الموضوع: حجزت فرش جلد عند ملوك الفرش (( جينز كار ))

المشاركة الأصلية كتبت بواسطة miceg

السلام عليكم ورحمه الله
اخواتي الاعزاء
بعد تفكير في موضوع الفرش في رينو فلوانس الفئة e3s
وخاصه ان الفرش نصفه جلد ونصفه قماش
والموكيت الرائع اللي بينزل في العربية
صعب عليا افك الكراسي واركب فرش أرضيات وشنطة
قولت لإما أفك الكل واعمل فرش بالكامل لإما مش هفكه
انا عندي طفله واحده ولا يوجد خوف على الكراسي
لكن بفضل الفرش الجلد بالكامل لإنه بيدي برستيج أكثر للعربية وبيخليك تحط فبطنك بطيخه صيفي
ومش خايف على الفرش نهائي وخاصه لو معاك ضمان 4 سنين على الفرش ألألماني من الحاج أحمد مشعل

الخامة المحجوزة هي أعلى خامه
الخياطة دوبل بلون أبيض لكي توائم خياطة الطارة والكونسول وفرامل اليد
فضلّت عملت نفس النقشه بتاعه الفابريكة بنفس الشغل
خاصه اني كنت عاوز أجيب الفئة اللي سعرها 188.000 بس كانت غير متوفرة باللون الموكا
كان بصراحة فرق يتساهل إيرباجز خلفيية وزينون أصلي
فقولت هبدأهم بالتدريج الفرش أولا ثانيا الزينون وانا عارف انه مش هيبقا زي ألاصلي وممكن معملهوش نظرا لجمال إضاءة اللون ألاصفر أيضا
والايرباجز هي أهم أوبشن
سؤالي لهاني بك
هو فرش الفئة بتاعه حضرتك نفس النقشه بتاعت الفئة بتاعتي ولا مختلف واللون إيه
لإني عاوز اعمله فابريكة ياريت تساعدني ولو بصور

خالد باشا...الف مبروك مقدماً على الفرش يا كبير و طبعاً متنساناش فى الصور
لون الفرش عندى رمادى غامق جداً و ماشى تماماً مع الأسود...أنا مش متأكد من النقشة بتاعة حضرتك يا ريت صورة علشان أقدر أساعدك و أنا أن شاء الله بكره هرفع لحضرتك صورة الفرش الجلد عندى....
مبروك مرة أخرى و ربنا يباركلك فيها و يكفيك شرها

مبروك مقدما وهاتستلم ان شاء الله احلى شغل

مبروك مقدماً و إن شاء الله الشغل هيعجبك

بس نصيحة.......أتفق معاهم على اللى أنت عاوزه بالظبط

أنا لما جيت أستلم الفرش بتاعي كان عاملي جيب فى ضهر كل كرسي و أنا بصراحة مش بحب شكله بس كان الفاس وقع فى الراس خلاص و مينفعش يتشال.

هما كتر خيرهم طبعاً بس المشكلة عندى أنا فى النقطة دي مش عندهم.........أنا اللى مش بحب شكل الجيب ده :)


بس إن شاء الله شغلهم هيعجبك