مفيش زيوت شل تاني !!

**temo85** · 16-03-2014 02:45 AM

السلام عليكم ورحمة الله وبركاته
ازيكوا يا رجاله يارب تكونوا بخير و صحه
دلوقتي كل بنزينات شل مفيهاش غير ذيوت توتال و كل ما تسال يقولولي ان شل اتباعت و مفيش زيت شل تاني !! انا بصراحه كنت مستريح جدا مع شل الترا و مش عارف اغير لايه ، انا المفروض اغير الايام دي و مش عارف اغير لايه و مش هستعمل توتال ده نهائي ، و الموبيل كل الناس بتقول ان اغلب اللي في السوق مضروب ، انا محتار جدا و محتاج رأيكوا
ياريت يكون 5w-40 و api sn
شكرا

**akmm** · 16-03-2014 09:29 AM

زيت شيل موجود ودا رقم تليفون شركة شل لتوزيع الزيوت 27557555 ممكن تكلمهم هيعرفك اماكن التوزيع ده رقم تليفون شركه شل لتوزيع الزيوت .... وكان احد الاعضاء الكرام كتبه في تعليق له

**hafez75** · 16-03-2014 09:29 AM

المشاركة الأصلية كتبت بواسطة temo85

السلام عليكم ورحمة الله وبركاته
ازيكوا يا رجاله يارب تكونوا بخير و صحه
دلوقتي كل بنزينات شل مفيهاش غير ذيوت توتال و كل ما تسال يقولولي ان شل اتباعت و مفيش زيت شل تاني !! انا بصراحه كنت مستريح جدا مع شل الترا و مش عارف اغير لايه ، انا المفروض اغير الايام دي و مش عارف اغير لايه و مش هستعمل توتال ده نهائي ، و الموبيل كل الناس بتقول ان اغلب اللي في السوق مضروب ، انا محتار جدا و محتاج رأيكوا
ياريت يكون 5w-40 و api sn
شكرا

شل باعت البنزينات بس لكن زيوت شل هتبقى موجودة زي ماهي وفي شركة شل لتوزيع الزيوت وتلفونهم 27557555 ممكن تتصل عليهم وهيعرفوك اماكن التوزيع المختصة بيهم

**matrix_2010** · 16-03-2014 11:03 AM

سيبك من شيل و موبيل و خليك في الزيوت المعبأة خارج مصر و احسنهم زيت وولف و زيت زادو .... هتحس بفرق رهيب ...

**temo85** · 16-03-2014 05:38 PM

انا جربت الكاسترول الايدج قبل كده بس للاسف الموتصفه اللى هنا مش api sn

**yahia_zakareya** · 16-03-2014 06:44 PM

المشاركة الأصلية كتبت بواسطة temo85

انا جربت الكاسترول الايدج قبل كده بس للاسف الموتصفه اللى هنا مش api sn

أولا : أفهم من كلامك إن زيت كاسترول إيدج معجبكش أداؤه ؟

ثانيا : فعلا ... المواصفة الخاصة بزيت كاسترول إيدج فيها مشكلة كبيرة و ده رابط لمشاركتي في موضوع زيوت كاسترول بخصوص مواصفة الـ API المتناقضة . http://www.nilemotors.net/Nile/21040...post3875467136

ثالثا : أنا زيك بالضبط ، المفروض أغير زيت المحرك و محتار أفضل على شل هليكس ألترا (اللي مبشتكيش منه بصراحة) و لا أجرب زيت مستورد و معبأ بالخارج بشرط شكر الناس فيه بشدة .

رابعا : الناس هنا في المنتدى شكروا في ماركة زيت "فيسكو" ، و ده متصنع في الإمارات ، و هو من منتجات شركة BP زي كاسترول ، بس بيقولوا إنه أحسن من كاسترول اللي نازلنا مصر بكتير .

خامسا : أذكرك و أذكر نفسي بالقاعدة الذهبية اللي بتقول: "اللي تعرفه و مجربه أحسن من اللي متعرفوش و مجربتوش" . (على فكرة أنا مبلتزمش بيها غالبا لأني بحب أجرب الجديد بشرط يكون ممتاز من تجارب الناس اللي سبقتني إليه سواء جوه مصر أو خارجها)

تقبل تحياتي

**حسام_ابومالك20** · 18-03-2014 11:10 AM

السلام عليكم ورحمه الله وبركاته
احب انبه بس على حاجة في زيت شل x7 انا جربته بس مش عاجبني خالص صوت الموتور معاه مرتفع خفيف جدا مش حاسس خالص اني غيرت زيت وعلى فكرة دا زيت مش منتشر هوا بيعمل 7000 كيلو بس منصحش بية خليكوا في زيت شل الترا بجنت منت بجيبة ممتاز جدا