عرض للطباعة
غيرت امبارح زيت shell altra الفضى اللى ب 300 جنية فهل فعلا بيتغير كل 15000 كم ...... اللى قالى الكلام دة اللى غيرلى الزيت فى البنزينة هو شكلة فاهم وبياخد تمرين كل شهر فى فرع شل اللى فى المعادى .....بصراحة انا كنت ا ول مرة اعرف ان الزيت دة بيتغير كل 15000 ...... انا كنت بحط شل الاصفر ال 5000 واول ماالعربية عملت 100000 غيرت الزيت ال altra الفضى فهل فعلا الكلام دة مظبوط انه بيتغير كل 15000 ولا كل 10000...... واسف للاطالة....... شكرا
تعالى نتفق على كام حاجة في الأول :
-1- زيت المحرك shell helix ultra هو زيت إصطناعي بالكامل (لا أحب لفظ تخليقي)
-2- زيت المحرك shell helix ultra هو زيت متعدد الدرجات فيما يخص اللزوجة و هي sae 5w-40
-3- زيت المحرك shell helix ultra له مستوى خدمة لمحركات البنزين api sn و هي الأعلى حتى الآن .
-4- مصنع السيارة ينص على معاد تغيير زيت المحرك صراحة في دليل التشغيل (الكتالوج) أو في دليل الخدمة (كتيب الصيانة الدورية) .
-5- الإاتزام بما جاء بدليل تشغيل السيارة هو الأصوب .
-6- معاد تغيير زيت المحرك بيكون بالمسافة أو المدة أيهما يحدث أولا .
-7- فيما يخص المدة فهناك مبدأ يعمل بيه أغلب المصنعين و هو أن زيت المحرك لا يمكث في السيارة أكثر من عام واحد يبدأ من يوم وضعه ، و هناك أنواع زيوت محركات عالية التقنية لمحركات معينة (غير موجودة في مصر) ينص مصنع السيارة حينها على مكوث الزيت لمدة عامين .
-8- فيما يخص المسافة القصوى اللي تمشيها السيارة على نفس الزيت فده بيختلف من سيارة لأخرى (حسب المصنع و تعليماته) و من ظروف قيادة لأخرى ( و ديه تشمل كل حاجة زي نمط القيادة و التراب اللي في الجو و حالة المحرك و البنزين المستخدم و حالة فلتر الهواء و حالة فلتر الزيت و غيرهم الكثير) .
-9- المسافة المنصوص عليها في الكتالوجات بتكون مشروطة بظروف معينة لتشغيل السيارة و هي تعتبر الظروف القياسية و غالبا بتكون ظروف رائعة و مريحة للسيارة .
-10- الكتالوج بينص على إنه في حالة ظروف الإستخدام القاسية للسيارة لازم المسافة المسموح للزيت يقعد فيها في السيارة تقل و بيشرح إيه هي ظروف القيادة الشاقة و القاسية ديه و إمتى يغير الزيت .
-11- لو المسافة القياسية 15000 كم في الظروف العادية الجميلة ، و إنت (على سبيل المثال) بتسوق عربيتك في ظروف القيادة القاسية يبقى المسافة ديه مش ليك و المسافة اللي هتخصك هتتحسب بطريقة أو بأخرى بس هتكون طبعا أقل و غالبا بتكون الحسبة السريعة هي ثلاثة أرباع المسافة القياسية ؛ يعني هتكون المسافة القصوى لزيت المحرك من النوع المذكور بالأعلى هي 11000 كم ( وخلي بالك من كلمة قصوى ، يعني عادي جدا إن الزيت ييجي عند 10000 كم أو 9000 كم و يبقى لازم يتغير و ده هتوضحه النقطة اللي جاية) .
-12- الفيصل دائما فيما يخص معاد تغيير زيت المحرك بالمسافة هو حالته بكل تفاصيلها (اللزوجة ، و درجة امتلائه بالرواسب و الشوائب و يدل عليها لونه ، و رائحته) وده بيتعمل بالكشف الظاهري .
-13- نمط القيادة و ظروف المناخ و نوع البنزين و جودته و نوع فلتر الهواء و جودته و حالة المحرك قبل كل شيئ هي اللي بيطلق عليها ظروف تشغيل السيارة و بتختلف من قاسية لشديدة القسوة لعادية لمريحة و هكذا .
-14- أما وضعك لزيت shell helix ultra في محرك عامل 100 ألف كيلومتر و كنت بتحطله زيت شل الأصفر اللي هو زيت معدني و درجة لزوجته على ما أتذكر sae 15w-50 ؛ فده موضوع تاني خالص ، لأن على حسب معلوماتي كده غلط و هيأذي حاجات كتير في المحرك .
أرجو إني اكون أفدتك ، و معلش دوشتك بكلامي الكتير .
تحياتي
عندي استفسار .... فين المحطة ديه اللي حضرتك غيرت الزيت فيها ؟اقتباس:
المشاركة الأصلية كتبت بواسطة karvata
لأن المحطات (شل سابقا و توتال حاليا) زي اللي في مصطفى النحاس بمدينة نصر بعد زيت شل ما خلص من عندها بقت بترفض تغيير زيت شل إنت جايبه من بره .
لو كان يقصد محطه شل اللى قريبه من شارع النصر بعد مكتبات سمير وعلى ..... فهى ايضا تم تغييرها الى توتال ايضا .
14- أما وضعك لزيت shell helix ultra في محرك عامل 100 ألف كيلومتر و كنت بتحطله زيت شل الأصفر اللي هو زيت معدني و درجة لزوجته على ما أتذكر sae 15w-50 ؛ فده موضوع تاني خالص ، لأن على حسب معلوماتي كده غلط و هيأذي حاجات كتير في المحرك .
اوﻻ انا متشكر جدا على معلوماتك واهتمامك....... بس انا حاسس انا العربية ناعمت عن الاول ومش هقول سحبها بقى كويس بس هقول ان العربية فاقت واداءها اتحسن تحسن ملحوظ .... انا عارف ان لو فية تأثير سلبى او ضرر على الموتور زى مابتقول مش هيبان دلوقتى بس اكيد هيبقى فى مبشرات انا هحس بيها...... على العموم ربنا يستر ...... وشكرا مرة تانية على معلوماتك.
ﻻ انا جايبه من المحطة اللى فى الحى العاشر امام سوق السيارات ..... هى الوحيدة اللى عندها زيوت توتال وشيل ....... والبنزينة الوحيدة اللى عندها جهاز كشف لزوجة الزيت..... والاهم الناس اللى فيها ناس فاهمة مش واحد بيغير زيت وخلاص ...... مش واحد جه مرة يغيرى الزيت كان عاوز يحطلى الجركن ال 4 لتر كلهم وانا بغير فلتر ويقلى ( يا بية العربية بتاخد 4 لتر مع الفلتر يابية ) بس طبعا زعقت معاه جامد وقلتلة انت مش فاهم حاجة وحطينك هنا منظر وخليتة يحط ال 3.5 لتر بس..... ماعلينا ...... كمان اللى عجبنى فى البنزينة دى ان اللى بيغير الزيت عندة ضمير اوى بعد مابيغير الزيت بقعد ينضف الموتور بالهواء بتاع ربع ساعة لحد ماقولة كفاية يعم انا زهقتلك والله.....اقتباس:
المشاركة الأصلية كتبت بواسطة yahia_zakareya
. ومريح فى التعامل جدا جدا .. فى ناس غلسة وغريبة الاطوار وتعمل اللى على مزجها مش اللى انت عاوزة ...... الملخص ان البنزينة دى محترمة
شكرا على سرعة الرد و نقلك تجربتك مع المحطة المذكورة ، و إن شاء المولى عز و جل غدا السبت هروحلهم لعل ألاقي زيت شل لسه مخلصش من عندهم .اقتباس:
المشاركة الأصلية كتبت بواسطة karvata
طبعا لازم تحس في الأول إن المحرك أنعم لأن الزيت الجديد أخف من الزيت القديم و ده هيخلي حركة البستم أسهل لأن الشنابر دلوقتي بتكسح زيت لزوجته أقل ، بس خلي بالك فيه احتمال كبير إن الزيت الجديد (شل ألترا) يتسرب من الشنبر و يدخل غرفة الإحتراق و ده هتعرفه على طول من الدخنة البيضاء سواء من قدام أو من ورا من الشكمان ، و كمان الأويلسيلات بعد 100 ألف كم بيحصل فيها تشققات بس مش بتسرب زيت لأنها مسدودة بالرواسب و الزيت المعدني القديم مفيهوش إضافات تنظيف عالية لكن الزيت الإصطناعي بالكامل بيكون فيه إضافات تنظيف عالية و ديه بقى اللي هتشيل الرواسب من جوة الشقوق و يبدأ تسريب الزيت يحدث ، و حاجات تانية كتير بتحصل و كلها بتأذي المحرك .اقتباس:
المشاركة الأصلية كتبت بواسطة karvata
و هاخد على سبيل المثال جزء حيوي و من أهم أجزاء المحرك و هو "الكرانك" ، فدلوقتي الخلوص فيه وسعت لأن العربية عاملة 100 ألف كم فبيبقى محتاج زيت أتقل عشان يقوم بوظيفة التزييت صح و يملأ الفراغات كويس ، إنما الزيت الجديد مش هيعمل كده لأنه خفيف .
للأسف الشديد فيه احتمال كبير إن الزيت الجديد بعد مدة يقصف عمر المحرك ، و الأفضل إنك ترجع للزيت المعدني 15w-50 أيا كانت ماركته شل الأصفر أو غيره .
عموما لحد ما تاخد قرار بالرجوع للزيت المعدني ، لازم تتابع الزيت الحالي و معدل نقصانه كل 300 كم و تبص على الشكمان من ورا و العربية دايرة عشان تلاحظ فيه دخنة بيضاء و لا لأ .
تحياتي
الله ينور عليك اجابة شافية وافيةاقتباس:
المشاركة الأصلية كتبت بواسطة yahia_zakareya
اعتقد ممكن يجرب زيت نص تصنيعى 10w40 او 10w50
اقتباس:
المشاركة الأصلية كتبت بواسطة yahia_zakareya
تمام انا هاتبعة بس لو منقص او الشكمان مطلعش دخنة يبقى كدة كويس ولا اية........
لأاقتباس:
المشاركة الأصلية كتبت بواسطة karvata
كل ما في الأمر لو الزيت الجديد منقصش إن الشنابر قايمة بشغلها صح و بتكسح الزيت كويس فمش هيحصل تسرب لكمية منه تدخل جوة غرفة الإحتراق فتتحرق و تقوم كمية تانية وراها بدخول غرفة الإحتراق و هكذا و هو ده اللي بنقول عليه الماتور خفيف و بياكل زيت .
نقصان الزيت في الحالة ديه ملوش دعوة بالأذى اللي هيحصل للمحرك من جوة .
السبب وراء إني أنبهك لموضوع النقصان هو إن في حالات كتيرة مثل حالة عربيتك دلوقتي بيحصل نقصان للزيت لأن الشنابر بتكون مش حاكمة صح على الشميز من جوة بسبب الـ 100،000 كم اللي مشيتهم العربية ، مش زي ماكانت و الموتور جديد .
على فكرة المهندس أحمد البرعي (borio1704) و هو إستشاري الزيوت هنا في المنتدى شرح الكلام ده قبل كده باستفاضة في الموضوع ده http://www.nilemotors.net/Nile/341680-a.html ، أدخل و إقرأ و بجد هتستفيد جدا خصوصا إن المهندس أحمد طريقته في الشرح رائعة و بسيطة جدا يقدر يفهمها أي حد مش متخصص في ميكانيكا السيارات .
تحياتي