-
باشا انا عندي فردة الكاوتش عملت بالونة من اول 300 كيلو للعربية في كاوتش الفبريقة الكوري الاصلي اللي جاي مع العربية وطبعاً الكل اجمع انه مطب ، وان متذكر المطب ده كويس جداً وكنت ماشي على سرعة 30 في البطيئ اللي في شارع جامعة الدول قدام فندق النبيلة ، يعني مكان استحالة سرعتك فيه تزيد عن 30 كم ، وكلت بلاعة غويطة كده في الشارع ، عملت بالونة في الكاوتش ، مالهاش علاقة ماشي بسرعة ولا ماشي بطيئ ، هي الفكرة في انت كلت المطب إزاي وكسرت السلك إزاي، عشان بس منظلمش الناس وحضرتك متعرفش برضه هو كل المطب إزاي ، الكاوتش لو فيه عيب صناعة على حد علمي يتخرم بسرعة او يعمل عالي وواطي ، لكن بالونة متجيش غير من كسر سلك بمطب محترم ، لأان انا جبت كاوتش كونتينتال ماليزي في عربية كانت معايا قبل كده والله ما كمل معايا شهرين وكنت لاحم الاربع فرد حوالي 4 لحامات في كل فردة غير الخوابير ، متزعلش نفسك ياباشا ، البالونة دي ظاهرة متفشية في كاوتشات عربياتنا بسبب شوارعنا بنت التييييييييييييت ، اللي مش مكتوبلها تبقى زي شوارع خلق الله ابداً
-
انا مع بروفايل 55 كبير مش صغير عملت بلونة مع اقل من اف كم وبريدجستون عملو فحص فني للعجلة ومهندس محترف جالي وفحصها وقالي لاء مش عيب فني ده مطب وفهمني واقتنعت
معذرة اللي انت عاملة ده في الراجل اسمه تشهير وممكن يدخل يقاضيك بسببه لو بلغ مباحث الانترنت
انا بنصحك عشان تبقي عارف
اعمل تقرير للمشرف يغيرلك العنوان وتعدله لان كذا عضو خبير ومنهم ممدوح بيقولك دي مش مشكلة صناعه ولا محل
تحياتي
-
على فكرة أنا قريت كذا مرة على المنتدى إن الكونتننتال من الكاوتش اللي جوانبه ضعيفة و طرية جداً , طبعاً الكاوتش الطري يعتبر ميزة عشان الراحة و خلافه , بس في الشوارع المنيلة بنيلة بتاعتنا دي للأسف يعتبر عيب و بيسبب مشاكل كتيرة.
معلش ربنا يعوض عليك و ممكن تجيب كاوتش تاني بريدجستون نفس المقاس و طالما انت ممشيتش كتير على الفرد فمش حتلاقي فرق كبير بينهم.
-
مع احترامى الكامل لكل زوار المنتدى مفيش تاجر فى مصر كلها بيدى ضمان على العجل ولو قالك كده يبقى بيضحك عليك حتى لو بريدجستون نفسها قالت كده هى بتبيع العجل وخلاص اى تاجر كده اهم حاجه انه يبقى نقشه كويسه وتاريخ انتاج حديث غير كده ملكش حاجه عند التجار والاستاذ اللى بيتكلم على النقشه sport الكلام ده هناك عند المصنعين وليس بمصر لان مفيش طريق فى مصر مظبوط وعدل ومفيش طريق يسمح بالجرى تمام وموضوع البلونه ده بيبقى من الهوا فى العجله مش مظبوط وكلت مطب اما العجله اتخبطت فى رصيف
-
ربنا يعوض عليك لان حتى لو ليك حق مش هتعرف تاخده برده لان احنا ف بلد ماشيه بالبركه وللاسف مبقاش فيها بركه فافهم انت بقا بقت ماشيه ازاى
-
أنا عشان الموضوع ده دايما بنقل لمقاس أعرض ف سيف الجنط في المطبات بدل ما يخبط جوانب الكاوتش بيخبط المداس وده دايما أقوي . . . حتى الآن الحمد لله
225/50 r16 بدلا 205/55 r16
-
أنا عشان الموضوع ده دايما بنقل لمقاس أعرض ف سيف الجنط في المطبات بدل ما يخبط جوانب الكاوتش بيخبط المداس وده دايما أقوي . . . حتى الآن الحمد لله
225/50 r16 بدلا 205/55 r16
-
غالبا مطب فعلا و التاجر مالوش دعوة
-
-
انا اشتريت منهم طقم جى تى للامانة كاموا محترمين واسعارهم كويسة
الحاجة الوحيدة اللى معجبتنيش هو انهم اخدوا الاربع فرد القدام ب 50 جنية اى نعم كانوا ممسوحين لكن ولا فردة فيها خرم وتمشى جوة البلد سنة بس انا بسافر كتير
Content Relevant URLs by
vBSEO 3.6.0 PL2