الهضبة والوسطي الهي داخل المقطم يعيبها الشوارع عاوزة تتسفلت بس واحسن منطقة عند الجامعة الصيدلة تقريبا
عرض للطباعة
الهضبة والوسطي الهي داخل المقطم يعيبها الشوارع عاوزة تتسفلت بس واحسن منطقة عند الجامعة الصيدلة تقريبا
انا ليه واحد صحبي مأجر في بيتشو وكنت عنده امبارح وقالي فعلا ان مفيش عداذات كهربه وان كل الشقق موصله كهربه من العمود وانهم مبيدفعوش گهربه والمنطقه معقوله مش وحشه اوي بس مليانه ناس افارقه مش عارف ليه
اية يا جماعة بس حوار عدادات الكهرباء انا ليه شقة هنالك بس مدخلتش الكهرباء لسه كسل منى انما العمارة كلها فيها عدادات كهرباء عااااادى جد(ممكن يكون عشانا انا فى المرحلة الاولى معرفش المراحل التانية اية نظامها)
و عموما 300 الف ميجبوش شقة 200 متر فى بيتشو الا لو مش متشطبة خاالص و لسسسة مش هتستلكها دلوقتى مثلا
بالظبط كده المرحله الاولى بس اللي فيها كهربه المرحله التانيه مفهاش كهربه
حدائق الاهرام انا متابعها من سنتين وهناك بشكل مستمر
عيبها ان مستقبلها مجهول تماما، متقدرش تحكم انها هتكون متوسطة وراقية ولا هتكون مستوى هابط خاصة الزحف هناك زاد جدا.
هنزل الواحة ان شاء الله واشوف الاخبار ايه وهقولكو النظام ايه
خير الكلام ما قل ودل.
متسكنش بعيد عن الشغل :(
بص يا سيدى
أنا ساكن فى الواحه بقالى أكتر من 5 سنين (أيام ماكانت صحراء)
عيب الواحه حاجتين
1-الطرق مكسره
2-فيه شوارع مش حتلاقى مكان تركن فيه العربيه, نصيحتى ليك لما تاخد شقه لازم تاخد معاها مكان فى الجراج
غير كده أنا بشوف أنها منطقه جميله و فيها كل الخدمات ألى أنت عايزها
كتير من أصحابى كنت بسأل ليهم على الشقق هناك و ديه التفاصيل ألى أعرفها
الواحه متقسمه لجزأين
الأول ده مبنى و متشطب و 90% منه ساكن خلاص و بقيه 10% ناس أشترت و عايزه تبيع للتجاره
الجزء التانى
ده لسه بيتبنى و معظمهم نفس النظام 50% مقدم و 50% تقسيط على 3 أو 4 سنين بالكتير
موضوع المساحات ,أنا سمعت عنه بس مشفتش حاجه , الى بيتقال أن مثلا الشقه ال 150 متر بتبقى صافى 120 أو حاجه زى كده
نصيحتى أنك تنزل و تشوف و تدور
لو حابب أنا ممكن أقابلك هناك و نتفرج مع بعض
أو ممكن أجيبلك أرقام الأعلانات ألى فى الشوارع هناك و تكلمهم و تشوف
شوف عايز تسأل على أيه و أنا تحت أمرك
تحت أمرك ياباشا
و أنا مروح من الشغل حشوف الأرقام ألى فى الشارع و حبعتها بس بليل شويه