الموضوع: الحراره رفعت النهارده مش عارف ليه ..؟؟؟؟

العربيه النهارده عندى دورتها الصبح وكله تمام شويه وكنت رايح بيها مشوار بتاع ٦٠ كيلو بس طريق مكسر جدا المهم .... انا الطبيعي عندى ان إمبير الحراره اخره لما يعلى ( ٨٥ ) ويرجع المراوح تشتغل فينزل ل ( ٨٢ ) .... المهم النهارده انا ماشى بالعربيه وكله تمام ببص لقيت الأمبير عدى ال ( ٨٥ ) ورايح على ال ( ٩٠ ) فقولت معلش الجو النهارده حر وكده ( بوهم نفسى عادى يعنى ) شغلت التكييف لقيته فعلا رايح ومصمم على ال ( ٩٠ ) وشويه وقولت هينزل برضه لقيته بيجرى وعدى ال ( ٩٠ ) قولت لا ممنهاش انزل بقى وفتحت الكبوت وببص لاقيت المراوح مش شغاله مع ان التكييف شغال ... المروحتين مش شغالين الحمد لله بطلت العربيه سريعا وشيكت على كل حاجه لاقيت كل حاجه تمام .... المهم رجعت دورت لاقيت المراوح اشتغلت بسرعه والحمد لله الحراره نزلت وأكملت مشوارى وانا طبعا عينى من الأمبير والحمد لله كله فى المظبوط بس مش زى زمان وحاسس ان العربيه بتسخن بسرعه وزياده وانا مش بحب كده يا ترى ايه رأيكم ايه فى القصه دى أفيدوني ...!!!! علما بان انا لسه منظف دوره الميه وحاطط ميه حمرا توتال ومغير طرمبه ميه جديده وكوعه ثرموثتات اصلى gm والحمد لله وأخد هواء الدوره ومفيش اى تسريب الحمد لله ....!!! يا ترى العمل ايه