الموضوع: رابطة مالكي الكريستالة..لانسر 1996 - 2000

يا كريستالويه
بليييز ردو

السلام عليكم ممكن حد يقولى من فين اجيب غطاء تنك البنزين لانه تقريبنا اتسرق منى او نسيته فى طلمبه البنزين وبكام

1- عاوز عنوان حد بتاع عفشة كويس بالحرفيين
2- عاوز كمان حد بتاع صيانة ريداتير كويس بالحرفيين

محتاج مساعدة


1- عاوز عنوان حد بتاع عفشة كويس بالحرفيين
2- عاوز كمان حد بتاع صيانة ريداتير كويس بالحرفيين

الى كل مالكي الكريستالة والخبراء

معايا لانسر كريستالة 1998 ، وكل ما يبقى فيه مطر شديد ، الاقي في مياة على الدواسة الموجودة أمام الراكب الأمامي .

المياه دي بتنزل من مكان تحت درج التابلوه (اللي على اليمين) يعني من ورا مكان التكييف كده .

ارجو المساعده في معرفة السبب ، علما أن المياة تكون موجودة بكثرة لما تكون العربية مركونة وفي مطر شديد
وشكرا

السلام عليكم
عندي أستفسار صغير جدا
ممكن تساعدوني
انا بأذن الله هجيب عربية لانسر كريستاله 99 1300cc أتوماتيك
فكنت عايز أعرف اللتر بيعمل كام كيلو
وكنت عايز أعرف وأنا رايح أشتري أبص في أية فيها
أرجو المساعدة وأسف علي الإطاله
والسلام عليكم

المشاركة الأصلية كتبت بواسطة kokmedo

السلام عليكم
عندي أستفسار صغير جدا
ممكن تساعدوني
انا بأذن الله هجيب عربية لانسر كريستاله 99 1300cc أتوماتيك
فكنت عايز أعرف اللتر بيعمل كام كيلو
وكنت عايز أعرف وأنا رايح أشتري أبص في أية فيها
أرجو المساعدة وأسف علي الإطاله
والسلام عليكم

بص يا باشا في حاجات كتير قوي لازم تتأكد منها وهي من وجهة نظري ومن خلال تجربتي في الشراء لنفس السيارة كالأتي :
- طبعا أول حاجة دواخل العربية (يعني صاج الكبوت من جوه حول الماكينة وكمان دواخل الشنطة والقوايم بتاعت العربية للتأكد انها مش رشه جوة - يعني لا قدر الله تكون واخده خبطة جامدة مأثره في الشاسية أو عضم العربية أو مغيره ربع ولا نص ... كده
- كمان اتأكد من الكبوت نفسه لأن أحيانا يبقى الكبوت مقسوم من عند المكان اللي بيتحمل عليه - فكده ممكن تحتاج تغير كبوت .
- ممكن كمان تبص على الرفارف من جوه تشوفها لونها اسود من الداخل ولا لأ ، لو لونها اسود معنى كه انها متغيرة ومرشوشة مع ان دي مش مؤثرة قوي لأن رفارف الكريستالة فك وتركيب بس برضه خلينا ندور على الأصلي افضل .
- موتور السيارة شوف صوته عامل ازاي وكمان الردياتير جديد ولا لأ ، في تسريب ميه ولا لأ .
- طبعاً في حاجة مهمة وهي الشنب بتاع العربية ، ده هيوضحلك ان كانت مخبوطة ولالأ وكمان الفوانيس الأمامية بيبقى عليها استيكرز أصلي .
- فيبر الأعتاب الأربعة موجود ولا لأ وشكل الدواخل والفرش والتابلوه ، هيوضحلك صاحب العربية كان محافظ عليها ولا كان بيهينها .
- طبعا تشغل التكييف ولا فيه صوت بيصرخ يبقى العربية عايز سير تكييف .
- كمان شغل الكاسيت واتأكد ان الأربع سماعات شغالين
- وياريت تبص على طنابير السيارة الأمامية (مسيره) ولا ايه نظامها .
- الكاوتش يا باشا اتأكد انه جديد ، وكمان الجنوط والاستبن ، عشان ماتتدبسش في حوالي 3000 جنية ولا حاجة لزوم التغيير (زي ما حصلي )
- المساعدين تمام ولا لأ ؟
- البطارية عليها ملح كدة ولا نظيفة وتمام وجافة ولا سائلة؟
- وانته بتجرب العربية شوف الفتيس الاتوماتيك عامل معاك اية وكمان الدركسيون بيتهز والعربية واقفة ولا راسي وثابت كده.
- اتأكد كمان من الطفاية محفور عليها رقم شاسية العربية اللي موجود في الرخصة ولا لأ (عشان لما تيجي تجدد رخصة أو تنقل ملكية ما تتدبسش في واحدة جديدة)
- كمان بأة شوف العربية عاملة كام كيلو والكماليات بتاعتها شغاله كويس ولا في حاجة عطلانة
- ده بالاضافة للحاجات القانونية بالنسبة للتوكيل لو فيه والكلام ده ، ودي ممكن ترجع في المنتدى لمواضيع كتير تتناول هذه الأمور .
- لو عايز تعرف العربية خليجي ولا مصري ، في بادج حديد موجود على قايم السيارة من ناحية بابا السائق مكتوب عليه .
- بالنسبة لاستهلاك البنزين ، انا عربيتي كاملة اتوماتيك وبتعمل 200 كيلو في الـ 20 لتر على الطريق ، أما جوه البلد بتستهلك أكتر ولو مشغل التكييف بيزيد شوية الاستهلاك .
- عموما ربنا يوفقك وأرجو اني ماكنش طولت وتكون انته استفدت ولعلمك الكريستالة عربية حمالة قسية ومية مية