تم حجز فلوانس :)

**AhmedJumaa** · 23-03-2014 08:08 PM

المشاركة الأصلية كتبت بواسطة bukla

الف مبروك ربنا يديك من خيرها و يكفيك شرها

الله يبارك فيك تسلم .

المشاركة الأصلية كتبت بواسطة batman372

مبروك مقدما ...
ان شاءالله تنبسط منها ... و هى اجمالا من العربيات الممتازه ...
تحياتى ...

الله يبارك فيك يأفندم يارب ..

**AhmedJumaa** · 23-03-2014 08:09 PM

للاسف بعد ماكان ميعاد الاستلام بكرة

تم الاتصال وتم التوضيح بأن الوان أصبح غير متواجد

والمتواجد فقط هو اوف ويت + أسود + فضي + نبيتي

بفكر أعمل اسبيشل أوردر بالوان وأجيب فئة 188 الف

ما ارئكم ؟

شكراًلكم

**miceg** · 23-03-2014 08:26 PM

يبقا الاسود وانت مغمض
وهتشو لون شيك ولامع

**SoFiMaN** · 23-03-2014 09:06 PM

الالوان دي لو مفيش غيرها يبقى الاسود اكيييد بس مع الاهتمام بيه و طالما معجبكش فخليك في الموكا و طالما كده كده هتستناه يبقى هات فئة188 لان الزينون ((الاصلي)) و الايرباج الزيادة بصراحة يستاهلوا بس طبعا هتنساهم وقت البيع

**mostafa magdy** · 23-03-2014 11:24 PM

في البدايه ألف مبروك و أختيار موفق .. و لون ما شاء الله ولا أروع
عند الأستلام شيك علي العربيه كويس أي خدش أي حاجه مش عجباك متستملش .. شوف الأستبن هو هيبقي جنط حديد عادي مش زي الجنوط اللي في العربيه راكبه يعني !
و شوف شنطه عدتك اللي مع العربيه و الظمان و الكتالوجات
أسأل علي أقرب بنزينه عشان العربيه هتبقي فاضيه خالص
لو في بتاع كاوتش كويس ظبط عنده نيتروجين .. الأمامي 32 و الخلفي 29

و أخويا الأستاذ خالد عليك علق علي باقي النقط .. و ألف مليون مبروك

**mostafa magdy** · 23-03-2014 11:28 PM

و في حاجه كمان هتستلم كيس مسامير إحتياطي للعجل .. 20 مسمار
و حاجه كمان ممكن تفيد حضرتك

إحتياطات استخدام العربيه في أول 1000 .. تكاثرت الأقاويل في المنطقه داهيه ..
يعني الأفضل متعلاش بال Rpm عن 3 . أو متدوسش في السرعه عن 100 .. قالك يعني مصر الطريق بتاعها زي بتاع طوكيو كده أنا عندي لما بجيب 70 بتخض .. و بقول الطريق فاضي أوي كده ليه
التكييف .. كلام التوكيل إستخدمه عادي من أول يوم .. المفروض في أول 1000 متستخدموش .. و الدنيا لسه برده تمام فسيب العربيه تاخد وقتها
الموتور معمول له تليين أصلا
في نقطه مهمه أوووووووووووووووووووووووو وووووووووووووووي
أكشف علي زيت العربيه و أنت في المعرض .. و لو حد ضحك عليك متزعلش .. لأني حصل معايا مشكله بسبب الموضوع ده .. لو مش واصل لحد اخر حته مشرشره أبقي روح التوكيل يزوده لك .. الموضوع بسيط
طريقه تانيه و أنت بتدور العربيه .. هتلاقي الكمبيوتر بيقولك Checking system دوس علي الزار اللي بيقلب فوق و تحت في الكمبيوتر هتلاقي Oil level OOOOOO و بنفس الشكل لو الدواير كلها بيضاء ناصعه إنت في امان و زيتك مليان حنان .. لو في واحده حتي ناقصه يبقي الزيت محتاج يتزود لأنه هيقعد معاك لحد ال 10000
خليك حونين ع العفشه في أول ألف .. و ربنا يبارك لك فيها .. و الف مليون مبروك .. حقيقي أنا فرحان لك أوي

**Hany Saad** · 23-03-2014 11:31 PM

المشاركة الأصلية كتبت بواسطة mostafa magdy

و في حاجه كمان هتستلم كيس مسامير إحتياطي للعجل .. 20 مسمار
و حاجه كمان ممكن تفيد حضرتك

إحتياطات استخدام العربيه في أول 1000 .. تكاثرت الأقاويل في المنطقه داهيه ..
يعني الأفضل متعلاش بال rpm عن 3 . أو متدوسش في السرعه عن 100 .. قالك يعني مصر الطريق بتاعها زي بتاع طوكيو كده أنا عندي لما بجيب 70 بتخض .. و بقول الطريق فاضي أوي كده ليه
التكييف .. كلام التوكيل إستخدمه عادي من أول يوم .. المفروض في أول 1000 متستخدموش .. و الدنيا لسه برده تمام فسيب العربيه تاخد وقتها
الموتور معمول له تليين أصلا
في نقطه مهمه أوووووووووووووووووووووووو وووووووووووووووي
أكشف علي زيت العربيه و أنت في المعرض .. و لو حد ضحك عليك متزعلش .. لأني حصل معايا مشكله بسبب الموضوع ده .. لو مش واصل لحد اخر حته مشرشره أبقي روح التوكيل يزوده لك .. الموضوع بسيط
طريقه تانيه و أنت بتدور العربيه .. هتلاقي الكمبيوتر بيقولك checking system دوس علي الزار اللي بيقلب فوق و تحت في الكمبيوتر هتلاقي oil level oooooo و بنفس الشكل لو الدواير كلها بيضاء ناصعه إنت في امان و زيتك مليان حنان .. لو في واحده حتي ناقصه يبقي الزيت محتاج يتزود لأنه هيقعد معاك لحد ال 10000
خليك حونين ع العفشه في أول ألف .. و ربنا يبارك لك فيها .. و الف مليون مبروك .. حقيقي أنا فرحان لك أوي

شوفت بقه التمييز يا دكتور مصطفى....حضرتك طلعت غالى قوى عند رينو و بعتنلك كيس مسامير.....انا بقى لا استلمت مسامير و لا حاجة....هنبقى نستلف منك لما نحتاج :)؛)

**Hany Saad** · 23-03-2014 11:41 PM

المشاركة الأصلية كتبت بواسطة ahmedjumaa

أهلا بيك

للاسف شوفت الوان الاسود أكثر من مره لايوجد به أقتناع
وأكثر ما شدني بهذه الوان الوان الشامبين أو الموكاً

لذلك كما أوضحت أفكر فى عمل حجز للوان + أطلع بفئة 188 الف بدلاً 178 الف

والفرق أتوقع سيكون بسيط

أحمد بيه....طبعاً لو فرق ال10 الاف جنيه تقدر عليه يبقى اشجعك تعلى الفئة من قلبى....هتاخد ٦ايرباجز بدل ٢ و دول لوحدهم يزيدوا عن الفرق ده و كمان هتاخد فرش جلد كامل فى منتهى الشياكة بتاع الفابريكة و زينون أصلى مع غسيل كشافات مع ضبط تلقائى لأرتفاعه
الكماليات الزيادة تستاهل و انت مبتشتريش عربية جديدة كل يوم...يبقى متع نفسك لو تقدر
اشجعك كمان تتمسك بلونك اللى عاجبك اللى هو الموكا و متغيرهوش علشان متزعلش كل اما تشوفه فى الشارع....الموضوع ده بيضايق جداً
لو مش مرتبط بمعرض الأبيض عن طريق بنك او غيره يبقى تكلم الموزعين الكبار زى سمير ريان و المصرية و محمد زكى و التوكيل نفسه و تسأل على الموكا الهاى لاين و تقولهم انك جاهز و هتلاقيهم خلقولك واحدة من تحت الأرض

لو فعلاً مفيش يبقى مقدمكش غير الأنتظار و لكن لاحظ الأتى
الفئة الهاى لاين و لأنها اسبيشيال اوردر مش دايماً بتيجى فى كل رسالة علشان المصنع مش بيوفرها كتير و ممكن تيجى و متجيش باللون اللى انت عايزه
اسف انى بزيد حيرتك و لكن انا بكشفلك السوق عامل ازاى
انا استنيت ٦ شهور علشان استلم اسود هاى لاين

ان شاء الله تتوفق فى واحدة بسرعة و تفرح بيها و تفرحنا معاك و مبروك مقدماً
تحياتى