الموضوع: تيل الفرامل بيتاكل بسرعه

السلام عليكم
انا عندي حاجه ملاحظها ان تيل الفرامل الامامي اليمين بيتاكل بسرعه
يعني التيل خلص في اقل من شهر
وفي حاجه تانيه
فرده التيل اللي خلصت بتكون اللي بره مش اللي جوه
فهل في تفسير ؟

للأسف ماعرفش حل قطعي للمشكلة دي،بس عندي تعليق:

الطنبورة والتيل من المستهلكات، وبصراحة مش بحب شرائهم مستعمل.

وكمان أحب اضيف تجربة شخصية، وهي ان من حوالي 15 شهر كده اشتريت طنبورتين وطقم تيل جداد اصلي الماني، والاسبوع اللي فات سمعت صوت التيل عاوز يتغير،، لما فكيت القديم لاقيت فرده منهم الخارجي بتاعها هو اللي خلصان والداخلي لسه فيه اقل من نصه بشوية، -يعني زي ماحصل مع حضرتك مع اختلاف المدة- والفرده التانية لسه فيها اقل من نصه بشوية في الخارجي والداخلي. مع ملاحظة ان الجنط اللي فيه التيل اتاكل الاول بحس انه بيسخن اكتر من التاني (بس سخونية في المعقول). حتى خليت الميكانيكي شيك على الماستر بتاع الفرده دي وجده تمام.

انا ماعرفش السبب، ولما سألت الميكانيكي قاللي عادي.