-
-
-
-
-
شارك او فلوانس الاتنين مش هتندم
-
ارشح الفلوانس علشان مميزاتها كتير و مناسبه لسعرها الي حد كبير يعني هتدفع فلوس و تأخد بيهم حاجات كتير مش ثمن الماركه و خلاص و كمان قليله الاعطال وده يخليها اعتماديه و سعر اعاده البيع بتاعها في تحسن. بالنسبه للكورولا هي طبعا اعتماديه و بيعها سهل لان دائما هتلاقي المشتري اللي بيدور عليها انما الكماليات اللي فيها قليله مثلا و بالتالي اللي بيدور عليها بيكون مركز علي الاساسيات اكتر من الكماليات وده الشكل القديم اما الشكل الحالي فحدث فيه تعديلات كتير في الشكل و ان كان مشكلته اللي ظاهره حتي الان هي قرب العربيه من الارض بالذات من عند علبه الشكمان و ده بيخليها عرضه للحك في المطبات مع تحميل العربيه و كمان لسه نازله جديد فتعتبر تحت الاختبار و ان كانت تويوتا نادرا ما بتعمل حاجه وحشه. اخر اختيار اللي هو الشارك لا أرشحه لان قطع غياره غاليه مقارنه بالبومه اللي معاك و كمان سعر اعاده البيع بتاعها مش كويس نتيجه عدم اقبال الناس عليها اول لما نزلت لما كانت ١٥٠٠ سي سي و ان كانت بعد كده بقت ١٦٠٠ و ضبطوا فيها حاجات كتير انما الناس بتقلق منها الي الان برضه و كمان البومه بتنافسها جامد حتي الان .
حاجه اخيره بس احب أقولها بخصوص بلد الصنع كعامل أساسي للاختيار : الموضوع ده خلاص بقي موضه قديمه يعني التكنولوجيا لما تعد حكرا علي احد و علشان السعر يبقي معقول أصبحت معظم الشركات بتلجأ للتصنيع في دول الأيدي العامله فيها رخيصه زي الهند و الصين و البرازيل و رومانيا و بولندا و اعتقد ان الكورولا الجديده و الفلوانس الاتنين تقفيل تركي رغم ان اصل الماركات ياباني و فرنساوى فهتلاقي المكونات الاساسيه جايه من بلادها مع شويه حاجات من بلد التجميع و حتي العربيات الياباني او الألماني مش اكيد هتلاقي كل مكوناتها ألماني لازم هتلاقي قطع غيار او اجزاء من قطع الغيار حتي جايه من دول اصغر و ده لا يقلل من جودتها لان هناك سلسله كبيره من اختبارات الجوده بتتعمل علي المكونات قبل ما يتم اختيارها و حتي لو ظهر عيب فيها و ده وارد بيتم استدعاء سياراتهم و إصلاح العيب مجانا و بالتالي الواحد يشتريها و هو مطمئن لانهم مش هيغامروا باسمهم و تاريخهم علشان مكسب سريع ممكن يدمر مبيعات الشركه ككل
-
بالنسبة ليا انا overall
1- كورولا 2014
2- لانسر شارك 2014
3- رينو فلوانس 2014
4- كورولا 2013
Content Relevant URLs by
vBSEO 3.6.0 PL2