انتفاخ خرطوم الخارج من الموتور الي اليردياتير عند سخونه السياره

هو مبدائيا حصل حاجه غريبه بعد وضع الخل بدقيقه صوت الماكينه بقي هادي جدا - روحت عملت دوره الميه وحطيت ميه خضرا الراجل قالي المكنه بتسخن لان في خرطوم تحس بيتنفخ لما تسخن - طلعت علي الميكانيكي قالي اخبار السخونه ايه قلتله تمام مفيش بس لاحظ ان السرعه التانيه مش بتشتغل فشال كابل المراوح اشتغلت باقصي سرعه قالي متخفش لان السرعه التانيه مش هتشتغل الا في حاله سخونه غير طبيعيه وسالني المكنه صوتها هدي عن الاول قلتله مصدقش موضوع الخل بس عاوزك تجاوبني عن موضوع انتفاخ خرطوم الي خارج من الموتور الي اليردياتير عند سخونه السياره مع العلم السرعه الاولي فقط الي بتشتغل وبتفصل بدون مشكله

تم تعديل عنوان الموضوع ليناسب محتواة .

طبيعى موضوع انى الخرطوم اللى فوق يتنفخ علشان ده الخرطوم اللى بيدخل المياه الساخنه اللى الريداتير علشان تبرد , ومع درجة غليان المياه وانى الخرطوم عباره عن كاوتش بيتنفخ , فلا تقلق ,
ودورة المياه عند حضرتك دلوقتى بقت مافيهاش مشاكل , ولا فيها مشكله ,

انشاء الله هايكون كل حاجه تمام

اولا شكرا للرد -انا معنديش مشاكل بس قلقت لما قالي الخرطوم منفوخ وممكن ينفجر بس السخونه مفيش عند النصف وبتقف

هى الكاوتشه اللى عند حضرتك سليمه. كانت متغيره قريب ولا هى الاصلى .
ممكن شويه كده وتغيرها ديه ب 30 جم احسن حاجه فى السوق
اطلب كاوتشة المياه العلويه هاتلاقيها شكل حرف s

ممكن تعرفنا الخطوات اللي عملتها لتنظيف الرداتير بالخل

اقتباس:

---

المشاركة الأصلية كتبت بواسطة elmeniawy

ممكن تعرفنا الخطوات اللي عملتها لتنظيف الرداتير بالخل

---

انا نقصت الردياتير حبه ميه صغيره بالضغط علي خرطوم الرداتياتير وبعدين حطيت فنجان خل ودورت العربيه وبعدها رحت لبتاع الردياتيرات عملت دوره نظافه يعني بيغسل تاني ببرل وبعدين بيحط ميه خضرا وبس كده

اقتباس:

---

المشاركة الأصلية كتبت بواسطة moe gawad

هى الكاوتشه اللى عند حضرتك سليمه. كانت متغيره قريب ولا هى الاصلى .
ممكن شويه كده وتغيرها ديه ب 30 جم احسن حاجه فى السوق
اطلب كاوتشة المياه العلويه هاتلاقيها شكل حرف s

---

طيب يعني اغيرها احسن ولو هغير كل الكاوتشات تتكلف كام

ال 3 كاوتشات ثمنهم كلهم مع بعض انظف نوع 80 جم تقريبا. وفيه انواع الثلاثه ب65 جم. ومصنعيات لن تتعدى 20 جم. عير انك هاتحتاج تغير الميه .
اما لو غيرت الى فوق فقط ثمنها 30 جم مثلا . وهاتزود المياه بس

اقتباس:

---

المشاركة الأصلية كتبت بواسطة moe gawad

ال 3 كاوتشات ثمنهم كلهم مع بعض انظف نوع 80 جم تقريبا. وفيه انواع الثلاثه ب65 جم. ومصنعيات لن تتعدى 20 جم. عير انك هاتحتاج تغير الميه .
اما لو غيرت الى فوق فقط ثمنها 30 جم مثلا . وهاتزود المياه بس

---

انا النهارده بصيت علي الكاوتشه وهي بارده عادي بدوس عليها طريه وهي ساخنه بتبقي ناشفه ومنفوخه شويه يعني لو دست عليها بايدي جامده هل ده طبيعي

السيد المحترم
ضروري جدا الكاوتشه المنفوخه دي لازززززززززززززززززم تتغير

اقتباس:

---

المشاركة الأصلية كتبت بواسطة enghany

السيد المحترم
ضروري جدا الكاوتشه المنفوخه دي لازززززززززززززززززم تتغير

---

بس هي مش منفوخه في كل الاوقات في حاله السخونه بس مع عدم استطاعهالضغط عليها وهي سخنه تحس انها ناشفه جدا (هل كده برده بايظه)

اقتباس:

---

المشاركة الأصلية كتبت بواسطة alpoka779

بس هي مش منفوخه في كل الاوقات في حاله السخونه بس مع عدم استطاعهالضغط عليها وهي سخنه تحس انها ناشفه جدا (هل كده برده بايظه)

---

يا سيدي غيرها هتضرب هي ب 25 جم

هقولك على حاجه تعلمها تعرفك إذا كانت الكوعه الكاوتش اللي طالعه من المكنة بايظه ولا وش السلندر فيه حاجه ...إفتح غطا الريداتير والعربية بارده خااااااااااااااالص ..يعني تكون بايته من إمبارح ...وخلي غطا الريداتير متشال ودور العربية ..لو المياه نطت من الريداتير وإنت بتدور ...يبقى سبب نشفان الكوعه الكاوتش دي ..هوا سخن طالع من وش السلندر ..لو لقيت الدنيا عادي معاك مفيش حاجه يعني ...يبقى ممكن يكون الريداتير لسه مكتوم ..وده اللي بيخلي الخرطوم يحجر معاك لما تسخن ...جرب كده وشوف النتيجه

اقتباس:

---

المشاركة الأصلية كتبت بواسطة m_m_sh_a

هقولك على حاجه تعلمها تعرفك إذا كانت الكوعه الكاوتش اللي طالعه من المكنة بايظه ولا وش السلندر فيه حاجه ...إفتح غطا الريداتير والعربية بارده خااااااااااااااالص ..يعني تكون بايته من إمبارح ...وخلي غطا الريداتير متشال ودور العربية ..لو المياه نطت من الريداتير وإنت بتدور ...يبقى سبب نشفان الكوعه الكاوتش دي ..هوا سخن طالع من وش السلندر ..لو لقيت الدنيا عادي معاك مفيش حاجه يعني ...يبقى ممكن يكون الريداتير لسه مكتوم ..وده اللي بيخلي الخرطوم يحجر معاك لما تسخن ...جرب كده وشوف النتيجه

---

طيب اجرب وارد عليك

انا دورت فعلا نقطتين ميه كده نطو لفوق -- بس طلعت علي الميكانيكي قالي عادي ده تقليب الترمبه

اقتباس:

---

المشاركة الأصلية كتبت بواسطة alpoka779

انا دورت فعلا نقطتين ميه كده نطو لفوق -- بس طلعت علي الميكانيكي قالي عادي ده تقليب الترمبه

---

يا باشا لو حضرتك ملتبس عليك الأمر ومش عارف ده تقليب طرمبه ولا وش السلندر بينفخ جرب تاني ..حضرتك كان ممكن تجرب تاني في ساعتها يعني تبطل العربية وتدور تاني وشوف في مياه بتنطر ولا لأ ..جرب تاني ..وأي نطه للمياه من الريداتير مع بداية الدواره يبقى ده نفخ من الوش ...وبعدين حضرتك أنا بتكلم عن نطر مياه من الريداتير مش نقطه ولا نقطتين أنا بقول مياه بتنظ من الريداتير يعني زي ما تقول كده الريداتير بيعمل قذفة مياه كده مع بداية الدوارة ..جرب تاني وقولي مش هتخسر حاجه ..لإن أنا حاسس من كلامك كده إن الريداتير في كتمة ..بس إتأكد بس من الموضوع ده وقولي

انا جربت كزا مره عند الميكانيكي ادور وابطل مبتظهرش الا اول مره بس يعني لو دورت 5 مرات تنطر نقط لفوق اول مره والباقي لا -- برده مستني الرد

كده مفيش غير الإحتمال التاني ..وهو إن الريداتير عند حضرتك لسه مكتوم ومسلكش ...روح لحد بتاع ريداتير محترم يبص على الريداتير ويقولك فيه كلمه ..إما إنه ينفع فيه تسليك ..أو يتغير

بس احنا بنقول كل ده مع انو مفيش اي سخونه زايده ولا حاجه الا ملاحظه الخرطوم ده --برده مستني رائيك

بص ..رأيي..بصرف النظر عن إن مفيش سخونه ..لإن لو وش السلندر بينفخ هو السخونه هتيجي هتيجي ..لكن بما إننا الحمدلله إستبعدنا موضوع وش السلندر من القصه ..يبقى اللي فاضل إن الريداتير عندك لسه مكتوم

يبقي نسلكه احوط وبعدين نشوف الكاوتشه لو نفخت نغيرها ولو منفختش يبقي تاكدنا ان المشكله كانت من الردياتير--(صح كده)

اقتباس:

---

المشاركة الأصلية كتبت بواسطة alpoka779

يبقي نسلكه احوط وبعدين نشوف الكاوتشه لو نفخت نغيرها ولو منفختش يبقي تاكدنا ان المشكله كانت من الردياتير--(صح كده)

---

++++++++++++++++++1111

انا افتكرت حاجه ان لما كنت بغسل الردياتير كان خرطوم الماء في الردياتير وماسوره طويله بتخرج من الموتور وكانت الميه بتخرج بسرعه ولما ازود بنزين بتزيد سرعه خروج الماء - بيتهيئلي كده الردياتير كويس - انا هغير الكاوتشه الاول مع العلم الميكانيكي قالي متقلقش وهشوف هل الكاوتشه الجديده هتنفخ برده ولا لا وربنا يسهل