سؤال بالنسبة للدوكو......افيدوني لو سمحتم

**civilpharaoh** · 03-10-2008 02:49 AM

هو انا ممكن اضرَب لون الشامبين a17عند واحد بتاع دوكو علشان القط الخرابيش الي في العربية (اصلها بصراحة منكدة عليا اوي) ولو ممكن حد عارف واحد كويس؟ وهل ده يخرج العربية من الضمان؟ ولا الاحسن استني صيانة ال10000 و اعملها في مركز الصيانة(بس ده لسه بدري دا انا عامل 3000 كيلو بس).هما بصراحة ناس محترمة جدا ومبيتأخروش عن خدمة حد واكبر مثال المهندس طارق الي بعتبره احسن وجهة لتوكيل ميتسوبيشي في مصر.

**مصراوي جدا** · 03-10-2008 03:18 AM

الله يخليك يا باشا وشكرا لذوقك

حضرتك ممكن تيجي التوكيل وتدخل العربية تتلمع وتتلقط اماكن الخربشة دي وتضمن انها اللون الأصلي بس الافضل تتصل تسأل عن حجز ميعاد
قليوب 42157629
جسر السويس 26981976
وهنشتغل سبت وحد باذن الله (4 و 5 أكتوبر)

**mahmoudzaied** · 03-10-2008 03:03 PM

طيب يا بشمهندس طارق بعد اذنك
انا كنت عملت حادثة بالعربية كدة والاكصدام اتخلع وفيه شويه خرابيش كدة وتعرجات على الرفرف اليمين
وكنت عامل موضوع هنا فى المنتدى
http://www.nilemotors.net/Nile/showthread.php?t=35552
لما السمكرى جه رد الرفرف ردو على البارد فحاسس ان فيه شوية تجاعيد رغم ان البوية لسة موجودة وكمان فيه حتت دخلت لجوة اوى فقعد يدق عليها لحد ما اتعدلت بس البوية طلعت دى كدة هتتمعجن وتترش ولا هتترش على طول
وكمان الاكصدام لما اتركب فيه فرق بينه وبين البودى بتاع العربية يعنى سايب فراغ صغير كدة حوا نص سنتيمتر هل ممكن يرجع زى الاول ولا خلاص هيفضل كدة على طول
انا مش مهم عند الرفرف لانو سهل يتعمل المهم شكل الاكصدام عشان الفراغ اللى اتعمل ده نفسى يرجع زى الاول
وشكرا

**dynamic_alpha** · 03-10-2008 04:27 PM

أنا كمان كنت عايز اعالج بعض الخدوشات في الاكصدام

و لكن لما روحت مركز الصيانة في جسر السويس أثناء صيانة 1000 كيلو , قالولي انه مفيش حاجة ممكن يعموها غير انهم يرشوا الاكصدام كله و أنه كمان حياخد وقت على ما يتعمل

بصراحة قفلها في وشي و سبت الاكصدام زي ما هو

**مصراوي جدا** · 04-10-2008 03:31 PM

المشاركة الأصلية كتبت بواسطة mahmoudzaied

طيب يا بشمهندس طارق بعد اذنك
انا كنت عملت حادثة بالعربية كدة والاكصدام اتخلع وفيه شويه خرابيش كدة وتعرجات على الرفرف اليمين
وكنت عامل موضوع هنا فى المنتدى
http://www.nilemotors.net/Nile/showthread.php?t=35552
لما السمكرى جه رد الرفرف ردو على البارد فحاسس ان فيه شوية تجاعيد رغم ان البوية لسة موجودة وكمان فيه حتت دخلت لجوة اوى فقعد يدق عليها لحد ما اتعدلت بس البوية طلعت دى كدة هتتمعجن وتترش ولا هتترش على طول
وكمان الاكصدام لما اتركب فيه فرق بينه وبين البودى بتاع العربية يعنى سايب فراغ صغير كدة حوا نص سنتيمتر هل ممكن يرجع زى الاول ولا خلاص هيفضل كدة على طول
انا مش مهم عند الرفرف لانو سهل يتعمل المهم شكل الاكصدام عشان الفراغ اللى اتعمل ده نفسى يرجع زى الاول
وشكرا

طالما حضرتك من بنها ممكن تعدي علينا في قليوب في اي وقت والمهندس المسئول عن قسم السمكرة والدهان يعاين العربية ويقولك ايه اللي ممكن يتعمل وتكلفته هتكون كام

**مصراوي جدا** · 04-10-2008 03:35 PM

المشاركة الأصلية كتبت بواسطة dynamic_alpha

أنا كمان كنت عايز اعالج بعض الخدوشات في الاكصدام

و لكن لما روحت مركز الصيانة في جسر السويس أثناء صيانة 1000 كيلو , قالولي انه مفيش حاجة ممكن يعموها غير انهم يرشوا الاكصدام كله و أنه كمان حياخد وقت على ما يتعمل

بصراحة قفلها في وشي و سبت الاكصدام زي ما هو

هو فرع جسر السويس ازحم كتير من قليوب وضغط الشغل عالي هناك - ممكن في صيانة الـ 10000 تشرفنا في قليوب والعربية مع الصيانة تدخل للتلميع في قسم الدوكو مع تلقيط اماكن الخربشة