المشاركة الأصلية كتبت بواسطة engonear
ليه كل الهجوم والشراسه دى كلها وكمان توصل ان عضو معانا يتعمله ايقاف
السؤال كان واضح من طرف اللى بتسأل
واللى عنده رد كويس يتفضل مشكور يرد بيه
واللى السؤال مش على مزاجه مش مطلوب منه يرد
انما الستات هتعمل ايه ؟
يعنى لو لاقيت حد هيوصلها مش هتضطر انها تتعلم السواقه وتشترى عربيه وتتبهدل مع ركنه العربيه وتروح للمكيانيكى وتسمع كلام لا يليق من السواقين اللى حواليها
ولو حالتها الماديه تسمح انها تجيب سواق يسهل عليها الانتقال كانت هتجيب سواق
ولما تدخل المنتدى وتحتاج مننا مساعده لانها مش لاقياها فى المجتمع عندها
نقوم نقولها كلمتين نخليها تزعل وتخرج عن شعورها وتتلفظ بكلام لايليق
ايه لازمه الضحك واحنا شايفين صاحبة الموضوع محتاجة حد يساعدها ويرشدها للحل
وكان ردها عليك بأسلوب محترم وما كانش فيها مشاكل وشرحتلك الاسباب وازاى كانت راكنه مظبوط
ليه ردت عليك انت باسلوب وحش واستاذ وليد ردت عليه كويس
لازم ادارة المنتدى تحاول تدرس قرارتها كويس وتمنع الردود اللى فيها استهزاء او الردرود اللى بتخرج عن الموضوع الاصلى
لان المفروض الرد يكون على الموضوع مش على رد عضو فى الموضوع.
بس فعلا احنا الرجاله زودناها اوى فى موضوع سواقة الستات وبقيت بشوف حاجات واسلوب من السواقين تجاه الستات وكمان لاقيتها هنا فى المنتدى
انت بتعيب على اللى بتسوق طيب فين الحكومه وجهاز المرور اللى سمح ليها تطلع رخصه وهى مابتعرفش تسوق ورضيوا يبقى معاها عربيه
طبعا ياريت تكونوا مبسوطين بالنجاح الباهر وانكم خليتوا عضو ما يقدرش يشارك لمدة اسبوع ويبقى منظره وحش قدام باقى الاعضاء !!