السلام عليكم ورحمة الله وبركاتة




بعد غياب دام لمدة 4 شهور الا 4 ايــــــام .. عدت اليكم من جديد !

بقالى فترة (ممكن 5 سنين أو أكتر) مروحتش معرض اتوماك فورميلا فقولت مبدهاش بقى اروحة وبالمرة اتعقد حبتين .

المهم المعرض روحتة مرتين مش من حلاوتة وجمالة لأ بس أول مرة كنت هقابل اخوانى وأحبائى فى الله (من نايل موتورز) وللأسف مش كلة جة نظرا لظروفهم الخاصة بس سعيد جـــــدا أنى شوفت _مع حفظ الألقاب_ أحمد مصطفى (Ahmed.TV) وحسين (SonaSteel) وبعض الاخوة _اعذورنى مش متذكر اسمائهم_ وكان نفسى اشوف باقى الأخوة بس تعوض مرة اخرى بأذن الله .






بمجرد وصولك للأرض المعارض هتلاقى بانرات الدعاية والتنظيم والأمن (الى حد ما كــــويس) ,, طبعا دخول الباركينج من بوابة استاد القاهرة والتاكيت بــ 10 جنية وبعديها تفتح شنطة العربية ويبدء التفتيش الروتينى والكلاب البوليسية تشمشم بحثا عن قونبلــة أو حتة لحمة!! فى الباركينج نفسة موقفين شباب محترم وكلة بيشاورلك تكمل علطوول وتدخل يمين وفعلا مكدبتش خبر علطوووووول فى أول يمين وركنت ابص الاقى نفسى راكن فى سوق السيارات الحى العاشر! (لبعدة عن مكان البوابات الرئيسية لدخول) .





نقطع تاكيت دخول المعرض بــ 25 جنية وأول حاجة هتشوفها خيمة (فية ميكروباصات مجهولة الهوية) ..

وبعديها خيمة هيونداى وفيها نموذج لكأس العالم .. وبعديهم مينى باصات لنقل الزوار للقاعات الرئيسية .




+ أول قاعة خاصة بــ( الزيوت والمنظفات والملمعات والمعدات الهيدرولكية ) .

_ مش عاملين أى عروض عليها القيمة _

+ بعديها ممر للأسيويين ( لقطع الغيار) .

+ ممر للجرائد والمجلات ( وتحس أنة مهجور ) .

+ ممر للموتوسيكلات وعلى ماتذكر الشركات العارضة كانت ( بيجو وسوزوكى ودوكاتى ) .

_ بس مركزتش معاهم ولا سئلت لأنى ماليش فيهم _

+ قاعة موبيل مصر .





+ وبعديها القاعة الرئيسية الخاصة بصانعى السيارات :

أولهم (نادى مصر للسيارات) وأخرهم (بيجو ورينو) .



سلبيـــــات :

1 = بصراحة شايف المعرض مش قد كدة ومفيش عروض أو خصومات حقيقية .

2 = التنظيم ضعيف .

3 = مفيش اماكن للاستراحة .

4 = 3/4 الموديلز (أن كان ولاد أو بنات) قرفانين من نفسهم والصبغة كتير (خاصة البنات) _ الا من رحم ربي _ افضلهم : رينو وفورد واوبل ومينى كوبر وجاجوار ومرسيدس ,, اسوءهم : بى أم دبليو وهيونداى وجيلى .

5 = بالنسبة لباركينج زى ماوضحت فووق ركنت بعيد عن البوابة وأنا راجع لقيت الحتة بقيت كومبليت ولقيت واحد راكن جنبى ولازق فيا يمين وشمال وسايبنلى يدوبك حتة تتطلعنى بالعافية وجيت اطلع الاقى اشكال ضالة (عيال صغيرة) غير اللى كانت واقفة الصبح وسئلتة على الخروج قالى يمين وعلطوول برضة و طلعت لقيت نفسى فى متاهة ومفيش حتة اخرج منها لغاية لما لقيت واحد بجولف وطلعت وراة وخرجت بسلامة ( وأن دل فبيدل أن العيال دية دخلت تقلب عيشها والأمن مش هنـــا ) .




خريطــــــة المعرض






بعض اللقطـــــــــــات من داخل اوتوماك فورميلا ...

كلاسيكيات من زمن فـــــات :






Ford Model T Roadster 1924






Chevrolet Convertible 1948







Rolls Royce 1946





عصر مفتولى العضلات :



















الروح الإنجليزية والعقل الألماني وما أدراك : _أوعدنا يارب_

Bentley Continental GT V8
















Bentley Flying Spur











Jaguar XJ













Jaguar XF












Range Rover Evoque













(يتبع)