المشاركة الأصلية كتبت بواسطة borio1704
الموضوع فيه شوية مفاهيم وحقائق لازم تتفهم الأل علشان نحكم صح
والموضوع هنا مش بالأرقام اللي في الكتالوج بس
أول حاجة لازم نعرفها إن)( فكرة الموتور متعدد الصمامات هدفها الأساسي هو تحسين "تنفس" المحرك. .. يعني تحسين دخول خليط الوقود وخروج العادم عن طريق توسيع الفتحات أو تعدد المنافذ
تاني حاجة لازم نعرفها.. إن أداء المحرك وبالذات عزم الموتور ما هواش ثابت بشكل خطي... وإنما متغير وبيشبه إلى حد ما شكل "شبه المنحرف" .. بمعنى إن أعلى عزم مش بالضرورة يكون عند نقطة واحدة.. ولكن ممكن جدا يكون خلال مدى دوران
تالت حاجة... المعروف عن معظم المحركات متعددة الصمامات إن عزم دورانها الأقصى بيتاخد على دوران عالي نسبيا... يعني علشان تاخد تسارع كويس... لازم ترفع دوران المحرك
الكلام ده كان واضح جدا في التسعينات مع بداية انتشار المحركات متعددة الصمامات في العربيات اليابانية
ده معناه إن الحكم على عزم العربية بالتسارع من ٠-١٠٠ غير صحيح.. وغالبا في مصلحة الموتور متعدد الصمامات
إنما ميزة الموتور القديم في الحركة البطيئة نسبيا والتسارع على سرعات منخفضة.. بس استهلاك البنزين فيه أعلى