الموضوع: تحذير هام جدا من اولاد بيومي بمنطقة الدقي للكاوتش

سلام عليكم / انا بحذر اخواتي الاعضاء هنا من محل اولاد بيومي للكاوتش الي في الدقي جمب جاد والقصة تبتدي ازاي انا ليا قريبي معاة مرسيدس c180 اخر موديل وهوة من هواة التعديلات فجاب جنط اكبر وركبنا كاوتش من عند اولاد بيومي ماركة continental ودة كاوتش الماني والعربية اصلا زيرو يادوب ماشية 3الاف كيلو وغيرنا الكاوتش من عندة والعربية كانت حوالي الف ونص كيلو يعني بلزبط الفرد ماشية الف ونص كيلو والنهاردة اكتشفنا بالونة في الفردة الامامية طبعا روحنا للباشا نقوله شوف الي حصل جة يقولنا بقا مطب واكلتو مطب وقطم تيل وكلام كدة مش مفهوم ولا لية اي علاقة واصلا العربية لسة زيرو ممشيتش حتي 5الاف كيلو والكاوتش يادوب مشينا علية 1500 كيلو ويجي الباشا يقولك مطب وقطم تيل وبيستعبطنا كان فية شوية وساخة علي الجنط قالنا بوصو اهو مخدوشة مكان المطب قومت جيت مسحتهاله وكانت مكانها طينه مكان يومين المطر الي فاتو والباشا عاوز يقنعني انه مكان مطب رغم ان العربية زيرو وقريبي سواقته معقوله يعني حتي لو اكل مطب فمطبات عادية جدا اي واحد فينا بياخدها كل يوم بدل ما صاحب المحل يقف معانا لا بلعكس جاي ضددنا ويقولك عيب سواقة ومطبات ويقولي استني افك الفردة واوريك ويقولنا قطم تيل وشوية يقولك بص مكان المطب ويطلع في الاخر طينه مكان طينه استهزاء بلزبون رغم اننا جايبين فرد من عندة بحوالي 6الاف جنية غير باقي عربيات العيله بتتعامل معاة لاكن النصب في كل مكان وانا بحذر اي حد ميشتريش من محل كاوتش لازم يشتري من الفرع الرئيسي اقسم بلله ان بريدجستون فعلا برقبة اي فردة الواحد جابها في حياته واتمني ان محدش يقع في الفخ وياريت حد يقولنا نعمل اية معاة لانه بيقول هياخد الفردة ويوديها الشركة عشان يشوفو عيب صناعة ولا عيب مطب وعاوز يدخلنا في حورات كدة مش مفهومة ياريت ياجماعة حد يقولنا نعمل اية في المشكله دي حرام دي فردة بألف جنية ولسة ممشيتش حتي الفين كيلو والخوف ان باقي الفرد تعمل كدة ..وحسبي الله ونعم الوكيل