الف مبروك
بصراحة العربية تصميميا من برة جامدة جدا و من جوة ما شاء الله تحفة فنية
Sent from my GT-N7000 using Forum Runner
عرض للطباعة
الف مبروك
بصراحة العربية تصميميا من برة جامدة جدا و من جوة ما شاء الله تحفة فنية
Sent from my GT-N7000 using Forum Runner
لو سمحت عندك فكره الانتريور البني متاح ولا لاء؟ وهل ليه سعر مختلف؟ والفئه السبورت دي فيها الشاشه الشفافه اللي بتظهر السرعه والنافيجيشن ولا لاء؟
ما شاء الله
احييك على التفكير خارج الصندوق ..ربنا يعطيك خيرها يا رب ويكفيك شرها
ربنا يباركلك
إن شاء الله ..
الله يبارك فيك
للأسف الشديد مفيش إنتريور متاح غير اﻷسود .. الفرش المضلع زى اللى بنشوفة على النت غير متاح
والعربية حاليا سعرها 299800 الفئة السبورت .. وأيوة فيها الشاشة الشفافة اللى بتظهر عليها السرعة بس النفيجيشن مش شغال اصلا
[QUOTE=fepsceasar;3875476750]ما شاء الله
احييك على التفكير خارج الصندوق ..ربنا يعطيك خيرها يا رب ويكفيك شرها[/QUOT
الله يباركلك ... مش عايز اقولك على الكلام اللى بسمعه من الناس لما بتعرف إنى اخترت السيتروين
بس انا عن نفسي مقتنع بإختيارى ﻷنى من النوع اللى بركب علشان أستمتع مش علشان أبيع
الف مبروك يا زعيم
و تستلمها علي خير و ربنا يبارك لك فيها
الف مبروك يا باشا و فعلا اختيار موفق و ان شاء الله العربية هتعجبك و تنزل منها على الفئة الخامسة او الـ e series
ليه النفيجيشن مش شغال ؟ مفروض ان الشاشة نازل فيها نفيجيشن .. على حد علمى تبقى المشكلة فى الخرايط بس و ديه كلها موضوع سوفت وير مش معقد يعنى ولا ايه ؟
أنا أقصد بإن النافيجيشن مش شغال إن خرايط مصر مش موجوده
وموضوع السوفت وير للأسف معقد جداً
فى البداية أنا أخويا الكبير معاه VOLVO S80 وكنت بعت إيميل لعز العرب أستفتسر عن موضوع الخرايط وقالولى قصة كده بإختصار إن فى الأول السويد كانت عارفة إن الـ GPS كان ممنوع فى مصر .. ولما إتسمح بيه فى مصر تقريباً نسيو يبلغوا بيه السويد ... فالسويد لحد دلوقتى معملتش خرايط مصر ظناً منها إنها لسه ممنوعة وأم سوسن وهيه بتنشر نقطت على غسيل أم سعاد.
وبعدها بفترة من كام شهر كده لما سألت عن ال DS5 قالولى برده إن مفيش سوفت وير.
جربت أخش على موقع سيتروين وأشوف موضوع السوفت وير طبعاُ ماقتش خرايط لمصر بس لقيت إن السوفت وير مش مجانى ... وبيتباع بمبلع مش فاكره . أعتقد فى رينج 900 يورو .. وال update بتاعه كمان مش مجانى
وحتى فى الأوتوماك لما سألت عن الأوبل إنسجنيا لما كنت حاططها فى دماغى كإختيار .. سألت عن انافيجيشن برده قالولى مش شغال
واحد من المبيعات فى معرض B Auto إفتكس وقاللى إنهم نزلو السوفت خلاص فى عز العرب بس لسه مكلمتهمش بصراحة
والله دمك يتحرق لما تفتح النافيجيشة تلاقى خرايط لدول مسمعتش عنها فى طبق اليوم حتى ومتلاقيش خرايط لمصر
حاجة هبل فعلا ، متفهمش اصلا كانوا مانعينه فى مصر ليه ؟ يعنى ماشاء الله احنا الدولة الوحيدة فى العالم اللى مفتحين و فاهمين كل حاجة عشان كده عارفين ان الجى بى اس فيه خطورة على الامن ، يعنى ما كل دول العالم بتستخدمه لو فيه شك 1% انه يعمل مشاكل مكانش حد سمح بيه .. طبعا هو السوفت وير غالى و انا عارف كده بس الفكرة ان اظن التوكيل ملزم انه ينزله لأن العربية نازلة بالاوبشن ده يعنى هتعمل ايه بخرايط الدول التانية .. بس الفكرة زى ما بتقول ان مفيش خرايط لمصر اصلا عند ستروين و ديه مشكلة طبعا .. انا كده اظن ان مفيش حد شغال عنده النفيجيشن فى مصر الا بى ام و مرسيدس معرفش ايه نظامها .. عموما يا باشا ولا تزعل نفسك اشتريلك ipad بفرق تمن الخربوش و استخدمه gps و دلع نفسك و متخليش الموضوع ده يضايقك هههههه و الف مبروك مرة تانية
انا معايا ds5 من سنة عربية ما شاء الله تحفه وجايبها من عز العرب
بييجي معاها طقم دواسات اصلي + عده + فرده استبن مش جنط اعتقد 12 + مفتاحين ريموت
بس نصيحه قبل ما تجرب تجري جامد بالعربية جرب الفرامل للامان
العربيه موتورها قوي ومعدل التسارع عالى جدا ربنا يحفظك