السلام عليكم ورحمه الله
كيف الحال
قضيت يوم على اعصابي بسبب السمارت كارد
كنت بوصل أخويا محطة رمسيس ومن نسيانه عشان موعد القطار نسي الكارد بتاع العربية معاه
لقيت في صوت منبه كده من وقت للتاني فضل حوالي 5 دقائق
المهم روحت مشوار فالمعادي وبطلع الكورنيش لقيت اخويا بيكلمني بيقولي متروحش مشاوير عشان الكارد معايا والعربية طبعا مش هتطفي
أفاجىء كمان إني ماشي على الاحتياطي عشان ساعتي مشغل التكييف فالجو الظريف ده
وناسي أفوّل أصلاااااااااااااا
طيب أفوّل إزاي والعربية دايرة !!
أأقوم راحع من كورنيش النيل الى اكتوبر ومن ثم م نصر
والفلوانس تقولي إمشي تاني انا رشيدة في إستهلاك البنزين
لغايت ما وصلت الشركة وموظف جابلي المفتاح الاسبير وتفضلت الفلوانس بإلاطفاء وكإنها بتقولي
انا أديتلك مهلة انك تروح تجيب المفتاح ألاسبير وتيجي
لكن المرة الجاية خلى معاك المفتاح وأوعى تنساااااااااه
ولو نسيته برضه مش هزعلك
كم انتي عظيمة وبتكسفيني بذوقك يافلوانس