رابطة مالكي الكريستالة..لانسر 1996 - 2000

**memo200545** · 28-12-2013 11:42 PM

المشاركة الأصلية كتبت بواسطة ahmed shedeed

مساء الخير ياكريستالويه ليا سؤال كده
وانا ماشي بالعربيه بسمع صوت زقزقه او تزيق من الخلف ولما ركزت لقيته تقريبا طالع من الكوتش الي وارايا تحديدا ايه الصوت ده حد يعرف مع العلم اول مره اسمعه النهرده ؟

نفس الكلام عندي

**prisoner** · 29-12-2013 10:01 AM

المشاركة الأصلية كتبت بواسطة abdo1234456

ازيكوا ياجماعه عاملين ايه ؟ ...... انا حبيت بس امسى على الناس المحترمه :)

كنت بقلب بالصدفه وشفت المشاركه دى http://www.nilemotors.net/nile/3873881472-post2.html

والله كان شخصيه جميله جدا

وقولت بالمره افكركو تترحمو على اخوكم صبحى الله يرحمه ويدخله فسيح جناته

الله يرحمك يا صبحى

**ahmed shedeed** · 29-12-2013 12:27 PM

المشاركة الأصلية كتبت بواسطة prisoner

الله يرحمك يا صبحى

ربنا يرحمه ويسكنه فسيح جناته

**Bonanza** · 29-12-2013 05:17 PM

المشاركة الأصلية كتبت بواسطة ahmed shedeed

مساء الخير ياكريستالويه ليا سؤال كده
وانا ماشي بالعربيه بسمع صوت زقزقه او تزيق من الخلف ولما ركزت لقيته تقريبا طالع من الكوتش الي وارايا تحديدا ايه الصوت ده حد يعرف مع العلم اول مره اسمعه النهرده ؟

اكشف علي الشدادات الخلفيه عند العفشجي

**Bonanza** · 29-12-2013 05:28 PM

المشاركة الأصلية كتبت بواسطة thinkdifferent

لو سمحت ياجماعه انا عايز اسال على زيت زادو لاني عايز اغير ليه معايا لانسر كرستاله 98 اوتوماتيك شاريها شهر 4 اللي فات عامله حاليا 146000 كيلو ومشعارف اللي قبلي كان بيحطلها ايه مفيش شهرين بعد ماشترتها لقيتها بتجيب دخنه بيضه وبلاقي بقعه زيت تحت العربيه لما اركنها فتره وكانت لمبه الزيت بتنور ...رحت لميكانيكي قاللي طقم شمبر وبعد مافك طلع وش السلندر ووراهولي قاللي الخلوص واسعه (وشاورلي على الفتحات اللي فيه) وقاللي اشتري واحد تاني احسن جبت واحد ياباني جديد ب 1600 جنيه وغيرت الجوانات بتاعته بنوع نضيف برضه ومشيت .. الدخنه اختفت لكن لسه برضه لما بركن العربيه شويه بلاقي تحتها زيت رجعت للافندي تاني قللي غير جوان الكرتيره بتاعت الزيت وقد كان ومشيت ولقيت نفس المشكله رجعتله قللي غير اويل سيل كرنك وحاجه تانيه مشفاكر هيا ايه سبته و رحت لميكانيكي تاني فك حاجه اسمها الاكسراتير تقريبا ( يمين العمه اللي مغطيه فلتر الهوا)ورش فيه من سبراي معاه وقعد يلعب فيه وركبه والعربيه معدتش بتجيب زيت بعدها وانا اطمنت بصراحه ومشيت على كده طبعا في فترات التغيير دي وبناء على كلام الميكانيكي حطيت زيت التعاون عشان اغسل السلندر زي مقاللي وبعدين نزلته بعد يوم وحطيت بترومين 40 معجبنيش بعد حركه الاكسراتير دي حطيت شل الاحمر وغيرته على 2000 كيلو وبعدين شل الاصفر وماشي بيه لحد الان عامل 3000 كيلو .... انا عارف اني طولت عليكم بس اصلي كنت بفكر اني طالما غيرت وش السلندر بواحد جديد (حسب معلوماتي المتواضعه جدا) طيب ماحط زادو تخليقي 5-50 وخلاص بدل المعدني اللي هوا 20-50 وحكيتلكم القصه كلها عشان لو في حاجه اخد بالي منها

الزيوت التخليقيه ماتنفعش غير للمواتير الجديده و احنا موتورنا تكنولوجيا قديمه

خليك في الزيوت المعدنيه

**Bonanza** · 29-12-2013 05:31 PM

المشاركة الأصلية كتبت بواسطة marwan1744

مع انى عامل اضافة على رابطة الكريستالة على الفيس بس لهذا الموقع الفضل فى افادة الكثير لكل الاعضاء لكن للاسف بدا التاثير جدا على هذا الموقع والمتابع يرى المشاركات هنا وهنا وهيعرف الفرق

ان شاء الله مش هايكون في اي تأثير و المنتدي هنا ليه فضل كبير جدا علينا ماينفعش نبعد عنه

**Bonanza** · 29-12-2013 05:42 PM

المشاركة الأصلية كتبت بواسطة faridhasanen

طيب ياريت ياجماعة اسامة بونانزا يقولني التيل التركي ده جايبه منين عشان انا خلاص هغير التيل ضروري

اسف جدا علي التأخير

من ابو زيد في المريوطيه فيصل

**Bonanza** · 29-12-2013 05:48 PM

المشاركة الأصلية كتبت بواسطة د.أبونضال

أنا كمان مركب التيل التركي اسمه بشير بتلاقى الاسم مكتوب بالتركي عليه، هنا في المنصورة ب 60 جيلدر

من الخضري وما بيصفرش معايا الحمد لله... والعفشجي قال لي "هو ده اللي شغال يا أستاذ" بمعنى إنهم بينصحوا بيه.

بشييييير مظبوط كده

اسمه مكتوب كده Beser

**Bonanza** · 29-12-2013 05:54 PM

انا عمال ارد علي اسأله بقالها 3 شهور :)

**M.Elgergawy** · 30-12-2013 10:11 AM

المشاركة الأصلية كتبت بواسطة bonanza

انا عمال ارد علي اسأله بقالها 3 شهور :)

حمدالله على السلامه ياراجل ليك وحشه والله فينك ياصديقي مش باين ليه
الرجاله كلها نايمه ولا ايه

الموضوع: رابطة مالكي الكريستالة..لانسر 1996 - 2000

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

رابطة مالكي البطة - لانسر 1992 : 1995

رابطة مالكي الشارك- لانسر 2008 : 2012

رابطة مالكي المكواة...لانسر 2001-2002-2003

كتالوج لانسر 1996-2000

للبيع لانسر موديل 1996 شكل الكريستالة اوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة