السادة الاعضاء المتميزين واصحاب الخبرة ارجو من حضراتكم افادتى فى سيارة لانسر كريستاله معروضه عليا إستعمال سيده من الزيرو بالكاتالوجات ومواصفاتها كالأتى:
موديل: 1998
1300 سى سى مانيوال
زجاج عاده - لون زيتى
طاقم جنوط 16 وعليها كاوتش فلات
فابريقة دواخل ورشة من الخارج وتم تغيير لونها الى احمر على اسود ثم الى اللون الاصلى مرة اخرى وهو زيتى
العداد عامل 180 الف كم
حالة العربية من الخارج معقوله
حالة موتور العربية كويس مع ان سحب العربية على الغيار الاول مش عاجبنى بس الموتور ماتفكش قبل كده وواضح قوى ان الست كانت محافظة عليها
عفشة العربية كويسة مع ملحوظة صغيرة فى علبة الدريكسيون وجارى التاكد منها
فبرجاء الافادة هل الحالة دى تمنع ان اشترى العربية ولا ايه مع ان الست ما شاء الله محترمة جدا وشكلها مش بتاعت نصب يعنى وبعدين زميلة مهنه (يعنى مهندسة زيى) والعربية دى ممكن سعرها يوصل لكام مع العلم ايضا انها طالبه 48 الف وجارى التفاوض معها
وسؤال اخر معلش لوحة العدادات بتاعتها مافيهاش عداد rpm فهل ممكن اغير لوحة العدادات باخرى فيها عداد rpm وهل هاتشتغل على طول ولا محتاجة تعديل فى الضفيرة وشغل وكده

ومتشكر مقدما على اجابات حضراتكم
م./مهاب م. مرزوق
شركة إليكترونيل للطاقة