الموضوع: رابطة مالكي الكريستالة..لانسر 1996 - 2000

المشاركة الأصلية كتبت بواسطة kokmedo

انا سألت في الشهر العقاري قال لي 485 جنية من 5 أيام
بس لسة مسجلتش
وباقي الأسئلة الأعضاء بأذن الله يجوبوك عليها

انا كنت فاكرها ارخص من كدة على اعتبار انها 1300
عموما ماشى الحال

طب مفيش حد جدد رخصته نقدر نعرف منه اخبار الضريبه الجديدة اية و التامين الاجبارى؟

المشاركة الأصلية كتبت بواسطة kokmedo

هيما باشا
أنا عايز أروح للميكانيكي اللي بتتعامل معاة في شبرا دة
لأني عايز أغير تيل الفرامل فممكن توصفلي مكانة ورقم تليفونة وأسمة أية وهل أروح اشتري التيل الاول ولا بعد ما يشوف العربية الاول أصل انا عايز اجيب الاصلي من الكت كات هو هيفرق الاصلي ولا كلهم زي بعض في تيل الفرامل
منتظر ردك بسرعة لأني بسمع صوت صفارة لما باجي افرمل وخايف لتزيد المشاكل

طبعا الاصلي هيفرق بس معرفش هيفرق عن الباقي ولا لأ
لأني مجربتش الاصلي لأنه غالي
وانا بجيب نوع عادي تقريبا 40 جنيه وبيصفر
ولما كان عندي الاصلي كان بيصفر
ولما كان عندي التركي برضو كان بيصفر
المهم عنوانه
هتدخل شارع مسره من شارع شبرا
وبعدين تدخل شارع بديع
وبعدين تدخل شارع حليم
وكلمني وانت جاي
0126722285
واي استفسار انا تحت امرك

لو سمحتم انا عندي مشكلة عجيبة اوي وخايف تطور انا عندي الماية الخضرة بتاعة الريداتير بتنقص يعني كل يوم يومين لازم اوزد ماية مع كان من قريب كدة كان فين وفين لما ازود ماية انا خايف يكون في حاجة مع العلم ان عداد الحرارة مظبوط

المشاركة الأصلية كتبت بواسطة re3ooo

لو سمحتم انا عندي مشكلة عجيبة اوي وخايف تطور انا عندي الماية الخضرة بتاعة الريداتير بتنقص يعني كل يوم يومين لازم اوزد ماية مع كان من قريب كدة كان فين وفين لما ازود ماية انا خايف يكون في حاجة مع العلم ان عداد الحرارة مظبوط

طبعا كده في تسريب بس بسيط قوي
راجع علي الخراطيم كلها وراجع علي طرمبه المياه

رحت للعفشجى امبارح عشان اكشف على العفشة كدة وانا عارف ان فيها حاجات بسيطة زى جلب مقصات و كدة

راح قالى لا غير المقصين قدام بجلبهم بالبيض

اعرف ازاى انهم كويسين ولا هو بيشتغلنى وخلاص

وبعدين سالت عليهم قاولولى التايوانى هو اللى موجود المقص ب 150 ج
وقالوا ان اللى اليابانى اللى موجود فى السوق مضروب
حقيقى ولا دى اشاعات؟ و اجيبهم منين؟
لانسر 98

بالمرة كمان بيقولى غير مساعدين ورا
وفى المنتدى هنا ناس قالت ال kyb
احسن مساعدين
وسمعت ان فى منه مضروب

اعرف ازاى الاصلى؟

ومتنسوش وحياتكو موضوع المقصات

الف شكر