الموضوع: افتخر بإقتنائى Geely Emgrand EC7

يا جماعة اهدوا شوية بالرغم من العيوب التى فى السيارة و التى من الاول كنت من العترضين عليها وذلك لانة عندما تشترى سيارة زيرو من المفروض انك لا تعانى من مشاكل فى فبرة التانك وبكرة الكرسى و عوامة التانك والتكييف والكاسيت وواير الفتيس وغيرهم والتى من المفروض انها زيرو و لكن الشئ الغريب هو اصرار غبور مثلا على و ضع نفس الكاسيت الزبالة والتى اشتكى منة اغلب الناس دة دليل على انة منفض و سيستمر فى ذلك وكانة باصرار شديد غيظا فى الناس وكانة بيقول دبوا راسكم فى الحيط واخيرا مشكلة الصدا والتى لا قدر اللة ممكن تظهر بعد شوية فى اماكن اخرى منها وهى مشكلة كارثية بكل المقاييس وبالرغم من كل دة العربية شكلها حلو و امكانيات واوبشن رائع لو استوردها او احسن تجميعها هاتكسر الدنيا
المهم الان والسؤال المطروح ازاى الناس مالكى السيارة هايعرفوا ياخذوا حقهم منهم انا من راى شايف ماحدش ها يعرف يعمل اى حاجة غبور منفض فى كل حاجة معيوبة وكمثال الكاسيت الزبالة ومازال بيحطة ولم يقدم كشف للسيارات للصد او اعتذار او معاجة عيب الصدا بتغيير الاجزاء وطبعا حماية المطحون شربوا تانك شاى بالياسمين
ماهى الحلول بدلا من المناقشات والشد ومجادلات بين ناس محترمين هنا

استاذ samakaerror سلامتك من الاكتئاب ومن خلال خبرتى فى فى 4 عربيات وقطع اكتر من 370000 الف كيلو احب اختلف مع حضرتك قليلا اولا بتساوى عيب فى باب فى بى ام و ايمجراند الصينى ودة ظلم كبير يعنى الباب ممكن مفصلة او سمكرى او التوكيل وتنتهى المشكلة فة 5 دقائق ولكن عيب زى المشاكل التى كلنا عارفينها ولكن عيب مثل الصدا دة عيب فى منظومة تجميع و عزل السيارة وماشى اى عربية ممكن يكون بها عيوب طيب غبور عمل اية بيدفع الملاك 300 جنية و يرسلك لقليوب وشغل عك و قرف وناس كتير اتكلمت علية
هل العيب فى العامل او التجميع لا طبعا اكثر من ماركة اتجمعت فى مصر وكانت ممتازة لانوس والفيات وغيرهم كتير
حضرتك زعقت فى توكيل بريليانس والناس بكل ادب عالجوا المشكلة طيب كدة جرب وزعق وعلى صوتك قد ماتقدر عند غبور وماحدش هايسال فى حضرتك
لو ذكر المشاكل هايزعل الناس فبلاش نتكلم عنها ولكن قل عن مشكلة واحدة ذكرت من قبل فى القسم وحضرتك شايف اى تجنى على العربية من اى عضو او تخوين
اليس من الامانة تبصير الناس وشرح مالها و ما عليها

المشاركة الأصلية كتبت بواسطة رمضان شوقى

dedi غبور مش هيعمل حاجة طالما فى ناس بتقول على كل مشكلة شئ عادى. و السؤال طالما عادى بالنسبة لك ليه كنت بتشتكى ....................

عادى اية بس
انا سؤال محيرنى وهو شخصى لحضرتك علشان ماحدش يزعل ماذا يحدث لو حد اشترى و عالجوا الصدا فى الابواب وبعد نهاية الضمان لقى صدا فى الابواب ماذا سيفعل هل سيغير الابواب على حسابة
ثانيا اية الضمان انة باقى عزل العربية جيد موش زى الابواب ولا قدر اللة الناس تلاقى صدا ظهر فى اماكن اخرى غير الابواب واماكن يصعب علاجها
لازم من وقفة بجد لغبور موش ندفن راسنا فى الرمال و كل واحد يقول ماعنديش النهاردة مشكلة يبقى كلة تمام ماهو دية السلبية التى مضيعانا لو فى اى دولة اخرى اقل شئ اجبارة على ايقاف الانتاج حتى اصلاح المشكلة والكشف مجانى و استدعاء السيارات وتغيير الاجزاء المصابة و تمديد ضمان الصاج و الدهان
اليس من حق الناس التى دفعت تحويشة عمرها ان تاخذ حقها . طالما الناس بتقول عادى و اى سيارة بها مشكلة ودة طبيعى والناس بتقارن بينها و بين البى ام والاوبل والاوكتافيا
ولو الناس زعلانة خلاص العربية ممتازة وافضل من البى ام والتوكيل زى الفل فوق الممتاز ومافيش اى مشكلة
الواحد خلاص بصراحة قفل وموش هاتكلم تانى على المشاكل التى بها علشان ماحدش يزعل او يخون