناس وانا بتمنى انى اقدر اساعد الناس كلها هنا على اد ماقدر وشكرا لسامح باشا على كلامه اللى في حقي وده وسام على صدري منكوا ويارب اقدر اساعد الناس كلها واى حد هنا انا تحت امره وربنا يديم المعروف بينا جميعا وبردوا لازم اشكر مصطفى لانه فعلا فاصل في تمن المرايات جامد جدا وبسعر محدش ممكن يتخيلوا خالص وخصوصا مومو :) وكمان اداك الزرار من عنده وكانت تكمل فعلا لو مومو كان ركبهم كانت هتبقى حاجة ببلاش كده :) وبتمنى ان كلنا نتعاون مع بعض اكتر واكتر بإذن الله
ياباشا العفو . دي حقيقه مش مجامله
ربنا يديم المحبه
المفضلات