الموضوع: السلام عليكم

المشاركة الأصلية كتبت بواسطة m i d o

حبيب قلبي انت بالذات يا باشا كلامك فوق راسي وربنا الي يعلم بس انتو فهمتو قصدي غلط ..
انا زمان كنت بهاجم العربية ايوة بس في النقط السلبية زي مشكلة اخوك الي انا هاجمت العربية فيها للصبح في النقاط المعيوبة يعني الي باظ عند اخوك واير الفتيس انا قلت الواير زبالة وغبور بيسترخص وبتاع وماقلتش دة الواير وحش و البودي ضعيف و الموتور صغير علي العربية و كذا وكذا وكذا الي اقصدة ان احنا نهاجم المشكلة اة بس منسبش اساس الموضوع ونروح نهاجم في حاجة تانية خالص لمجرد ان الهجوم يبقي شامل لا احنا نهاجم المشاكل وانا لحد دلوقتي مش راضي عن موضوع الصدأ الغبي دة الي بيدمر العربية وسمعتها ومازلت بجمع في الملاك عشان الشكوي الجماعية وفي التوكيل عندنا بقيت بروح لكل عربية جيلي اشوف مشاكلها عشان اخد بيانات صاحبها عشان الشكوي الجماعية تبقي قوية وبحاول علي قد ماقدر اني ادور علي الملاك باي شكل ومركز في حاجة واحدة بس تجميع فايل محترم بالملاك ومش شاغل دماغي بقي حاليا بالهجوم علي العربية لانة مالوش لازمة ومش هيعمل حاجة هنا لان 70% تقريبا من الي بيشترو مبيبصوش للنت وكل الملاك الي قابلتهم ميعرفوش موضوع الصدأ وانا الي قلتلهم علية انما لما اركز في الشكوي الجماعية و الجرائد تنشر الخبر هيوصل لكل بيت في مصر ودة الي هياثر بجد باذن الله وانا بعتذر لو كلامي اتفهم غلط انا كل الي بقصدة بس ان الهجوم بقي اوفر شوية يعني سايب اساس الموضوع وجاب حجات تانية ودة الي اقصدة وطبعا الحق مكفول لكل فرد ان يقول راية سواء بالايجاب او بالسلب

ربنا يخليك حبيب قلبى بصراحة كلامك زى الفل
انت عارف يا ميدو الواحد قد اية كان متشجع للعربية و بالرغم من المشاكل الواحد كان ممكن يتعايش معها ولكن موضوع الصدا دة عيب ضخم و صعب يحصل من حد بحجم و خبرة غبور والكارثة انهم تصرفوا بكل استهتار مع الملاك من حيث الكشف و الاصلاح ومحاولة اصلاح عيب خطير سيؤثر على العربية وسمعتها بشوية صنفرة و دهان وينتهى الضمان للسيارة الناس لما اشترت كانت مطمنة انة خلفهم غبور
وزى ماقلنا من قبل لازم يحسوا بالناس وتغيير الاجزاء المصدية
مافيش هجوم زايد ولا حاجة بس لما تلاقى اكثر من شخص بيرد على اى عضو انة مافيش صدا و فين الصور وانة الناس بتبالغ فلابد من الرد وتوضيح الامر حتى لا يظهر انة الاعضاء هنا كاذبة او مبالغة هنا فى المنتدى وتفاجا باحدهم يقول ويتهم الناس بانة مستوى الفكرى للناس بعافية بمعنى هل هو الذى تفكيرة اعلى او افضل من الناس ولسة عامل عضوية و لما تنظر لمشاركاتة تلاقى اغلبها هجوم و تكذيب للاعضاء
ربنا يقويك فيما تفعلة لتجميع اكبر عدد وتجيب حقك و حق الناس من عين غبور وطبعا بالرغم من كل دة لو ضبط غبور العيوب فانت عارف ماذا انوى انا

المشاركة الأصلية كتبت بواسطة bassem.naguib

مش أني

ممكن يكون حصل عندك لبس في تشابه الأسماء .

الموضوع مش محتاج الكلام ده كله .. في الأول والآخر دي عربيات ومش حتخسرنا بعض .. وكل عربية ليها مميزاتها وعيوبها .. وزي ما قال ميدو هو الانفعال الزائد سواء بالسلب او الايجاب .. وطبعاً حاجة تحرق الدم أني ابقى دافع فلوس وحاجة يطلع فيها عيوب .. ولكن نتذكر دائماً أن الكمال لله سبحانه وتعالى وحده .

يعني معقولة الامجراند والضجة اللي اتعملت حواليها دي مفيهاش أي مميزات ؟!! ومش معقولة برضه ميكونش فيها عيوب .. ولكن هل هذه العيوب قاتلة ولا اقدر اتعايش معاها وأعالجها .. النقطة دي بالذات تختلف من شخص لآخر .

وفي النهاية لازم نفهم رسالة المنتدى في أنه مكان يجمعنا كلنا نتناقش فيه ونتبادل خبراتنا فيه ولا مجال للنزاعات والصراعات التي تعكر الصفو العام .

خالص تحياتي للجميع .

كلام صح يا باشا موش العربيات التى سوف تزعل الناس من بعض
طيب الراجل الذى زعلنا و كمان مشى نعمل اية ننزلة مظاهرة فى التحرير