الموضوع: وظيفة الحماية من الاحتباس (نافذة السائق فقط) كورولا 2014

المشاركة الأصلية كتبت بواسطة miceg

هو في حيادية أكتر من كده:" في أحد المقارنات بين كورولا 2014 و فلونس 2014 تفوقت فلونس في خاصية jam protection function والموجودة في الأربع شبابيك في الفلونس وفي شباك السائق فقط في الكورولا."
ماتكمل كلامك ولا الكلام خلص

الحقيقة الكلام مخلصش وأتمني أن حضرتك تقرأ كل المشاركات لأنك لو قرأتها كلها هتعرف اني غيرت رأيي في الجزء ده بناءا علي شرح السادة الأفاضل اللي وضحوا أن لو كملت ضغط علي الزرار هيقفل حتي لو أعترض الازاز حاجة. وأنا عملت كده في الكورولا في باب السواق وأشتغل تمام.

كلامك :- تعليق: في نظري ده يعتبر عيب مش ميزة في مصر حاليا لأن لو افترضنا أنك فاتح الشباك وحد جاي يهجم عليك وأنت جوه العربية لاي سبب كان (سرقة -خناقة ) والطريق واقف فأنت مش هتعرف تقفل الشباك بسبب الخاصية دي






عادي جدا ....زي ما بنقول علي انخفاض العربية عيب وهو من أهم المزايا للثبات (دي مصر يا افندم)
نرجع نقول تاني
الثبات مش لكل الناس

الثبات يا أفندم مش في السرعات العالية بس ولكن في الملفات والمطر و في وجود رمل أو بقعة زيت وعلشان كده كورولا نازلة بـ ESP , TRC في كل الفئات حتي المانويل

انما شوارع مصر لكل الناس
لكن متقدرش تلوم على مستهلك شكوته من إنخفاض السيارة لإن ثبات السيارة مش فأولوياته

أحنا في منتدي تويوتا بنطالب بالاتنين الثبات و الارتفاع عن الارض وده موجود بالفعل في النسخة المعدلة


خيال واسع.... ليييييه .....هو أنت قولت لحضرتك ان كائن فضائي هيهجم عليك ..... بص كويس يا أفندم في الاشارات وأماكن الركنة وامام البنوك والمصالح الحكومية (كهرباء -غاز- بريد) هتلاقي أطفال شوارع- شحاتين- حرامية - بلطجية

وبالمناسبة حضرتك لو مشفتش بلطجية ده لا يعني أنهم مش موجودين


قفل الزجاج بينفع مع الشحاتين و أطفال الشوارع وسواق غاضب ضد سيدة و بالفعل نفع مع زميلي اللي هاجمه بلطجي بمطوة.


ولا تزعل حضرتك هنزل أفصل الخاصية دي عشان اول مايجي الحرامي هقفل فوش أمه فورااااابس هشغلها فوقت مانا عاوز يعني بقيت حر فإستخدامي ليها بس مأجبرتش زي بالظبط ال ESP فايدك تشغله وفأيدك تطفيه _

أنا اللي بطلب من حضرتك تكون محايد وتقولي أيهما أهم ال ESP ولا ال Anti-pinch


أكيد حضرتك عارف أن في زرار في الكورولا يقدر يعطل ال ESP ويخليها زي أي عربية و تغرز براحتك.
والله مستني حد يقولي موضوع الزرار
ماهو زرار الزجاج فأيدك تلغي موضوع ال anti pinch لو ضغطت عليه ضغطة مطولة
ولا هنا بس إفتكرت ان في زرار

زي ما أنا فاكر أن ال anti pinch ميزة في الفلونس في الأربع شبابيك مقابل شباك السائق فقط في الكورولا ...يا ريت حضرتك تعترف أن الESP ميزة في الكورولا

وفالنهاية الجدال مش سكتي

أبدا يا باشا ...مش المقصود الجدال و انما النقاش وطبيعي أننا نختلف في الآراء ونسمع بعض


انما انت اللي اضطريتني اخد كل جزئية في كلامك زي مانت عملت

أوضح لحضرتك أن دي حاجة دايما بنعملها علي المنتدي وليس المقصود منها الجدال وأنما الرد علي النقاط المختلف عليها

تعليق: الكورولا والفلونس دايما بيدور نقاش كتيير بين مالكي العربيتين وده بيثبت تقارب المستوي بينهم، والنقاش ده بساعد المقدمين علي الشراء علي أتخاذ القرار الأنسب ليهم.

المهم متكونش زعلان ومتخدش الموضوع بحساسية

]