أسترا , اكسارا1ولا الفا روميو ؟ محتار اختار اية

**mahmoudselim** · 03-10-2008 02:39 AM

السلام عليكم يا شباب قسم الستروين وكل ال بيدخلو النتدي
بداية كدا يا رجالة انا بئالي كام يوم كدا متابع الموقع دا وبصراحة .. دا موقع محترم جدا جدا واستفدت كتييير من اراء الاعضاء المحترمين في كل الاقسام ..
بس انا ملاحظ ان قسم الستروين اقل قسم في عدد المشاراكات و المواضيع الجديدة مقارنة بأقسام تانية كتير .. اية السبب ؟

هدخل في الموضوع بس يا ريت الاقي رد يريحني ويخليني ارسى علي حل كدا انشاء الله.
انا معايا تقريبا كدا 45000 وعاوز عربية محترمة .. وكانت اختياراتي حاجة من التلاتة دول : 1 . اوبل استرا 2001 , 1200 cc
2 . الفا روميو 146 , 1600 cc
3 . ستروين اكسارا1 , 1600 cc اوتو
انا عامتا بفضل الاوتومتيك ودا مش متوفر في الالفا ..
وراجعت علي تقريبا كل موضوع بيتكلم عن التلات عربيات دول .. وبصراحة في كل عربية مميزات وعيوب ودي حاجة طبيعية جدا يعني.
المهم عشان مطولش عليكوا انا عاوز اعرف رأيكوا في الاكسارا .. قطع غياراها متوفرة ولا نادرة .. سمعت ان في مشكلة في الاتومتيك! مظبوت الكلام دا؟
وياريت يا جدعان لو في نصيحة تفيدني اني اختار عربية من دول وانا مطمن. ياريت محدش يبخل عليا بيها .
ملحوظة كدا : انا اول مرة اشتري عربية .. بس مش اول مرة اسوق عربية
وشكرا جدا مقدما يا رجالة .

**Ahmed Hassan** · 03-10-2008 02:16 PM

شوف يا سيدي.. الاكسارا عربيه متينه و ثابته على الطريق جدا... موتورها ممتاز خصوصا في السفر. التكييف بتاعها اكثر من جيد. عفشتها بتستحمل جدا... و قطع غيارها معمره. فيه قطه غيار اصلي و فيه تقليد.. و كمان فيه استيراد و جديد. الاسعار مش بطاله.. فيه بعض الحاجات غاليه شويه... بس عموما مناسبه و معمره.

الألفا روميو جميله... خصوصا لو بالموتور الـ twin spark بس العربيه دي عايزه واحد غاوي,,, يعني لو ليك فيها مش هتحطها في مقارنه مع عربيات تانيه.

الاسترا معنديش عنها معلومات كتير.. بس انا كنت جربتها اول ما نزلت... الموتور بتاعها ضعيف جدا على العربيه.. و سحبها مش قد كده خالص.

انا عن نفسي ارشحلك الاكسارا.. بس هاتها مانيوال.

**mahmoudselim** · 03-10-2008 11:58 PM

متشكر يا احمد باشا علي ردك
انا فعلا كنت مخلي الاسترا اخر حاجة في اختياراتي.. عشان المتور بتعها ضعيف جدا علي العربية دي . هوا فية منها متسئطلها 1600 , بس انا عن نفسي مبحبش اللعب في العربية والتسئيط والكلام ال انتا عارفو دا .. دا غير ان تكيفها ضعيف جدا و بيئسر علي سحب العربية..
بس لو تلاحظ ان السمة المشتركة في العربيات دول ان الاستبالتي بتعها عالي جدا وكمان قطع غيرها غالية حبتين بس معمرة ودا ال يهمني ( الغالي تمنو فية) زي ما بيقولو..
الالفا حلم عمري ( اة والله) بس مئلق جدا من قطع غيرها وتصليحها لو قدر الله جرلها حاجة ..
الاكسارا عربية جميلة جدا .. وإن شاء الله لو اطمنت علي الاتوماتيك منها انوا مفيهوش مشاكل زي ما بسمع هخلص في واحدا نضيفة وقتي..
بس انتا بتقول ابعد عن الاتو احسن! لية؟ هل فعلا زي ما سمعت ان مشاكلها كتير ولا كلام بيتقال وبينتشر كعادة المصريين دايما!!
يا ريت يا باشا لو عندك معلومة مئكدة في الموضوع دا تطمني ..
ومعلش هتعبك معايا شوية

**Ahmed Hassan** · 04-10-2008 03:25 AM

مفيش تعب و لا حاجه. انا الاوتومايك تاع الاكسارا معرفش عنها حاجه لا في الاكسارا 1 و لا 2 فمعنديش معلومه مؤكده. بس موديلات الفرنساوي الاوتوماتيك اللي مش حديثه قوي عموما في احوال كتير بيبقى فيها قلق و عمر الفتيس فيها مش طويل و بيحتاج عنايه خاصه جدا. عموما لو تعرف حد بيفهم في العربيه كويس خليه يشوفلك الفتيس,,, و انا عن نفسي هخلي قريبي يسألك الرجل الي بيصلحله عربيته (هوه اصلا شغال في التوكيل) و اقولك ايه الأخبار.

**mahmoudselim** · 04-10-2008 04:41 AM

ياريت والله ياباشا تسئلى قريب صحبك.. هتبقى خدمتني خدمة كبير جدا .. اصل انا بصراحة صعب ان اسئل حد دلوقتي لاني خارج مصر وهنزل اخر الاسبوع دا إن شاء الله, ولو احتجت اي حاجة انا تحت امرك..
بالنسبة لموضوع الاكسارا هي مش قديمة دى موديل 2001 يعني تعتبر موديل حديث..
وإن شاء الله اطمن من نحيتها عشان لما انزل اخلص في واحدة كويسة .. بصراحة العربية داخلة دماغي

**mahmoudselim** · 04-10-2008 05:47 AM

لا مؤاحذة يا احمد انا قصدي صاحب قريبك

**Ahmed Hassan** · 04-10-2008 05:59 AM

معنى كلامك ان مفيش عربيه معينه قدامك... يبقى ليه مصمم على الاوتوماتيك؟؟؟ عموما هسئل و ارد عليك بكره ان شاء الله

**mahmoudselim** · 04-10-2008 08:03 AM

بصراحة الاتوماتيك عندي افضل بكتير في زحمة القاهرة وارفها .. بتحس انها مريحة كدا في سواقتها.. دا غير اني مش عاوز عربية اجري واسابق بيها وكدة
وفعلا يا باشا هو مفيش عربية معينة انا متكلم عليها ..بس دي مش مشكلة يعني .

**Ahmed Hassan** · 06-10-2008 03:30 AM

الراجل رده انه لو عايز اوتوماتيك يبقى خليك في الاكسارا 2 احسن. لو مصمم على الاكسارا 1 اوتوماتيك يبقى ضروري تكشف على الفتيس في التوكيل.

**mahmoudselim** · 06-10-2008 04:21 AM

هي مش حكاية مصمم علي الاكسارا1 ال بيحكم الامكانيات.. بس علي العموم متشكر ليك يا احمد .. ولو في حاجة قدامك وحالتها كويسة عرفني.. تمام يا باشا
سلام

الموضوع: أسترا , اكسارا1ولا الفا روميو ؟ محتار اختار اية

LinkBack

أدوات الموضوع

عرض

-

-

-

-

المواضيع المتشابهه

الفا روميو 75

الفا روميو 146 للبيعالفا روميو 146 موتور بوكسر موديل 96 1600 سي سي زينون و الرخصة انا

الفا روميو 146

الفا روميو 147

الفا روميو

الكلمات الدلالية لهذا الموضوع

المفضلات

المفضلات

ضوابط المشاركة