والله معظم الناس بتشكر فى ورشه النايل موتورز
ياريت كان ليهم فرع فى اسكندريه :))
لو عند حضرتك خلفيه ممكن تتكلف كام علشان لو اتفقت بكره معا حد
عرض للطباعة
قدر الله وماشاء فعل ..... فدا اي حاجه تانيه يعم الحج ..... ونصيحه مني طلع حاجه لله
صديقي المواطن
بناءا على رسالة شخصية جائتني على الخاص من اﻷخ الفاضل الزميل المحترم صاحب الموضوع يطلب مني رأيي الشخصي في الحادث ورديت عليه من غير أن أقرأ الموضوع ووجدت إسم ورشة رفيق النضال المواطن المؤسس كريم منير وأنا نظرا للحساسية الموجودة بيني وبينه فكنت أتمنى أن لا أعلق ولكن ممكن توديهاله وهو مش حيقصر معاك وأنا من وجهة نظري في الحادث فهو بسيط وخفيف ولا تقلق وهو عالبارد حيرجع طبيعي لكن مش حيعجبك في العربية دي حتحس بكسرة نفس وإنت بتبص عليها ﻷنها أكيد البوهية تخربشت وحتتطرق لسه لكن لو زود شحم عالمطرقة والصاج ممكن يخف المنظر والتطريق بس خلاص إنقرضوا محدش يعمل كده دلوأتي وأنا للأسف أساسا من إسكندرية ولكن مش بيعجبني مستوى إسطواتنا هناك وعادي حتى لو إتعملت سخن مع بوية سكنز ممكن ترجع زيرو ومتبانش كمان وممكن تعمل رسمة بلون مختلف وتميز عربيتك ﻷربع دواير الرفرف وممكن تعمل ليها طقم باكيتات عريضة عشان تكون عندك سبورتج مختلفة عن كل الجمهورية وأنا يا صديقي المواطن إكراما ليك ﻷنك بعتلي رسالة عالخاص وﻷنك من بلدي اﻷصلي فليك ضعف الحق عليا فبدل ما تزورني وأعمل ليك عزومة كباب وكفتة حضرتك تشرفني في القاهرة وتسيبلي العرببة أو إبعتها مع أي حد وأنا بنفسي بعد أسبوع حجيبهالك لغاية بيتك في إسكندرية أو لو حضرتك معدي لمصر تفضل خدها وكمان مجانا مجانا مجانا مش حنكلفك ولا جنيه واحد وخد عدادك لحسن تفتكر إني حلف بيها مسافة ورشة البوية والسمكرة والفرن وقضيت وكالعادة بخلي السمكرية اللي شغالين في عربياتي يركنوا الشغل ويعملوها ثم يرجعوا لعربياتي تاني واللون مبخليش بوهيجي يخلطه أنا بطلعه بالكمبيوتر وأخلطه بنفسي سكنز
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
صديقي المواطن
ملحوظة مهمة
من هنا ورايح قولا واحدا عند أي حادث لا بد من إنك تجيب قطنة وكاز أبيض أو قطنة وبنزين أو قطنة وكحول أبيض شفاف وتمسح مكان الحادث ثم تصور فمعظم الحوادث تطلع فشنك وتقل فاجعتها بعد التنظيف وبعد كده تصور ثم تجيب شوية شحم وتدعكه عليها وسيبه عليها لغاية ما تقرر تصلحها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
السلام عليكم
الحمد لله في الاول والاخر
حظك حلو ان السواق نزل معترف بخطأه اصلاً لان كتير منهم (الا ما رحم ربي) بينزل وهو بيزعق وجايب الغلط عليك مع ان هو اللي غلطان
واتفق مع تفكيرك تماماً ان قضا اخف وارحم من قضا
وبعدين يا سيدي ابقdي اعمل المثــــل الشهيـــر "امشي ورا فيرنا وخلي وراك BM او مرسيدس" لان الفيرنا لو ضرب فرامل للاخر هيقف بعد مسافة طويلة تلحق انت تلم نفسك فيها واللي وراك(BM / Mercedes) يقدر يقف في اي لحظة هو عاوزها عشان الفرامل عندة كويسة جدأ وكمان فيها ABS :)
الحمد لله علي كل حال
اولا نقول الحمد لله .. يا باشا تغور العربية كلها المهم انك واقف على رجليك و بصحتك وفداك الف واحدة زيها .. دلوقتي انت محتاج سمكري كويس .. لان الرد على البارد في الحته دي لازم يبقى بحذر لانها هتسيب فروق مع الاكصدام في السلاح بتاع الرفرف .. لسه حاصلة معايا في كيا كوبيه .. و مرة تانية اوعى تزعل
بجد مش عارف اقولكم ايه
والله كلامكم دا يهون على الواحد اى مشكله
بشكركم جميعا .. وبحترم جميع ارائكم
اللى زعلنى ان اكتشفت مفيش ورشه او سمكرى نضيفه فى اسكندرية
كان نفسي الاقى ورشه محترمه زى ورشه استاذ كريم اقدر اسيب العربيه هناك و انا مطمئن عليها
انا سايبها فى الجراج لحد مافكر اعمل ايه علشان اعملها صح
تحياتى لكم جميعا