بسم الله الرحمن الرحيم ... استلمت الحمد لله من اسبوعين 301 مانيوال من صلاح سالم بعد انتظار 4 شهور و ركنتها في الجراج لحد النهارده ما روحت ارخص في اسوأ مرور في العالم مرور السلام
صحيت الصبح شيكت عالزيت و شوفت فين الخرطوم بتاع دورة التبريد ده اللي بيتقطع بالمروحة و شوفت وضعه ايه و قولت هخلي بالي وانا بفحص عشان لو مكانه اتغير
و اتحركت بقي بالعربية ما شاء الله حاجة روعة فضلت الف بيها شوية في القاهرة الجديدة و اجرب الفرامل الممتازة و اشوف مطبات اجرب عليها العفشة اللي حاسيتها ناعمة جدا بالنسبة للشيروكي 98 (بدون ما اظبط ضغط العجل) و كمان العربية عايزة تجري
و طلعت عالدائري و جريت بيها لحد 110 مزودتش عشان التليين و كانت لحد 110 ثابتة
و وصلت مرور السلام العظيم و قابلتنا مشكلة انها 2015 بس عشان رايح لرئيس النيابة هناك الموضوع مشي و كمان كانوا عايزين يدوني رخصتها 3 شهور علي ما يعملوا استعلام امني بس برده الموضوع عدي بالواسطة و رخصت 3 سنين انكلف تقريبا 1500 جنيه
التقييم بالدرجات:
الثبات حتي 110: 10/10 بالنسبة لفئتها
- الفرامل: 9/10
التسارع: 8/10
- العفشة بالنسبة لشيروكي 98: 10/10 محستش باي حاجة
[/list]العزل:7/10
[list]التقفيل: 8/10
و بس كده دي كانت تجربتي مع البيجو 301 و تقييم مبدئي كده و شكرا
المفضلات