عداد السرعة والكيلو متر لا يعمل لانسر 2009 اوتوماتيك

**asalia164** · 20-03-2014 06:19 PM

السلام عليكم اخواني الاعزاء . معلش انا محتاج مساعدتكم جدا انا خارج مصر ومعايا لانسر 2009 اوتوماتيك 1300 سي سي المهم المشكلة بدأت لما كانت المطرة تنزل كانت السيارة انزل الصبح ادورها مكنتش تشتغل والقي اللمبات الي في الطبلو منورة من غير موصل مفتاح . المهم اديها وصلة بتدور وتشتغب علي طول وتشتغل مفيش مشكلة . بس كنت ابقا فاتح الشباك وانا سايق بيقفل لوحده وبعد كدة مشيت كويس . المهم من حوالي اسبوع المطرة مطرت وحصل نفس الموضوع بس المرة ديه الاشارات مبقتش تشتغل . وديتها لكهربائي هندي شيك الفيوزات وقالي كلها شغالة . المهم بعد مخلص تشيك وقفل علبة الفيوزات جيت امشي لقيت كل العدادات مش شغالة المهم شال فيوز وركبه تاني العدادات اشتغلت تاني الي عداد السرعة والكيلو متر مبعدش . وديتها لكهربائي سوري فضلت معاه السيارة 4 ايام وصلح الاشارات بس معرفش يصلح العدادات برده كشف كمبيوتر وشيك الفيوزات والوصلات وفك علبة الفتيس وشيك الحساسات وغير طبلوه عدادات كامل وبرده مشتغلش زالمهم ديتها لواحد تاني سوري بردة قعدها معاه يوم برده عمل كل حاجة وفي الاخر قالي المشكلة في الطبلوه بتاع العدادات في فيوز محروق ومش لقينه لازم تغير طبلوه العدادات كله معا العلم ان الراجل التاني غير العداد مرتين وبرده العدادا مش شغال . انا بجد تعبت ومش لاقي حد يساعدني ارجوكو الي عنده معلومة تساعدني ميبخلش بيها لان الصنايعية هنا الهنود والعرب جزارين ومش عارفين يحلو المشكلة . معلش يا جماعة مستني ردودكم

**asalia164** · 20-03-2014 07:37 PM

١٦ مشاهدة ولا رد !!!!!!

**amrelsaqqa** · 20-03-2014 07:53 PM

هى العربية فيها abs ؟

**abogoda** · 20-03-2014 09:15 PM

بص يا جميل انا أول مرة اشوف الموضوع بتاعك ده يحصل في اللانسر بس عندي خبرة في نفس الموضوع في لانوس المهم انا كنت ركبت للعربيه وحدات رفع وريموت ومع المطر او اني اغسل العربية يحصل فيها العجب العربيه تفتح وتقفل السنتر لوحدها ووحدات الرفع تعلق وعك بسبب اللعب في الضفيرة علشان كده سبت اللانسر زي ماهي ومجتش جنب الضفيرة خالص وهي معايا من 2007 زي الفل

**asalia164** · 21-03-2014 03:08 AM

المشاركة الأصلية كتبت بواسطة amrelsaqqa

هى العربية فيها abs ؟

لا مفهاش abs

**asalia164** · 21-03-2014 03:09 AM

المشاركة الأصلية كتبت بواسطة abogoda

بص يا جميل انا أول مرة اشوف الموضوع بتاعك ده يحصل في اللانسر بس عندي خبرة في نفس الموضوع في لانوس المهم انا كنت ركبت للعربيه وحدات رفع وريموت ومع المطر او اني اغسل العربية يحصل فيها العجب العربيه تفتح وتقفل السنتر لوحدها ووحدات الرفع تعلق وعك بسبب اللعب في الضفيرة علشان كده سبت اللانسر زي ماهي ومجتش جنب الضفيرة خالص وهي معايا من 2007 زي الفل

بس انا معنديش لعب في الضفيرة . ومش عارفين ايه المشكلة