انتفاخ خرطوم الخارج من الموتور الي اليردياتير عند سخونه السياره

**alpoka779** · 19-03-2014 05:10 PM

هو مبدائيا حصل حاجه غريبه بعد وضع الخل بدقيقه صوت الماكينه بقي هادي جدا - روحت عملت دوره الميه وحطيت ميه خضرا الراجل قالي المكنه بتسخن لان في خرطوم تحس بيتنفخ لما تسخن - طلعت علي الميكانيكي قالي اخبار السخونه ايه قلتله تمام مفيش بس لاحظ ان السرعه التانيه مش بتشتغل فشال كابل المراوح اشتغلت باقصي سرعه قالي متخفش لان السرعه التانيه مش هتشتغل الا في حاله سخونه غير طبيعيه وسالني المكنه صوتها هدي عن الاول قلتله مصدقش موضوع الخل بس عاوزك تجاوبني عن موضوع انتفاخ خرطوم الي خارج من الموتور الي اليردياتير عند سخونه السياره مع العلم السرعه الاولي فقط الي بتشتغل وبتفصل بدون مشكله

تم تعديل عنوان الموضوع ليناسب محتواة .

**moe gawad** · 19-03-2014 08:11 PM

طبيعى موضوع انى الخرطوم اللى فوق يتنفخ علشان ده الخرطوم اللى بيدخل المياه الساخنه اللى الريداتير علشان تبرد , ومع درجة غليان المياه وانى الخرطوم عباره عن كاوتش بيتنفخ , فلا تقلق ,
ودورة المياه عند حضرتك دلوقتى بقت مافيهاش مشاكل , ولا فيها مشكله ,

انشاء الله هايكون كل حاجه تمام

**alpoka779** · 19-03-2014 08:40 PM

اولا شكرا للرد -انا معنديش مشاكل بس قلقت لما قالي الخرطوم منفوخ وممكن ينفجر بس السخونه مفيش عند النصف وبتقف

**moe gawad** · 19-03-2014 11:32 PM

هى الكاوتشه اللى عند حضرتك سليمه. كانت متغيره قريب ولا هى الاصلى .
ممكن شويه كده وتغيرها ديه ب 30 جم احسن حاجه فى السوق
اطلب كاوتشة المياه العلويه هاتلاقيها شكل حرف s

**elmeniawy** · 20-03-2014 07:54 AM

ممكن تعرفنا الخطوات اللي عملتها لتنظيف الرداتير بالخل

**alpoka779** · 20-03-2014 04:17 PM

المشاركة الأصلية كتبت بواسطة elmeniawy

ممكن تعرفنا الخطوات اللي عملتها لتنظيف الرداتير بالخل

انا نقصت الردياتير حبه ميه صغيره بالضغط علي خرطوم الرداتياتير وبعدين حطيت فنجان خل ودورت العربيه وبعدها رحت لبتاع الردياتيرات عملت دوره نظافه يعني بيغسل تاني ببرل وبعدين بيحط ميه خضرا وبس كده

**alpoka779** · 20-03-2014 04:19 PM

المشاركة الأصلية كتبت بواسطة moe gawad

هى الكاوتشه اللى عند حضرتك سليمه. كانت متغيره قريب ولا هى الاصلى .
ممكن شويه كده وتغيرها ديه ب 30 جم احسن حاجه فى السوق
اطلب كاوتشة المياه العلويه هاتلاقيها شكل حرف s

طيب يعني اغيرها احسن ولو هغير كل الكاوتشات تتكلف كام

**moe gawad** · 20-03-2014 11:24 PM

ال 3 كاوتشات ثمنهم كلهم مع بعض انظف نوع 80 جم تقريبا. وفيه انواع الثلاثه ب65 جم. ومصنعيات لن تتعدى 20 جم. عير انك هاتحتاج تغير الميه .
اما لو غيرت الى فوق فقط ثمنها 30 جم مثلا . وهاتزود المياه بس

**alpoka779** · 21-03-2014 04:50 PM

المشاركة الأصلية كتبت بواسطة moe gawad

ال 3 كاوتشات ثمنهم كلهم مع بعض انظف نوع 80 جم تقريبا. وفيه انواع الثلاثه ب65 جم. ومصنعيات لن تتعدى 20 جم. عير انك هاتحتاج تغير الميه .
اما لو غيرت الى فوق فقط ثمنها 30 جم مثلا . وهاتزود المياه بس

انا النهارده بصيت علي الكاوتشه وهي بارده عادي بدوس عليها طريه وهي ساخنه بتبقي ناشفه ومنفوخه شويه يعني لو دست عليها بايدي جامده هل ده طبيعي

**enghany** · 21-03-2014 07:43 PM

السيد المحترم
ضروري جدا الكاوتشه المنفوخه دي لازززززززززززززززززم تتغير

الموضوع: انتفاخ خرطوم الخارج من الموتور الي اليردياتير عند سخونه السياره

LinkBack

أدوات الموضوع

عرض

انتفاخ خرطوم الخارج من الموتور الي اليردياتير عند سخونه السياره - انشر الموضوع فى :

-

-

-

-

المواضيع المتشابهه

سخونه الموتور !!

سبب سخونه السياره

هل تنصحون بغسيل محرك السياره من الخارج ؟

سخونه السياره وصوتها

سخونه الموتور بالنسبة للفيرنا

الكلمات الدلالية لهذا الموضوع

المفضلات

المفضلات

ضوابط المشاركة