الموضوع: جبت ال 207

المشاركة الأصلية كتبت بواسطة eslam.maghawry

ياريت تطمني حضرتك عملت ايه فى العربية

رحتلهم المركز وعملنا السيرفيس وغيرنا اتوماتيك مارش وشويه شغل فالعفشة ناس مجترمين جداا
وشغلهم عجبنى .
واسعارهم معقولة وبيفهمو فالبيجو انشاء الله رايحلهم تانى علشان هنغير كوعة المياة وتيل امامى

المشاركة الأصلية كتبت بواسطة moe86

اخيرا حد معاه 207 ! أنا اشتريت واحدة من 6 شهور و ماقبلتش حد صدفة فى المنتدى
ال anti pollution fault فعلا من علبة البيئة و دة عيب شايع فى 207 , الحلول المقترحة انك تغير البوجيهات مع فلتر الهواء (و الموبينة لو بايظ) و تشيل الerror دة بالجهاز
انا قريت برضو ان الكنترول بيقلل اداء العربية مع الerror دة علشان يحافظ على البيئة و كدة, فأن شاء الله أدائها يتحسن جامد
العربية 1600 ولا 1400 ؟ اوتوماتيك؟

اولا شرف لينا يابشا
العربية 1600 مانيوال نفس موتور 307 ال 109 حصان
غالبا المشكلة اللى عندى الحساس نفسة بايظ لا لما عملت عليه اسكان لاقينا الارور فيه
انا عملت سيرفيس كامل كاتينة وبوجيهات والموبينة اعتقد كويس وبرده المشكلة لسه موجوده

المشاركة الأصلية كتبت بواسطة ahmed amin

أول سبب لظهور رسالة anti pollution fault هو
السبب الأول: بنزين مغشوش أو مش نضيف وفيه شوائب
السبب التاني: وجود خلل بأحد البوچيهات وساعتها ممكن تحس برجة بسيطة في العربية أول ما تدورها وهيا علي السلانسية,
ومش شرط يكون فيه رجة ممكن يبقي عندك بوجيه مرطب وفيه خلل في الاشتعال والعربية مش بتترج خالص.

السبب التالت: وجود مشكلة بالموبينة, وهيكون فيه رعشة وبرجلة في العربية في السلانسية.
السبب الرابع: علبة البيئة.

يعني علبة البيئة دي أخر حاجة ممكن تفكرو فيها عشان محدش يضحك عليكم, ولا يكلفكم بحاجة بعيد عن المشكلة,
علماً بأنها أغلي حاجة من الأربع الحاجات اللي ذكرتهم, وأخر حاجة ممكن تبوظ فيهم لأن عمرها الأفتراضي طويل جداً ومش بيكون فيها عيوب.

ورسالة anti pollution fault بتطلع في أي عربية حتي لو في أوروبا وحتي لو البنزين نضيف وكل حاجة سليمة, بس فيه خلل في عملية الأشتعال فا هتطلع الرسالة دي. Anti pollution fault

فلتر الهوا مش بيكون سبب في المشكلة دي,,
بس تنضيفة من فترة للتانية كل ٥٠٠٠ الاف كيلو كا متوسط بيحسن من عملية حرق الوقود وظبط المكس ما بين البنزين والهواء اللازم لعملية الأحتراق.
فا كويس إنو يتنصف في وقت تشخيص المشكلة دي.

يبقي التشخيص الصح انك تغير البنزينة اللي فولت منها أخر مرة, وتفول تفويلة من مكان نضيف.
المشكلة مراحتش هتغير فلتر البنزين بحوالي ٧٠ جنيه مع البوچيهات حوالي ١١٠ لو طقم بوش أو ٢٤٠ لو بيجو أصلي والاتنين كويسين وإن شاء الله المشكلة هتروح.

والبوجيهات بتكون أغلب سبب مشكلة الرسالة دي عشان محدش يمشيكم في سكة تشخيص غلط,
و يلعب في الموبينة أو علبة البيئة.


وألف مبروك علي العربية وربنا يبارك لك فيها.
قطع الغيار الأصلية عند غزال في شارع دمشق, أو مصطفي شوقي في مدينة نصر.

انا جبت قطع الغيار من واحد اسمه المركو الهندسى فى التوفيقية
اسعارة معقولة جدا
وعنده قطع غيار اصلية وقطع غيار ماركات تانية

شكرا جدا لمرورك والله يبارك فيك

المشاركة الأصلية كتبت بواسطة ahmed amin

غيرت اوتوماتيك المارش ليه ؟ كنت بتشتكي من أيه,
ودفعت كام علي اوتوماتيك المارش والمصنعيات ؟


عملت السيرفس دا بكام, تكلفة الكاتينة والبوجيهات والموبينة ؟
والمصنعيات ؟

ولو علي كلامك المشكلة لسه موجودة,, يبقي مكنش فيه داعي لتغير الموبنيه ولا كنت تتحمل تكلفتها لأن المشكلة مش منها.

غير اتوماتيك مارش لان العربية كان لما تبقى سخنة عى درجة حرارة 92 مثلا وتبطل ماتدورش غير لما تهدى وتنزل درجة الحرارة دة كان سببة اتوماتيك المارش علشان كده غيرتة

بالنسبة لسعرة هوه 250 جنية

بالنسبة لمصنعيات تغييرة والسرفيس
تغيير اتوماتيك مارش 75 جنية
سيرفيس كامل مع تغيير الكاتينة فى حدود 300 جنية

على فكرة انا مغيرتش الموبينة انا قولت اخليها اخر حاجه
انا كنت بقول الموبينة كويسة