الموضوع: تحذيييييير .... اوعك تغسل موتور عربيتك ....!! موضوع يستحق التأمل والنقاش ...!!!!

المشاركة الأصلية كتبت بواسطة amr elsisi

فعلا يا فادي
انا قبل ما اغسل بجيب جركن نفط فرنساوي ب 5ج حوالي لتر ونصف
او زجاجة نفط عادي
ابيض وسريع التطاير ونسبة الزيت فية تكاد تكون معدومة

بيتجاب منين النفط ده يا عمرو بك؟

غسيل الموتور محتاج محترف مش كل المواتير واحده ولا كل انواع المنظفات تنفع
على حسب طبيعة الاوساخ اللى على الموتور بتحدد هتعمل ايه
لو تراب وشوية رمل يبقى استعمل الهواء المضغوط بس ابعد عن الخراطيم الصغيرة بتاعت الهواء اللى طالعه او داخله على المنافولد لانها ممكن تفلت او تتقطع وهتعملك مشاكل
لو زيت وشحم يبقى فوطه وترش من wd-40 وتمسح على الاجزاء الحديديه وتبعد عن الكابلات علشان ما تتكسرش وما تسندش بايدك على اى حاجه بلاستيك
لو عايز تخلى الموتور يلمع يبقى تمسك خرطوم هواء وتحط قدامه منظف زجاج وتبدأ توجهه ناحية الاجزاء اللى محتاجه نضافه وتنزل من القزازه شويه سائل بحيث ان الهوا ياخده فى طريق للمكان المطلوب
وعندك الريادتير وسربنتية التكييف لازم كل فتره بالهواء المضغوط تمشى عليها علشان تديلك كفاءة عاليه فى التبريد
انما يفضل انك ما تغسلش الموتور الا للضروره
والله أعلى وأعلم

انا واحد من الناس رفعت العربيه وغسلتها من تحت بس علي حسب الي بيغسل فاهم ولا لا غسلتها مره الجزء بتاع العفشه والشاسيه من تحت ومفيش مشاكل تاني مره غسلتها بس كان بيضرب في المصفحه انا قلت اكيد في مشاكل حتحصل المهم نزل العربيه دور اللمبه فعلا نورت مشيت شويه وطفت بس في تتليته في الموتور روحت البيت كشفت عليها بجهاز كشف الاعطال (حساس الشكمان) سبتها للصبح عشان تنشف ودورت راحت التتليته الدرس المستفاد فعلا الميه فعلا بتعمل مشاكل وعايزه واحد عاقل عارف هو بيعمل ايه بزات بتوع البنزينات

اراء زى الفل
يبقى المفيد
1. كيروسين بدل السولار (لسرعة التطاير)
2. التنظيف بيكون على اساس السطح نفسه (بااستخدام فرشة اسنان او فوطة)
3.البشمهندس عمرو قالنا على سر و هو (زيت الباور على البنزين ) ( انا عن نفسى بخاف من البنزين علاقتنا مع بعض مش حلوه بقالنا فترة :) )
4.فك كابلات البطارية
5.بلاش ميه( صح جدا جدا جدا)
5.هوا مضغوط و شكرا

رأى شخصى
اللى عنده مشكله فى وش التاكيه بيهرب زيت او الجوان فاتح شوية حلوين يفضل ان الموضوع ده يكون قبل تغيير الزيت بحيث ان لو الزيت جه عليه جاز ميحيلش و نمشى عليه

المشاركة الأصلية كتبت بواسطة amr elsisi

كل الي انت عملتو كويس
بس بلاش مياة
انا بعمل بالجاز فقط وهوا ومشوار يجف الجاز
وحقول لك علي حاجة حلوة
هات بخاخة وحط فيها زيت بور مقدار اقل من الربع
وضيف عليها بنزين حتي الامتلاء
وبعد لما ترش بيها امسح بفوطة
واتفرج علي لمعان الموتور
بس الكلام دة سر مش للنشر يا هيثم
علشان نعرف ناكل عيش

من كام شهر لما خرطوم الباور الى نازل من الخزنة إنفجر فى وشى نضف الموتور و خلاه جديد