خصم خاص علي سيارات سيات بمناسبة معرض أوتوماك فورميلا 2014

**SYD** · 17-03-2014 08:22 AM

بسم الله الرحمن الرحيم

السلام عليكم ورحمة الله وبركاته

أخواني الأعزاء في قسم سيات نايل موتورز
تحية طيبة وبعد

تقدم شركة كيان الوكيل الحصري للعلامة سيات الأسبانية في مصر خصم خاص علي بعض موديلات سيات يصل إلي 3000 جنيه خلال معرض أوتوماك فورميلا 2014
وللحصول علي الخصم يجب الشراء او الحجز خلال فترة المعرض بدفعة مقدمة 1000 جنيه فقط

وشمل الخصم العديد من الموديلات المعروضة في المعرض وهي كالتالي

خصم 2000 جنيه علي السيارة سيات ابيزا 5D ليصل سعرها إلي 140,000 جنيه
خصم 2000 جنيه علي السيارة Toledo Reference ليصل سعرها إلي 153,900 جنيه
خصم 2000 جنيه علي السيارة Toledo Reference Plus ليصل سعرها إلي 164,000 جنيه
خصم 3000 جنيه علي السيارة Toledo Style ليصل سعرها إلي 172,000 جنيه

للمزيد من التفاصيل حول موديلات سيات وتغطية قسم سيات نايل موتورز لمعرض أوتومالك فورميلا 2014

تجهيزات سيات والأستعداد لأستقبال الجمهور في معرض اوتوماك فورميلا 2014
بالصور والتفاصيل تغطية معرض اوتوماك فورميلا 2014 - سيات إبيزا
بالصور والتفاصيل تغطية معرض اوتوماك فورميلا 2014 - سيات ليون
بالصور والتفاصيل تغطية معرض اوتوماك فورميلا 2014 - سيات توليدو

كما يمكنكم متابعة اهم الموضوعات من خلال صفحة القسم علي الفيس بوك
http://www.facebook.com/SeatNileMotors

**farouck** · 01-05-2014 02:01 AM

علي فكرة العربية التوليدو جميلة جدا" بس للاسف التوكيل بتاعها هواللي سيء جدا" لاتي انا حاجز العربية التوليدو اعلي فئة خلال فترة المعرض بتاريخ 18/3 واكدولي اني هأستلمها خلال 10 ايام بالكتير اوي ولحد دلوقتي لا حس ولا خبر والمشكلة ان العربية موجودة عند كل الموزعين المعتمدين ولما اتصل بيهم اسألهم عن التأخير يقولولي في كل مرة ان فيه مشكلة في الافراج واليومين اللي جايين هتستلم . تقريبا" كده هما ندمانين علي نسبة الخصم اللي عملوها خلال فترة المعرض ومش عارفين يرجعوا في كلامهم ازاي غير انهم يزهقوا العميل بموضوع التأخير ده لحد لما الواحد يروح يرجعلهم الوصل وخلاص . اذا كان بيعملوا كده قبل الاستلام امال بعد الاستلام هيعملوا ايه في الصيانات وقطع الغيار والخ الخ الخ .والله الكلام اللي بقوله ده حقيقة مش كدب علشان اشوه سمعتهم ولا حاجة لا سمح الله . واسف علي الاطالة

**ahmed.Elashy** · 01-05-2014 02:20 AM

المشاركة الأصلية كتبت بواسطة farouck

علي فكرة العربية التوليدو جميلة جدا" بس للاسف التوكيل بتاعها هواللي سيء جدا" لاتي انا حاجز العربية التوليدو اعلي فئة خلال فترة المعرض بتاريخ 18/3 واكدولي اني هأستلمها خلال 10 ايام بالكتير اوي ولحد دلوقتي لا حس ولا خبر والمشكلة ان العربية موجودة عند كل الموزعين المعتمدين ولما اتصل بيهم اسألهم عن التأخير يقولولي في كل مرة ان فيه مشكلة في الافراج واليومين اللي جايين هتستلم . تقريبا" كده هما ندمانين علي نسبة الخصم اللي عملوها خلال فترة المعرض ومش عارفين يرجعوا في كلامهم ازاي غير انهم يزهقوا العميل بموضوع التأخير ده لحد لما الواحد يروح يرجعلهم الوصل وخلاص . اذا كان بيعملوا كده قبل الاستلام امال بعد الاستلام هيعملوا ايه في الصيانات وقطع الغيار والخ الخ الخ .والله الكلام اللي بقوله ده حقيقة مش كدب علشان اشوه سمعتهم ولا حاجة لا سمح الله . واسف علي الاطالة

نصيحه مني خد فلوس حجزك واشتري من اي حد تاني لاني سالت وقالوا العربيات هتيجي مش قبل شهر سته