سبب عدم دوران محرك الميجان 2 بدواسة الفرامل

**m_elbog** · 17-03-2014 12:05 PM

معايا ميجان 2 وكانت بتدور بزار start + دواسة الفرامل او الديبرياج حاليا بتدور بالديبرياج فقط اما الفرامل فلا فياترى ممكن اعرف ايه السبب وهل برضه ممكن يتأثر الديبرياج هو كمان ويتعطل مع الوقت ولا ايه ارجو الافادة محاولة لتدارك المشكلة وعدم استفخالها؟ واشكركم

**Hany Saad** · 17-03-2014 01:12 PM

المشاركة الأصلية كتبت بواسطة m_elbog

معايا ميجان 2 وكانت بتدور بزار start + دواسة الفرامل او الديبرياج حاليا بتدور بالديبرياج فقط اما الفرامل فلا فياترى ممكن اعرف ايه السبب وهل برضه ممكن يتأثر الديبرياج هو كمان ويتعطل مع الوقت ولا ايه ارجو الافادة محاولة لتدارك المشكلة وعدم استفخالها؟ واشكركم

حضرتك فيه مفتاح (مكنة فرامل) تحت بدال الفرامل بيقفل الدايرة لما تدوس عليه علشان العربية تدور و يوجد مفتاح أخر تحت بدال الدبرياج....أى واحد منهم بالضغط عليه بيقفل الدايرة و يشغل العربية مع زر ال start

واضح أن المفتاح اللى تحت الفرامل باظ (مكنة الفرامل) و ده لن يؤثر مطلقاً على المفتاح الأخر اللى تحت الدبرياج...
لو حابب تغيره مفيش مشكلة و هو مش غالى و لو مش حابب مفيش أى مشكلة لن يؤثر على أى شىء أخر إلا عدم أستطاعتك التدوير من بدال الفرامل...

طبعاً لو كانت عربيتك أتوماتيك كان لازم تصلحه على طول و إلا مش هتعرف تدور العربية

ساعات بيكون معلق فقط....جرب ترش عليه WD-40 و شوف لو هيشتغل و لا لأ....