افتخر بإقتنائى Geely Emgrand EC7

**mohamed_selim** · 22-03-2014 09:32 PM

الطبيعى ان اى عربيه بتحاول تثبت درجة الحراره بتاعة الموتور بس من ماركه للتانيه مواصفة ثرموستات الكوعه و يفتح امتى و يقفل امتى هو اللى بيخلى عربيه تغير المؤشر يبان كانه مش موجود او يكون واضح
عندى فى السيينا التغير بيكون واضح و موضوع انه بيقل جامد على طريق سريع طبيعى فى السيينا بس فى حد مايقلش عنه بس فى الكارينز مثلا تقريبا ثابت و لو حصل زى السيينا يبقى فى مشكله ....
بالنسبه للايمجراند معرفش المفروض ايه بس لو كانت مختلفه قبل كده معاك و بعدين الموضوع ده حصل يبقى غالبا ثرموستات الكوعه بس لو ده عادى من ساعة ما ركبتها يبقى طبيعى ... حلك ان حد من الناس اللى معاها العربيه (متقارنش بعربيه تانيه لانه مينفعش زى ما وضحت لحضرتك) يقولك الدنيا عامله معاه ايه و يا سلام لو جنبك حد معاه العربيه و تجربها معاه لانك اكتر واحد عارف اللى بيحصل معاك ايه

**رمضان شوقى** · 22-03-2014 10:29 PM

بالفعل العربيات تختلف مع بعضعلشان كده سؤالى موجه لمالكى جيلى و خصوصا الأ خ midooo_119 هل المؤشر بينزل شرطة و يرفع تانى للشرطة الرابعة فى عربيتك و لاحظتها بالفعل

**meemo** · 23-03-2014 10:55 AM

بعد قرأتي لحواركم الشيق ده نأجل بيع الماروتي ونشيل القرشين علي جنب اصلي كنت ناوي علي الايمي ولا نرسي العطا علي الاسبرانزا انفي ولا بلاها صيني خالص ؟؟؟؟؟؟؟؟؟؟؟؟؟

**رمضان شوقى** · 23-03-2014 04:49 PM

المشاركة الأصلية كتبت بواسطة midooo_119

موضوع الحرارة ده طبيعى لانه الشرطه بتنزل ثوانى و الترموستات ترجعها تانى

ده تفسيرك و لا ده بيحصل معاك معلش انا تعبك معايا طمنى ..........

**adel_edrees** · 24-03-2014 07:39 AM

و الله يا أستاذنا انها ترموستات الكوعة و أنت علشان تتأكد أطلب منهم في الصيانة تغيير الترموستات بأخرى على حسابك و قولهم لو ماكنش العيب فيها خلاص أنا حأدفعوا لك ثمنها ممكن ثرموستات الكوعة تفقد حساسيتها بعد فترة ماتبقاش مظبوطة قوى أنا عندى بأجرى بيها على سرعات 130 150 في الدائرى و في البرد و الصبح بدرى و مع ذلك ما بتقلش حتى في اللوجان كذلك ما فيش أي حاجة من الكلام ده ما بيحصلش أنها تقل و لو حتى ثانية و ترجع تانية ياريتنا تبلغنا بالتطورات
أي عربية مش موجود فيها ترموستات الكوعة حتلاقى مؤشر الحرارة ينزل جامد لما تمشى بيها على سرعات عالية و في الهواء البارد لكن الحريق بتاع البنزين ما بيبقاش مظبوط قوى و بالتالى يتكون رواسب كربونية على جسم البستم و بالتالى يؤثر على عمر الموتور و الله أعلم

**رمضان شوقى** · 24-03-2014 11:32 AM

المشاركة الأصلية كتبت بواسطة adel_edrees

و الله يا أستاذنا انها ترموستات الكوعة و أنت علشان تتأكد أطلب منهم في الصيانة تغيير الترموستات بأخرى على حسابك و قولهم لو ماكنش العيب فيها خلاص أنا حأدفعوا لك ثمنها ممكن ثرموستات الكوعة تفقد حساسيتها بعد فترة ماتبقاش مظبوطة قوى أنا عندى بأجرى بيها على سرعات 130 150 في الدائرى و في البرد و الصبح بدرى و مع ذلك ما بتقلش حتى في اللوجان كذلك ما فيش أي حاجة من الكلام ده ما بيحصلش أنها تقل و لو حتى ثانية و ترجع تانية ياريتنا تبلغنا بالتطورات
أي عربية مش موجود فيها ترموستات الكوعة حتلاقى مؤشر الحرارة ينزل جامد لما تمشى بيها على سرعات عالية و في الهواء البارد لكن الحريق بتاع البنزين ما بيبقاش مظبوط قوى و بالتالى يتكون رواسب كربونية على جسم البستم و بالتالى يؤثر على عمر الموتور و الله أعلم

المشكلة ان الأخ midooo_119 غير ترموستات الكوع منذ فترة كبيرة يمكن قبل أن أشترى أنا عربيتى و فى رده على مشاركتى قال ده شئ عادى ان المؤشر بينزل لثوانى و يرفع تانى. ولو كلامه صح صديقى حجاج يبقى صديقنا midooo_119 غير ترموستات الكوع التالفة بترموستات تالفة أيضا. للأسف الشديد مفيش مشاركات واضحة فى قسمنا جيلى كل واحد بيقول رأيه . العجيب محدش رفع كبوت عربيته و شاف فى تنفيس حوالين غطاء القربة ثم طمنى فأين الفاعلية بين الأعضاء أنا أريد اجابو واضحة من أصدقائنا مالكى العربية على سؤالين و ذلك للذهاب الى التوكيل و أخليه يغير الازم علطول :
1- مؤشر الحرارة بينزل شرطة لثوانى و يرفع تانى و لا لأ
2- فى تنفيس أو فايظ للميه حوالين غطاء القربة و لا لأ مع العلم عدم نقصان مياه العربية.

**samakaerror** · 25-03-2014 01:04 AM

المشاركة الأصلية كتبت بواسطة رمضان شوقى

المشكلة ان الأخ midooo_119 غير ترموستات الكوع منذ فترة كبيرة يمكن قبل أن أشترى أنا عربيتى و فى رده على مشاركتى قال ده شئ عادى ان المؤشر بينزل لثوانى و يرفع تانى. ولو كلامه صح صديقى حجاج يبقى صديقنا midooo_119 غير ترموستات الكوع التالفة بترموستات تالفة أيضا. للأسف الشديد مفيش مشاركات واضحة فى قسمنا جيلى كل واحد بيقول رأيه . العجيب محدش رفع كبوت عربيته و شاف فى تنفيس حوالين غطاء القربة ثم طمنى فأين الفاعلية بين الأعضاء أنا أريد اجابو واضحة من أصدقائنا مالكى العربية على سؤالين و ذلك للذهاب الى التوكيل و أخليه يغير الازم علطول :
1- مؤشر الحرارة بينزل شرطة لثوانى و يرفع تانى و لا لأ
2- فى تنفيس أو فايظ للميه حوالين غطاء القربة و لا لأ مع العلم عدم نقصان مياه العربية.

استاذى الغير راض عن السيارة ... فى فايظ مياة بالفعل حول القربة و مؤشر الحرارة ثابت و لكن عندما كنت اقود فى اوقات البرد بسرعة 140 كم/س او اكثر كان المؤشر يهبط ثم عندما اقلل من السرعة يرجع الى 4 نقاط.

و إذ كان عند حضرتك شك فى اى شيئ .. يمكن ان تذهب لأى مركز معتمد و تسأل و تستشير .. و إذا كنت من العاملين الغير قادرين على ترك العمل لوهلة بسيطة تريح بها دماغك و تفيدنا و على عكس ما تفعل بل تأتى لنا بحل للمشكلة يمكن ان يفيدنا .. يمكن ان تتصل بهم و تلقى الرد و ايضا تشاركنا بة و تفيدنا و تنصحنا ... و شكرآ سيدّى المواطن الغير راض عن السيارة

**mostafa magdy** · 25-03-2014 01:47 AM

الأخ العزيز كاتب الموضوع ..
الأخوه الأعزاء المشاركين ..

تنتابني دائما مشاعر مبهمه .. من الهجوم علي شخص لمجرد إنه فكر يشارك بموضوع " ليس إلا للأفااده "
العربيه الراجل شايفها محترمه .. حضرتك شايفها غير ذلك .. و هذا لا يفسد للود قضيه ..
حتي الآن و أنا في قسم رينو .. بتدخل ناس تشتم في التوكيل و العربيه الفلوينس اللي هي ب 180 ألف !!
و الكورولا كذلك .. كل عربيه ليها و عليها !!
ثانيا مشكله العربيه دي بالذات هو وكيلها و الجميع أعلم مني بذلك ..
شكرا علي التقرير أخي العزيز .. و ربنا يبارك لك و تقبلوا جميعا خالص تحياتي

**رمضان شوقى** · 25-03-2014 02:08 AM

المشاركة الأصلية كتبت بواسطة samakaerror

استاذى الغير راض عن السيارة ... فى فايظ مياة بالفعل حول القربة و مؤشر الحرارة ثابت و لكن عندما كنت اقود فى اوقات البرد بسرعة 140 كم/س او اكثر كان المؤشر يهبط ثم عندما اقلل من السرعة يرجع الى 4 نقاط.

و إذ كان عند حضرتك شك فى اى شيئ .. يمكن ان تذهب لأى مركز معتمد و تسأل و تستشير .. و إذا كنت من العاملين الغير قادرين على ترك العمل لوهلة بسيطة تريح بها دماغك و تفيدنا و على عكس ما تفعل بل تأتى لنا بحل للمشكلة يمكن ان يفيدنا .. يمكن ان تتصل بهم و تلقى الرد و ايضا تشاركنا بة و تفيدنا و تنصحنا ... و شكرآ سيدّى المواطن الغير راض عن السيارة

أولا: شكرا لردك على استفسارى و بالفعل انا غير راضى عن السيارة و هل ده عيب فى و لا فى السيارة من وجهة نظرك.
ثانيا: هل حضرتك تأكدت بالفعل من وجود فايظ لقربة الميه بسيارتك حتى أطمئن ام هو بداية نقص لمياه العربية و مشكلة فى دورة التبريد.
ثالثا: مؤشر الحرارة عندى بينول على الشرطة الثالثة ثم يعود للشرطة الرابعة على السرعات البسيطة و أقل من 70 فما تفسير حضرتك
رابعا: عزيزى لقد ذهبت بالفعل لمركز الصيانة و مركز اتو ايجى بطنطا ولا يوجد اهتمام و لا اجابة واضحة لأى استفسار كل شئ عندهم طبيعى