رابطة مالكي الكريستالة..لانسر 1996 - 2000

**ahmed shedeed** · 30-12-2013 05:14 PM

المشاركة الأصلية كتبت بواسطة bonanza

ان شاء الله مش هايكون في اي تأثير و المنتدي هنا ليه فضل كبير جدا علينا ماينفعش نبعد عنه

انا كمان موجود علي الربطه في الفيس بوك
ولكن الفضل كل الفضل لهذا الجروب والموقع العظيم نايل موتورز ولن يكون هناك تائير عليه مهما كان فهو السبب في افاده الجميع وفيه من المشاعر والضحكات والكلمات الجميله بين الاعضاء الكثير والكثير مما يجعلني لا استطيع التخلي عنه تماما فهو كان السبب في التعرف علي بعض الاصدقاء لا يوجد مثلهم بالدنيا .
-----== لكــم جميعـــا كـــل التحيــــه والشكــــر والتقديــــر==-----

**Bonanza** · 30-12-2013 10:18 PM

المشاركة الأصلية كتبت بواسطة m.elgergawy

حمدالله على السلامه ياراجل ليك وحشه والله فينك ياصديقي مش باين ليه

الرجاله كلها نايمه ولا ايه

مش لاقي وقت والله يا حاج محمد انت عارف بقي اجتماعات رئاسة الوزراء شاغله كل وقتي و تفكيري :)

**M.Elgergawy** · 31-12-2013 01:22 AM

المشاركة الأصلية كتبت بواسطة Bonanza

مش لاقي وقت والله يا حاج محمد انت عارف بقي اجتماعات رئاسة الوزراء شاغله كل وقتي و تفكيري :)

ربنا يعينك ياصديقي انا عارف ان الحمل تقيل عليك بس انت قدها ان شاء الله بس متنسناش كده وتغيب عننا تاني وايه رايك في طلعه لبورسعيد من بتوع زمان نضرب الاكله المتينه ونرجع ونشوف حبايبنا بردوا لو حابين يطلعوا معانا :)

Sent from my GT-I9300 using Forum Runner

**ahmed_mashtoly** · 31-12-2013 08:04 AM

المشاركة الأصلية كتبت بواسطة m.elgergawy

ربنا يعينك ياصديقي انا عارف ان الحمل تقيل عليك بس انت قدها ان شاء الله بس متنسناش كده وتغيب عننا تاني وايه رايك في طلعه لبورسعيد من بتوع زمان نضرب الاكله المتينه ونرجع ونشوف حبايبنا بردوا لو حابين يطلعوا معانا :)

sent from my gt-i9300 using forum runner

اختارو يوم بقى يبقى اجازة علشان اعرف اروح معاكم

**ahmed_mashtoly** · 31-12-2013 08:05 AM

هو لو الكاتينة جة عليها زيت تتقطع؟

**ahmed shedeed** · 31-12-2013 08:45 AM

المشاركة الأصلية كتبت بواسطة elgen88

السلام عليكم ورحمة الله وبركاتة
السلام على احلى تيم وورك فى الدنيا كلها بجد دة احلى واجمد موقع داخلتة فى حياتى بجد
المهم
انا معايا كريستالة 98 اشتريتها من اربع شهور والحمد لله حاولت على قد ما اقدر اظبطها على قد امكنياتى المهم العربية معايا زى الفل بس فى كام حاجة عايزالافادة منكم
العربية موتورها خفيف شوية وسالت علية ناس قالتلى سقط 1500 2 كام بلفتيس وناس تقولى سقط موتور 1500 1 كام وعلى نفس ادوات التغذية بتعتى وفى حاجة تانية العربية بترعش معايا وانا ماشى من 40 الى 60 وبعد كدة الرعشة بتروح مع انى جايب طقم جنوط بلكاوتش جديد ياريت الافادة على الموضوع بتاعى وشكرا لكم والسلام ختام
والسلام عليكم ورحمة الله وبركاتة

وعليكم السلام يابشا مبروك عليك كريستلتك وربنا يكفيك شرها
1-بالنسبه لموضوع تسقيط المواتير 1500 واحد كامله ده بتاع الميراج هو موتور كويس مش وحش بس الي هيخليك تسقط موتور يبقا خليك في 1500 2كامه التسارع بتاعه قوي وجبار الصراحه وفرق سعر الاتنين من بعض مش كبير قوي عشان كده الافضل 1500 2كامه ولو حضرتك من هوات الجري والسرعه يبقا خليك في الفتيس المنيول ( جير عادي ) عشان السحب بتاعه بيبقا اقوي من ال 0 الي 100 اسرع من الاوتو . لكن لو انتا بتمشي عادي والجري عندك مش شئ اساسي هات فتيس اوتو ستيب ترونيك منه اوتو ومنه منيول وبيجري بردوه جامد جدا لو حبيت تجري تدوس كيك دون والي يحصلني يكسرني هههههههههه . المكنه 1500 بفتيس الاوتو استيب ترونيك بتعمل حوالي 5500 وبياخد المكنه القديمه بتاعتك بدل مصنعيه التركيب وفاصل انتا وشطرتك وهتلقيه عند زوزا في الحرفيين .
2-الرعشه 40 الى 60 دي حاجه من اتنين يا كبالن داخليه ويا قعده موتور والله اعلم بس هي تقريبا بتبقا كبالن داخليه والكوتش ملوش علاقه رعشه الكوتش او الترسيس بتبان بعد 90 .
تقبل مروري ومنور الربطه

**ahmed shedeed** · 31-12-2013 08:55 AM

المشاركة الأصلية كتبت بواسطة m.elgergawy

ربنا يعينك ياصديقي انا عارف ان الحمل تقيل عليك بس انت قدها ان شاء الله بس متنسناش كده وتغيب عننا تاني وايه رايك في طلعه لبورسعيد من بتوع زمان نضرب الاكله المتينه ونرجع ونشوف حبايبنا بردوا لو حابين يطلعوا معانا :)

sent from my gt-i9300 using forum runner

جرجاوي بك ممكن لو رحوتو بورسعيد اجي معاكو بصراحه انا لما ببقا معاكو ببقا مبسوط جدااااا وهي فرصه اشوف الناس تاني واتشرف بمعرفه الناس الي مشفتهاش

**ahmed shedeed** · 31-12-2013 08:58 AM

المشاركة الأصلية كتبت بواسطة meshmesh201080

هو لو الكاتينة جة عليها زيت تتقطع؟

انا الي اعرفه انها ممكن تخرج من مكانها بسبب الزيت هيزحلقها مع المشي . او يعمل طبقه عزله تخلي السير يلف علي الفاضي لو كميه الزيت الي جت عليه كبيره ... والله اعلم
احنا معانا وحوش هنا اكيد حد فيهم هيرد عليك لو كلامي مش مظبوط هيقولك الصح

**MITSUKERO** · 31-12-2013 09:30 AM

المشاركة الأصلية كتبت بواسطة meshmesh201080

هو لو الكاتينة جة عليها زيت تتقطع؟

بتتزحلق من مكانها و بعدين بتتمدد اكتر نتيجة ان الزيت بيغير خواص الكاوتش فبينفش و بعدين بتتقطع

**ahmed shedeed** · 31-12-2013 09:35 AM

المشاركة الأصلية كتبت بواسطة mitsukero

بتتزحلق من مكانها و بعدين بتتمدد اكتر نتيجة ان الزيت بيغير خواص الكاوتش فبينفش و بعدين بتتقطع

تمام كده يارياسه يبقا انا معلومتي صح كده عشان فعلا مع الزيت والسخنيه الكوتش هيتمدد وممكن يخرج من مكانه فعلا بس هو ممكن يغسله بالميه وهيمشي بردوه بس لازم يتغير اكيد

الموضوع: رابطة مالكي الكريستالة..لانسر 1996 - 2000

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

رابطة مالكي البطة - لانسر 1992 : 1995

رابطة مالكي الشارك- لانسر 2008 : 2012

رابطة مالكي المكواة...لانسر 2001-2002-2003

كتالوج لانسر 1996-2000

للبيع لانسر موديل 1996 شكل الكريستالة اوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة