انفجار مفاجئ في العربية

**dr goda** · 20-03-2014 08:44 PM

السلام عليكم ورحمة الله وبركاته

من اسبوع حطيت مية خضراء في الريداتير وغيرت القربة كان فيها خرم صغير

وبعد ما رجعت من الشغل امبارح لقيت نقط مية خضراء تحت العربية

مكنتش عارف احدد بالضبط المية من الريداتير ولا من الخرطوم اللي نازل منه

المهم زودت المية الصبح وخرجت مشوار

وفي عز الزحمة لاحظت مؤشر الحرارة بدأ يعلى عن النصف

فقلت اول ما اوصل لحتة واسعة شوية اركن واشوف فيه ايه

المهم بالفعل وصلت لحنة واسعة ووقفت عشان اركن ولسه هارجع في مكان فاضي

لقيت انفجاؤ في الكبوت ودخان ومية من كل ناحية

بطلت العربية فورا

وفتحت الكبوت بعد دقيقة لما اطمنت انه مفيش حاجة هتنفجر في وشي

ولقيت المية كلها على الارض

واحد جالي وقالي دا عشان انت حاطط مية خضرا وبتاكل الصدا فاكيد كان في باروما في الريداتير وعشان كدا انفجر

وزق معي العربية على جنب

كلمت واحد صحبي يجيلي

وقعدت افك الريداتير بدون تفكير او بحث عن العطل بسبب كلام الراجل

المهم فكيته ورحنا لبتاع ريداتير

قالي النوع الالومنيا دا مش بيتصلح اشتري جديد على طول

الثاني قال نفس الكلام وكان عنده واحد ب240

الثالث قال نفس الكلام

واتحايل عليهم يكشفوا عليه بس حتى لا يمكن ابدا

المهم رحت سوق الحسينية ودا سوققطع الغيار في المنصورة

واشتريت واحد جديد ب 170

واشتريت خرطوم نازل جديد ب 20 لاني كنت مركبها واحد بتاع 128

ورحت اركب

لقيت الخرطوم اللي نازل القديم في شرخ كبير بالطول

مبقتش عارف هو سبب المشكلة ولا الريداتير القديم فعلا باظ

المهم ركبت الجديد وخلاص لان القديم شكلة متلحم وحتى لو صلحته شكلة تعبان

السؤال الان

هل المشكلة فعلا في المية الخضرا

ولا الخرطوم

ولا الريداتير

ولا المروحة كانت واقفة فالمية غلت وفرقعت

؟؟

لو الخرطوم او الريداتير خلاص غيرنهم

لو المية معنداش نحطها ونحذر منها

لو المروحة اغير الساعة كمان بالمرة بكرة

؟؟؟؟

**sakr_skoda** · 20-03-2014 08:59 PM

وعليكم السلام ورحمة الله وبركاته

انا كان عندى مشكلة مشابه لذالك بس موصلناش للانفجار وظهرت بعد تغيير القربة علشان القديمة كانت بتنفس وكنت حدخل فى حوارا كتير تغيير طلومبة المية او جوان وش سلندر لن العربية كانت بتسخن جامد وكنت لو فتحت القربة الاقلا بركان خارج منها وغليان فظيع كان ممكن يفجر الخراطيم بس ربنا ستر المهم اكتشفنا فى الاخر ان سبب البلاوى دى كلها انسداد فى ممر المياة للخرطوم الرفيع زى ماحضرتك عارف القربة بلاستيك وبتتصب فى قالب فممكن الممر دا يبقى مسدود بكدا المروحة مش حتشتغل وحيتولد بخار وضغط عالى يمكن ان يحدث انفجار بالدورة انا بقى حقولك تكشف المشكلة دى ازاى ويارب تكون هى السبب:::::::

فك الخرطوم الرفيع من القربة وانفخ فى الفتحة لو مكتومة حتيظهر معاك سلكها بمفك رفيع بك حذر او سلك او اى شئ مناسب **

القربة هى الرئة التى تتنفس بها السيارة فلو مكتومة تكون تاثيرها كالذى يعانى من التهاب فى الشعب الهوائية وانسداد فى القصبة الهوائية***

**EngAhmedSayed** · 20-03-2014 10:02 PM

سياتك تتأكد انى طلمبة المياة شغالة كويس
و دة عن طريق مسك الخراطيم بالضغط عليها و احساس جريان المياه فى الخراطيم
تتأكد من عدم وجود هواء فى دورة التبريد لانه بيعمل فجوة و بيعمل على انسداد المياه
و الطلمبة بضخ المياة فأكيد الرداتير او الخرطيم مقدرتش تتحمل الضغط و السخونة
او سدد فى مواسير الرداتير او كوعة المياه
راجع و ان شاء الله خير

**المنسي** · 20-03-2014 11:06 PM

ولو كنت حاطط اى نوع مية تانى برده كان هيصل اللى هيحصل فمن الواضح ان كان عندك مشكلة فالخراطيم او فيه تسريب وسيادتك اهملته مما ادى لعدم تشغيل المروحة والانفجار اللى حصل فكل اللى هطلبه من حضرتك انك تراجع على كل الخراطيم ولو فى اى حاجة منفوخة او فيها تشققات غيره على طول والحمد لله على كل حال وقدر الله ماشاء فعل

**aw2100** · 20-03-2014 11:13 PM

واهم حاجة غير غطاء القربة علشان السكس بلف فيها عندك واضح انه بايظ المفروظ انه كان يطلع ضغط الهواء الزايد ومايحصلش الأنفجار بسبب الضغط الزايد وممكن تكون العريية سخنت بسبب الرادياتير القديم الملحوم ونصيحة تحط مية توتال الحمراء العربية بتاخد جركن و1/2 الجركن ب67 جنية انا باستعملها وانسى السخونية تماما بس أتاكد ان مافيش تسريب قبل ماتحطها !!

**sakr_skoda** · 22-03-2014 08:52 AM

المشاركة الأصلية كتبت بواسطة dr goda

السلام عليكم ورحمة الله

كشفت اليوم على كل الحاجات اللي قولتم عليها

والنتيجة

القربة شغالة تمام ومفيش اي انسدادات

غطا القربة البلف بتاعه تمام وبيطلع هوا لما الضغط يزيد

الخراطيم كلها تمام

الساعة بتاعة المروحة بتشتغل لما الامبير يصل للنصف تماما

المشكلة اللي اكتشفتها

السلك اللي رايح لساعة المروحة

الكهرباء فيه بتعلق ساعة موجودة وساعة تقطع

قعدت اشوف اصله جاي منين

وصلت لحاجة كدا تقريبا كتاوت ولقيت السلك بيعلق

فركبت وصلة سلك جديدة وثبته كويس ومعلقش بعدها والحمد لله

وطبعا الخرطوم اللي كان نازل من الريداتير كان تعبان زي ما قلت في البداية

فالمتوقع ان اللي حصل ان السلك دا علق والمروحة فصلت في الزحمة

والحرارة علت والضغط زاد فالخرطوم دا انفجر

والحمد لله على كل حال

الحمد لله قدر الله ومشاء فعل**

**المنسي** · 22-03-2014 09:56 AM

المشاركة الأصلية كتبت بواسطة dr goda

السلام عليكم ورحمة الله

كشفت اليوم على كل الحاجات اللي قولتم عليها

والنتيجة

القربة شغالة تمام ومفيش اي انسدادات

غطا القربة البلف بتاعه تمام وبيطلع هوا لما الضغط يزيد

الخراطيم كلها تمام

الساعة بتاعة المروحة بتشتغل لما الامبير يصل للنصف تماما

المشكلة اللي اكتشفتها

السلك اللي رايح لساعة المروحة

الكهرباء فيه بتعلق ساعة موجودة وساعة تقطع

قعدت اشوف اصله جاي منين

وصلت لحاجة كدا تقريبا كتاوت ولقيت السلك بيعلق

فركبت وصلة سلك جديدة وثبته كويس ومعلقش بعدها والحمد لله

وطبعا الخرطوم اللي كان نازل من الريداتير كان تعبان زي ما قلت في البداية

فالمتوقع ان اللي حصل ان السلك دا علق والمروحة فصلت في الزحمة

والحرارة علت والضغط زاد فالخرطوم دا انفجر

والحمد لله على كل حال

الحمد لله على حل المشكلة

**أحمد جودة** · 22-03-2014 01:21 PM

المشاركة الأصلية كتبت بواسطة dr goda

السلام عليكم ورحمة الله

كشفت اليوم على كل الحاجات اللي قولتم عليها

والنتيجة

القربة شغالة تمام ومفيش اي انسدادات

غطا القربة البلف بتاعه تمام وبيطلع هوا لما الضغط يزيد

الخراطيم كلها تمام

الساعة بتاعة المروحة بتشتغل لما الامبير يصل للنصف تماما

المشكلة اللي اكتشفتها

السلك اللي رايح لساعة المروحة

الكهرباء فيه بتعلق ساعة موجودة وساعة تقطع

قعدت اشوف اصله جاي منين

وصلت لحاجة كدا تقريبا كتاوت ولقيت السلك بيعلق

فركبت وصلة سلك جديدة وثبته كويس ومعلقش بعدها والحمد لله

وطبعا الخرطوم اللي كان نازل من الريداتير كان تعبان زي ما قلت في البداية

فالمتوقع ان اللي حصل ان السلك دا علق والمروحة فصلت في الزحمة

والحرارة علت والضغط زاد فالخرطوم دا انفجر

والحمد لله على كل حال

قدر الله وماشاء فعل ... والحمد لله جت سليمة ومبروك لحل المشكلة

وبناشد اخوانا في المنتدي من خبراء الالكترونيات لية مانعملش دايرة انذار تعتمد فكرة عملها على ترموستات او عداد الحرارة ولما درجة الحرارة تزيد عن اللازم الدايرة تعطي ألارم (( صوت تحذير ))) أنا جاتلي الفكرة دي من عربية لما السرعة تزيد عن 120 بتعطي صوت تحذيري

حبيت اشارك