اخيرا عثرت علي فني كهربا وتكيف في 6 اكتوبر

**mr_sameh** · 16-03-2014 02:38 AM

طبعا كل سكان اكتوبر بيعانو معاناه شديده من عدم وجود صنايعيه كويسين للعربيات سواء ميكانيكا او كهربا او عفشه لكن بجد بالصدفه البحته لقيت واحد كهربائي وبتاع تكيف محترم وامين وشغال في البافاريه الصبح وبيفتح الورشه باليل بصراحه امين ومحترف مكانه في طريق البشاير

**Abo Yasso** · 16-03-2014 10:09 AM

فين بالظبط يا باشا
ويا ريت تجربتك بالتفصيل معاه
من سبب المشكله للحل
ومبروك يا باشا وربنا ما يحوجكك ليه

**sameh_adly** · 16-03-2014 04:52 PM

ياريت بعد ازنك تعرفنا مكانة ورقم الموبيل الخاص بها وتحكنا اى اللى احصل معك وكم كلف

**3ateef** · 16-03-2014 05:38 PM

ماهر الكهربائى, سنتر الوجيه.

**mr_sameh** · 16-03-2014 08:31 PM

الكهربائي اسمه احمد فاتح في الحي العاشر قصاد التعاونيات اللي قبل البشاير تليفونه 01000097748
كان عندي مشكله في السنتر والتكييف حلهم بعد ما لفيت . التكيف كان تبريده مش كويس وكل لما اروح لحد يحاول يقنعني انه كويس لحد ما عرفت انه عنده جهاز بيشحن الفريون وزيت الكباس وبيعرف اذا كان الدوره فيها تسريب ولا لا وده من خلال ادخال نوع العربيه وموديلها بيحدد كميه الفريون والزيت اللي مطلوبه في الموديل ويبدا يسحب الهوا من الدوره وبعدين يشوف التسريب وبعد كدا يشحن الفريون
بصراحه النتيجه ممتازه

**3ateef** · 16-03-2014 10:02 PM

عالشارع من برة ولا ليه دخلة؟

**محمود سامح** · 17-03-2014 02:30 AM

شكراا لحضرنك ولكن ممكن العنوان بالتفصيل

**ahmed_hym99** · 04-05-2014 11:47 PM

شكرا لحضرتك و لكنى منتظر ان تحكى تجربتك معه للتقييم و هل المصنعيه معقوله ام غاليه؟

**egyptiandiver** · 16-07-2016 04:42 PM

أحمد للتبريد و التكييف و كهرباء السيارات، رحتله في حي البشاير في 6 أكتوبر و زبتلي الاداء و لله الحمد، طلع عندي بالف تغذية الفريون بايز غيرهولي ب-10 جنيه و زودلي فريون ب-180 جنيه بس دة من خلال جهاز ممتاز بيسحب كل الهواء من دورة التبريد و بعدين يزود فريون و كمان زيت عشان الكومبرسور يشتغل براحة أكتر. عملي المروحة بالبلور كمان. و الشغل كويس موبايله 01000097748 هو يعتبر في ضهر المرشدي أو أحسن كلمه على الموبيل و هو يوصفلك بالظبط.