برجاء الافادة (رينو فولونس 2014 الفئة الثانية اوتوماتيك) ام كورولا 2013 خليجي اول فئة

**ahmed mahgoub** · 19-03-2014 05:05 PM

انا حجزت كورولا 2013 ابيض اول فئة خليجي (فاضية) لا يوجد بها حتى مفتاح ريموت
وممكن اغيرها بي رينو 2014 فلونس تاني فئة

ياريت ياجماعة حد يرد عليا ضروري لاني محتار جدا مابين اعتمادية الكورولا وفخامة الفلونس

دي نمرتي
01200101080

شكرا

**Hany Saad** · 19-03-2014 07:26 PM

أحمد باشا...طبعاً ربنا يوفقك فى أختيارك و تختار ما يناسبك
رأى الشخصى و بمنتهى الحيادية.....
لو هتقارن فلوانس مع كورولا2014 يبقى المقارنة صعبة جداً و أنصحك تقرا الفروقات ما بينهم فى قسم المقارنات و تشوف الاتنين و تقعد فيهم و تجربهم لو ينفع و تصلى أستخارة و تتوكل على الله الأتنين متقاربين جداً و الكورولا 2014 عربية كل أصحابها بيشكروا فيها
أما لو بتقارن فلوانس مع كورولا 2013 فأسمحلى فيه فرق كبير لصالح الفلوانس مش بس ككماليات و لكن كأساس عربية من حيث الوسع و الثبات و طبعاً فرق مهول فى الشياكة و الكماليات لصالح الفلوانس

طبعاً لو العربية بالنسبة لك أستثمار و سعر إعادة البيع هو هدفك الأساسى يبقى الكورولا تكسب طبعاً فى هذه النقطة أما غير كده الفلوانس تتفوق على كورولا 2013 فى كل النقاط تقريباً

بالتوفيق

**miceg** · 19-03-2014 07:34 PM

أخي الكريم
أوضح لحضرتك اختلاف مفهوم الاعتمادية في سيارة رينو فلوانس
حيث تم التعاون مع شركة نيسان في شراكه من قبل رينو
وانتاج هذه السيارة بموتور وفتيس من نيسان وتكييف ياباني
يعني موضوع الاعتمادية أصبح لا يذكر
قوة الصاج وفخامة التقفيل تصب في مصلحة الفلوانس
السيارتين يتم تقفيلهم في تركيااااااااااااا
الفلوانس لأسباب كثيرة
the best value for money
معايير السوق المصرية ترّشح الكورولا وبقوة
لكن الحكمة والمتعه والراحة النفسية تصب في صالح الفلوانس
الحدوتة الجديدة وهي لسان حال الاعضاء هي خاصية ال VSC او ESP والتي تتمتع بها سيارة كورولا
وهو ان سيادتك وانت على أرض الوطن وبتتمادي في السرعه في الطرق السريعه جداااااااا
وتلاقي أرض جليدية والمطر مغرقة الدنيا أو يحصلك موقف فجائي قوم لما تاخد غورزة قوية تلاقي العربية بتحافظ على وزنها ومتتقلبش وبصراحة محدش مبيتعرضش لمواقف وخاصة في السرعات الجنونية اللي تتيحها أنضف طرق العالم والموجودة في مصر
انا لا أعيب في هذه الخاصية وهي مفيده بكل المقاييس وكنت أتمنى وجودها فالفلوانس
لكن التحدث عنها وصل لمرحلة ألافورة والخيال
الله يرحم لما كانت الفرامل ABS هي أقصى طموحاتنا .
الخاصية الثانية وهي البارك اسيست وهي موجودة في الفئة الثانية