الموضوع: واخرتها مع الالنترا

من كلام الزملاء ، فإن الكارثة ليها شقين :
الأول : الحرامي بيفتح العربية بسهولة و بيدخل و يقعد جواها عادي كأنه صاحب العربية .
التاني : الحرامي بعد ما دخل بكل سهولة بيعرف يدور المحرك بكل سهولة برضه .

إإإإإإإإإإإإإإيه ده ؟؟؟؟؟؟

العربيات ديه إزاي دخلت البلد أصلا !!!!

هو الوكيل فاكر إن الناس اللي بتشتري منه العربيات ديه فلوسها حرام فبينزلهم عربيات تتسرق بسهولة مساعدة منه للناس علشان يتطهروا من مالهم الحرام و ميستمتعوش بحاجة حرام ؟؟؟!!!!

أكيد هي ديه الأفكار اللي في دماغ "غبور" !!!!!!

الحل الوحيد و اللي هيمنع الكارثة من حدوثها من أصلها هو إن العربية لازم تختفي من أمام عيون اللصوص تماما .

يعني الحرامي و هو ماشي في الشارع ميشوفش العربيات الهيونداي ديه أبدا .

أنا بتكلم بجد ، و الحل ده موجود و فيه ناس في دول متقدمة عملته لأن اللصوص عندهم حاجة تانية خالص بيعرفوا يسرقوا أغلى السيارات .

الحل هو طاقية الإخفى بس بتاعة العربيات ، و آدي صورة لعربية بورش صاحبها ملقاش غير الحل ده علشان يحافظ على عربيته من السرقة .



أدعو الله أن يحفظ سياراتنا جميعا من السرقة و يبارك لنا فيها .

مبروك لصاحب الموضوع عودة عربيته حتى لو بفدية .

تقبلوا تحياتي