الموضوع: ارجو المساعده لانسر 2007

السلام عليكم اعضاء المنتدي الكرام
ضيف من منتدي السيات
ارجو المساعده في مشكله حصلت معي
العربية لانسر 2007 - 1600 مانيوال
بدايه المشكله ان زراير الزجاج الكهرباء فصلت تمام , رحت لواحد بتاع ابواب فك الزراير اللي في الباب اليمين وعمل شغل في اللوحه والدنيا اشتغلت وكله تمام.
بعد يومين كنت في مشوار وبركن بطلت العربيه وشلت المفتاح ولكن اتصدمت لما لاقيت العربية لسه شغاله والمفتاح متشال, المهم يمين شمال دوست علي زراير الزجاج راحت العربيه مبطله,
عرفت ان المشكله من الزجاج رحت شايل الفيوز بتاع الزجاج , العربيه اشتغلت عادي قولت ابقي اروح للراجل واشوف ايه الموضوع ده.
خدت العربيه واتحركت مفيش حوالي تلت ساعه وشميت ريحه شيات منن الكبوت وقفت بسرعه وفتحت لقيت دخان من عند علبه الفيوزات رحت شايل كابل من البطاريه .
سحبت العربيه علي كهربائي شاف العربيه وقال الضفيرة فيها حاجات ساحت وهيغير فيها ,المهم قعد اشتغل وغير كله تمام دور العربيه دارت قولت الحمد لله , راح موصل فيوز الزجاج عشان يجرب ,العربيه مش عايزة تدور شيل الفيوز بردو مش عايزة تتدور , المهم النور قطع وقال لي نكمل بكره.
اتصلت بيه لقيته بيقول ان الكنترول هو المشكله ولازم يتغيير!!!!
دلوقت بقي الكنترول ده ممكن يتصلح ولا لازم يتغيير.
الكنترول ثمنه يعمل كام.
ارجو الافاده عشان خلاص دماغي ورمت من التفكير ومش عارف الصح فيين وفعلا المشكله دي من الكنترول ولا من حاجه تانيه .
وشكرا ليكم مقدماً