بدون مقدمات
اتفرجوا علي الفيديو
[youtube]https://www.youtube.com/watch?v=kmnZ4-EUbIk&feature=youtu.be[/youtube]
عرض للطباعة
بدون مقدمات
اتفرجوا علي الفيديو
[youtube]https://www.youtube.com/watch?v=kmnZ4-EUbIk&feature=youtu.be[/youtube]
ايه الفصله ديه انا اتقفلت من حوار النيتروجين
يعنى ياريت كمان مقرقش عن الهواء لا ده كمان لما دخل الاوده الحراريه
ضغطه عالى اكتر من الهوا العادى
و مشكور على تعبك ديما اخبار وحشه هههههه
فاكر حضرتك موضوع اول bnw دفع امامى
معلش بقى الى افتكرته من ضمن المواضيع اللى زعلتنى :)
انا نوعا ما كنت حاسس انه اشتغاله برضه وماتفاجئتش اوي مشكور علي مجهودك الرائع الحوار ده كان مدوخ ناس كتير بس طالما شافوا الخواجه خلاص هيقتنعوا
ما اصلا اكتر من 70 فى الميه من الهوا نيتروجين
انا عاوز هيليوم علشان اطير
والبى ام دفع امامى وانته بترجع لورا
والله أنا طول عمري مش مقتنع بيه
بس من دلوقتي وداعا نيتروجين
على فكرة الاختبار بتاع فرق الضغط مع الحرارة مش صح... دى قلشت جامد من Tiff
الهوا حرارتة بترتفع داخل الاطار لما الاطار بيلف و الهوا بينضغط داخل الاطار و عشان كدة دايما بيقولوا فى كتالوج العربية ان الضغط الصحيح للاطارات يجب مراجعتة و الاطارات باردة و دة مش بيتحقق لو مشيت بالعربية مسافة تزيد على 300 متر تقريبا... مفيش كتالوج بيقول انك مينفعش تضبط الكاوتش و الجو حر...
اللى عملة Tiff هنا انه حط الفردة فى فرن.. اساسا الكاوتش عازل للحرارة و الجنط اتخن بكتير من انة يسخن لدرجة انة يسخن الهوا اللى جواة بالتالى وضع الفردة فى فرن لا يعنى ان درجة حرارة الهوا جواها هترتفع
لو كان عايز يعمل الاختبار دة صح كان يقيس ضغط الكاوتش قبل اختبار السرعة و بعدة... النتيجة كانت هتفرق كتير جدا و دى التجربة اللى انا عملتها بالفعل و لقيت ان الزيادة فى ضغط الفردة الهوا كان اربع اضعاف الزيادة فى الفردة النيتروجين
MMamdouh
هههه ولا يهمك يا كبير
و الله انا كنت مقتنع انه مش بيتاثر بالحراره قوي
و عشان كده كنت بحطه
رغم انه كمعدل تزويد زي الهوا العادي خصوصا و ان الجراج عندي ارضيته خرسانه
تمام بس الفكره كلها زي ما tiff قال في الاوكسجين
و بي ام عملت عربيه دفع امامي بالفعل هتلاقي موضوع عنها عندي
نفس اللي حصل
و جبت كمبرسور صغير و وداعا لبتوع الكوتش كمان :)
ممممم هو كلامك في جزء كبير من الصحه
بس بخلاف موضوع الضغط ده اعتقد الفرن يقدر يوازي ارتفاع الحراره من المشي
مستحيل... الهوا بيسخن لما ينضغط
طالما الفردة مش ماشية على الارض عمر ما الهوا اللى جواها هيسخن مهما كانت درجة حرارة الجو الخارجى
MMamdouh
استاذ شريف ممكن استفاد من خبرتك في موضوع الكمبريسور و اعرف احسن نوع موجود في السوق و منين و بكام و الاهم بكون سريع و دقيق و شكراً مقدماً :-)
ودائما حرارة الهواء داخل الإطار من حرارة الجو المحيط
وبالتالى لو دخلته فرن هتزيد حرارته ويزيد ضغطه حسب درجة حرارة الفرن
انا ليا بالواقع
وهو ان مقيش حاجة اسمها نيتروجين ب 5ج او 10ج للفرده
دى اساسا اشتغالة
واكبر بتاع كاوتش ب م.نصر عميل عندى بيقسم لى ان دا ضحك عالناس
وهو مستحرم يعمل زى النصابين دول
وواحد تانى بيقسم لى ان بيزود الكاوتش هوا عادى من مكنة النيتروجين وبيحاسب الزبون
ب 5ج للاربع فرد وبيقولهم ان هو زود هوا عادى زى كل المحلات ومفيش حاجة اسمها هوا نيتروجين
دى نصباية
زى عندنا البلازما بالتكييفات تماما نصباية
بص يا باشا هو فعلاً موضوع النيتروجين بيننا كمستهلكين مصريين وبين محلات الكاوتش نصباية ...... ولكن فيه أجهزة بتطلع غاز النيتروجين بنسبة عالية جداً ودى بتستخدم فى تزويد عجل الطائرات عشان الاحتكاك الرهيب
ولو استعملت الأجهزة دى فى نفخ عربياتنا مش هيبقى تأثيرها ملحوظ برضه لأن أغلب عربياتنا بها مشاكل وطرقنا زفت وحتى الكاوتش اللى بنستخدمه كتير منه ليس كما يجب .... فأكيد نصباية مقابل اللى انت بتدفعه فيه
لكن لو قصدك على البلازما بالتكييفات النظام الأيونى لتنظيف الهواء من الميكروبات دا مش نصباية ولا حاجة..... وفعال جداً عليك وعلى البيئة
والفلتر الأيونى بكل بساطة جهاز بيعمل بفرق جهد عالى حوالى 3500 فولت وبيسبب تحليل جزء من الرطوبة فى الهواء الجوى وبيحلل ال h2o وبيسبب تكون غاز الأوزون o3 ويتحد الشق الآخر مع الميكروبات فى الهواء ويبطل مفعولها
بس أنا سمعت أن carrier تكييف تعبان
طبعاً أحنا عارفين إن الأجهزة المستخدمة فى محلات الكاوتش فى مصر 99.9999% منها مبتطلعش نسبة النيتروجين عالية .... وكفاءتها تعبانة .... خصوصاً إن الهواء فيه ما يقرب من 78% نيتروجين ....إحنا هنفرض إن فيه جهاز بيخلى نسبة النيتروجين فى الهواء اللى بيطلعه 98.5% ... تمام قوى
وأنا هركب فردة جديدة تيوبلس ... هنفك الفردة القديمة ونركب الجديدة على الجنط .... مش برضه فيه نسبة هواء ما بين الفردة والجنط ! أكيد هتأثر على نسبة النيتروجين فى الهواء الداخل بنسبة 98% من الجهاز الأصلى النضيف اللى محدش بيستخدمه
معنى كدا عشان أضمن إن نسبة النيتروجين اللى بيطلعها الجهاز هتفضل 98% ... يبقى لازم أعمل vaccum للهواء الموجود داخل الكاوتش ودا عملياً أعتقد إنه مينفعش
فما بالك بقى بجهاز صينى معفن بيطلع هواء عادى !!!!! وب 5 جنيه للفردة
و الله يا باشا انا معنديش خبره و لا حاجه
الكمبروسير اللي عندي كان والدي جايبه و مش عارف منين و هو اصلا مش مكتور عليه لا ماركه و لا يحزنون
بس من المنتدي هنا ناس كتير بتشكر في نوع اسمه الجمل و ده بيكون 2 بستم
كلام منطقي برضه
انا برضه اقتنعت بكده الي حد كبير
و ده كان احد الاسباب اني انفض لحوار النيتروجين ده
الا لو هزود من المطار
و بالمناسبه في محلات بتعمل شفط فعلا للهوا قبل ما تملي النيتروجين
بس 99% من الحالات دخ مبيحصلش فعلا
انا مشوفتش الكلام دة الصراحة... كل اللى شوفتة كان فرق فى الضغط بين مقاسات العجل المختلفة او بين السرعات اللى هتسوق بيها العربية او فى اجمالى حمولة العربية... انما صيف و شتا دى مشوفتهاش خالص
الهوا طبعا هيبرد بس مش بعد دقيقة.... هيحتاج وقت اطول من كدة بكتير لان الجنط البارد ملامس ل25% فقط من الهوا... باقى الهوا ملامس للكاوتش و دة موصل ردىء للحرارةاقتباس:
.... معنى كلامك بقى إنك لو زودت الإطار بهواء ساخن فى الشتاء مش هيبرد بعدها بدقيقة ؟ الجنط مش بيوصل الحرارة برضه ؟
الفكرة كلها فى انتقال الحرارة من الجنط للهوا... صحيح انت سخنت الجنط فى الفرن... المهم مدى تاثر الهوا اللى جوة الجنط بتغيير الحرارة الخارجية مقارنة بنفس التاثير نتيجة انضغاط الاطار اثناء المشى
هو الهوا داخل الاطار بيحتك بايه؟... و لو كلامك صح يبقى فين الاحتكاك اللى حصل فى الفرن؟اقتباس:
والهواء بترتفع درجة حرارته نتيجة احتكاك والغاز يتمدد وليس ينضغط بزيادة الحرارة داخل الإطار مسبباً إرتفاع ضغط الإطار
اكتر حاجة بترفع درجة حرارة الهوا داخل الاطار هى الانضغاط اللى بيحصل مع المشى و الدليل على كدة انك لو قيست ضغط الاطارات قبل ما تمشى و قيستة بعد ما تمشى بالعربية مسافة 2 الى 3 كيلو هتلاقى الضغط زاد... مع ان درجة حرارة الجو لم تختلف ولا انت استعملت الفرامل بشكل مفرط يرفع درجة حرارة الجنط بشكل ملحوظ
انا عملت الاختبار دة بالمشى و الفردة الهوا زادت 8 PSI و الفرد النيتروجين زادت 2 PSI فقط
الفرن بيرفع حرارة الجنط و الجنط ملامس ل 25% فقط من مساحة الهوااقتباس:
الفرن بيزود الحرارة واحتكاك الاطار بيزود الحرارة والفرملة بتزود الحرارة
احتكاك الاطار بيرفع حرارة الاطار... و الاطار مصنوع من المطاط اللى هو موصل ردىء للحرارة
الفرملة بترفع حرارة الجنط... اللى هو ملامس لمساحة قليلة من الهوا و دة فى حالة الاستعمال المفرط للفرامل
MMamdouh
وجهات نظر
مازال بستخدم الهواء العادي ومقتنع
فعلاً صحيح أنه بخصوص أن أغلب الكتالوجات لا تأتى بسيرة تغيير ضغط الإطار فى فصل الشتاء أو الصيف
ولكن فيه كتالوجات بتقول الكلام دا ....للبلاد الباردة التلج وهناك بيستخدموا كاوتش مخصص للشتاء وتصميم ونوع الكاوتش دا بيلزمه ضغط مختلف بيكون أزيد من ضغط الكاوتش الصيفى والكاوتش اللى بيمشى صيف وشتاء
وإحنا عندنا فى مصر الجو يعتبر صيف طول السنة ومبنستخدمش كاوتش شتوى لأن درجة الحرارة عندنا مبتنزلش للدرجة المصمم عليها الكاوتش دا
ولكن فى النهاية ... حرارة الهواء داخل الكاوتش من حرارة الهواء خارج الكاوتش
وأنا لولا النت عندى بطئ كنت رفعتلك ملف رينو وكونتنتال
بص هنا الموقع دا
http://www.tirerack.com/winter/tech/...jsp?techid=168
شوف الحتة دى تحديداً عشان هى لب موضوعنا بتبينلك قد إيه إن ضغط الهواء بيتأثر بدرجة حرارة الهواء المحيط حتى لو فى نفس الموسم ولكن فى مكان أقل برودة ... بمعنى أن لو واحد عنده جاراج أدفى قليلاً من درجة حرارة هواء الجو الطبيعية .... وهو متعود يقيس الضغط فى الجاراج لازم يزودله 2 أو 3 بار زيادة عشان العربية لما تطلع من الجاراج هيقل ضغط الهواء على الإطار بسبب البرودة الأكثر خارج الإطار فال 2 أو 3 بار الزيادة بيعوضوا فرق الضغط دا .... طبعاً دا فى البلاد الباردة ... نفس ا لحكاية الفرن برضه
all tire pressures are intended to be measured cold, which means when the tires are at the same temperature as the air outside. Unfortunately, unless you park your vehicle outside or in an unheated, detached garage, and measure its tire pressures first thing on dark, cold mornings, the influence of attached garages or higher ambient air temperatures later in the day often means that drivers are actually measuring tires that are not completely cold. In this case the 3-5 psi higher recommended inflation pressure increase helps offset the reduced tire pressures associated with the conditions in which the tire pressures are typically measured.