رابطة مالكي الكريستالة..لانسر 1996 - 2000

**M.Elgergawy** · 10-11-2013 01:01 PM

المشاركة الأصلية كتبت بواسطة ahmed shedeed

استذنا جرجاوي بيه صباح الخير عليك وعلي كل الكريستالويه ويارب تكون بخير انتا وكريستالتك
انا عندي العربيه اصلا اوتو ماتيك بس 1300 لو غيرت المكنه ل 1500 هغير الحجات ديه بردوه ولا الفتيس بتاعي هيتغير بردو .

حبيبي
اولا كده المايفك 1600 مش 1500

انت بالنسبالك هتشيل مكنة بفتيسها وتحط مكنه بفتيسها بكنترولها بضفيرتها بتنكها بس وتكلفتك هتكون 5000 ج لو من عند زوزا

**ahmed shedeed** · 10-11-2013 02:18 PM

المشاركة الأصلية كتبت بواسطة m.elgergawy

حبيبي
اولا كده المايفك 1600 مش 1500

انت بالنسبالك هتشيل مكنة بفتيسها وتحط مكنه بفتيسها بكنترولها بضفيرتها بتنكها بس وتكلفتك هتكون 5000 ج لو من عند زوزا

ربنا يخليك انتا الي حبيبي
بس طبعا العربيه بتتحول تماما وهتبقا محتاجه عفشه رياضي وستارت بار واكيد بياخد الماكنه بتاعتي بالفتيس طبعا برخص التراب شكرا يارياسا

**momo44** · 10-11-2013 04:19 PM

المشاركة الأصلية كتبت بواسطة m.elgergawy

اديله عربيتك الميراج

وليه اما ممكن اديله عربيتك

**momo44** · 10-11-2013 04:20 PM

المشاركة الأصلية كتبت بواسطة memo200545

عفوا هو ليه مفيش كربيتير استيراد انا قبل كدا لقيت استيراد ومعلش سؤال هو عبد الخالق ثروت لازم احجز ولا اروح فى اى وقت عادي

عشان الكريستالة بتنزل بره مصر انجيكشن
فبالتالى اللى بيجى استيراد بيبقى انجكشن

**momo44** · 10-11-2013 04:21 PM

المشاركة الأصلية كتبت بواسطة mitsukero

فيه كربيراتير بيبقي موجود في المواتير اللي متغيره عند زوزا شوفت واحد مرة

يعني واحد معاه عربية 1300 كربيراتير عايز يغير الموتور فيبدلة مع زوزا و زوزا يبيع الموتور القديم حتت بس طبعا انت و حظك و غالبا بيطلع الكربيراتير بايظ

خليه يروح لخالد و يصبر عليه لحد ما يظبطه ده حل تاني بس مش مضمون

موضوع ظبطه ده لو ينفع كان قاله فى عبد الخالق ثروت
وللاسف الخلع مش مضمون
مش عارف اعمله ايه

**غردقاوى** · 10-11-2013 04:29 PM

المشاركة الأصلية كتبت بواسطة ahmeddiab12

يا جماعه انا لسه شاري كريستاله موديل 2000 وملقتش جروب علي الفيس استفسر منه عليها فقررت اعمل جروب علي الفيس عشان الي محتاج حاجه او شرح يكون اسهل واسرع
https://www.facebook.com/groups/1435...57067/members/
اتمني الانضمام وكل الناس الحلوه دي الواحد يستفيد من خبراتها

وبعد إذنك أحب أعمل إضافه على كلام حضرتك ... الأستاذ/ محمد الجرجاوى يكون هو مدير الجروب بحكم خبرته الكبيره فى الموديل اللى حضرتك بتتكلم عليه وفى الكريستاله عموماً.. أرجو مخاطبة أستاذنا الجرجاوى فى الموضوع ده ... وياريت حضرتك تاخد باقى أراء الإخوة فى الرابطه ... وتقبل تحياتى.

**SASA3** · 10-11-2013 05:55 PM

هى مش كانت ب4000 او 4500 هى زادت ولا ايه

و بعدين الصراحه انا مستقل 1000 جنيه الصراحه مقابل الفتيس و المكنه بتوعى رغم ان الفتيس عندى و المكنه ما شاء الله حلويين مفيهومش مشاكل

و الكربراتير لو اتباع لوحده ادى 800 جنيه :] ازااااااااااااى

**michaellancer** · 10-11-2013 10:52 PM

انا عضو جديد ومعجب جدا بامنتدى وعاوز استفسر عن تسقيط الموتور ال1500 توين كام و الاكسسوارات الملحقه 0وممكن يمشى ببنزين 80

**ahmed shedeed** · 10-11-2013 11:38 PM

المشاركة الأصلية كتبت بواسطة michaellancer

انا عضو جديد ومعجب جدا بامنتدى وعاوز استفسر عن تسقيط الموتور ال1500 توين كام و الاكسسوارات الملحقه 0وممكن يمشى ببنزين 80

اهلا بيك ومنور المنتدي بتاعنا كلنا ويارب تقدر تستفيد وتشارك معانا وتفيدنا واهلا بيك مره تانيه
اما بالنسبه لاستفسارك ادخل علي الرابط ده وان شاء الله هتلقي الي انتا عايزه الموضوع اخ فاضل معانا هو الي مجمعه واسمه ( اهم موضوعات الكريستاله )
http://www.nilemotors.net/Nile/303590-a.html

**ahmed shedeed** · 10-11-2013 11:44 PM

المشاركة الأصلية كتبت بواسطة sasa3

هى مش كانت ب4000 او 4500 هى زادت ولا ايه

و بعدين الصراحه انا مستقل 1000 جنيه الصراحه مقابل الفتيس و المكنه بتوعى رغم ان الفتيس عندى و المكنه ما شاء الله حلويين مفيهومش مشاكل

و الكربراتير لو اتباع لوحده ادى 800 جنيه :] ازااااااااااااى

ينهار ابيض ياستاذ sasa3 معقوله الكلام ده يعني انا لو هسقط هياخد الماكنه بتعاتي بفتيس الاتوماتيك ب 1000 جنيه دنا مش قادر انطقها يبقا مفكرش اني اعمل كده بقا الا لما اهلك مكنتي والفتيس بقا وادهملوه خرده ( بعد الشر طبعا عنهم ) حرااااااااااااااام جداااا طبعا