وعليكم السلام
شوف يا باشا في الحالة دي انت حضرتك هتجيب كاسيت بايونير انا مش متذكر رقم موديله بالظبط بس هو سعره في حدود ال 600 / 650 من عند ارخصهم في التوفيقية
وهتجيب سماعتين بيضاوي كينود 450 وات ب 350 جنيه
السماعات المدور في منها الغالي وفيه الرخيص وكلو هيفي بالغرض
فيه السوني ال 350 وات ب 350 جنيه تقريبا وفيه حجات بايونير وسوني برضوا ارخص من كدة وبتبقى في حدود ال 150 / 200 جنيه وانا ارشحلك تجيب سماعات مدورة سعرها حنين في حدود ال 150 جنيه ودي هتلاقيها السوني ال 200 وات المدورة
طالما حضرتك بتشغل قران وحجات من غير ماتعلي الصوت
هتبقى محتاج بس السماعتين القدام في الابواب عشان توزيع الصوت مش اكتر
الكاسيت اللى عند حضرتك نوعه ايه ؟؟
تاني حاجة السماعات البايونير ال 400 البيضاوي البيز بتاعها ضعيف حبتين
فانت ممكن تغيرها بكينود 450 وات والبيز هيتحسن معاك شوية
اما في حالة لو عايز بيز اشد من كدة هتحتاج تركب جي ام للسماعات اي جي ام صغير هيديلك اداء احسن من الكاسيت
ولو عايز بيز اشد هتجيب صب او بازوكا
هو مش بيفرق في الصوت خالص
هو مجرد حجم للكاسيت مش اكتر وموديلات طبعا
الكاسيت الواحد دين يعني Single Din ده شكله
http://img.rakuten.com/PIC/52313736/...0/52313736.jpg
اما الدبل دين فهو بيبقى كاسيت حجمه 10 سم
http://www.autotoys.com/pics/AVHP4100DVD.jpg
ده ليه موديلاته وده ليه موديلاته
السنجل دين يركب في عربية اما الدبل دين فلازم التبلوه عندك يبقى فيه مساحة كافية انك تركب فيه كاسيت 10 سم
ربنا يخليك والله من ذوقك
شوف هو حضرتك لازم تتاكد الاول ان الكاسيت اللى عندك فيه مخارج RCA output
وطالما مش عايزين نغير الكاسيت يبقى هنخلي السماعات تاخد الخرج بتاعها من الجي ام
يبقى هنجيب جي ام 4 شانيل ونركب عليه الاربع سماعات اللى عندك
يستحسن انك تغير السماعات لان السماعات الاصلية مش هتستحمل جي ام وتجيب سماعات يكون خرجها الفعلي RMS عالي عشان تقدر تستفيد بفرق القوة مع تركيب الجي ام
بس للاسف ده مش موجود في السماعات المدورة لان معظم السماعات المدورة خرجها بيبقى في حدود ال 60 Rms
فانت محتاج على الاقل سماعتين بيضاوي على الرف الخلفي ودول هتبقى مضطر انك تخرملهم
شوف لو انت مش عايز تخرم في الصاج فانت ممكن تجيب اربع سماعات سوني مدور 350 وات وتركبهم في الابواب السماعات دي كويسة جدا جدا والبيز بتاعها حلو اوي مقارنة باي سماعة تانية مدورة
وتجبلهم جي ام 4 شانيل كينود 500 وات او لو عايز بيز اشد يبقى هتجيب جي ام سيمفوني
الكينود انقى بس السيمفوني بيزه اشد فشوف انت هتبقى عايز ايه مقابل ايه